MADAME VICTOIRE DE FRANCE

Ces trois soeurs en eurent une petite qui fut nommée Victoire. Ce nom luy fut donné par M. le I^at cardinal Garaflfie , qui en fut le par* rain , lorsqu'il vint en France pour esmouvoir le roy à la guerre papale et italique , et pour présage que ceste guerre et ce voyage apporteroient totale victoire ; mais ceste belle filie mourut incontinent , et ne vint aucunement en maturité, comme un beau fruict qu'on attend par la befle et blanche fleur qui le promet. Et d'autant que ledict légat, par son beau nom, en avoit présagé quelque chose de bon pour son voyage qull pourchassolt , àussy sa mort servit d'augure qu'il ne reussiroit pour bien , et qu'il ne rapporteroit grand fruict de victoire , ainsy que pour lors à la cour on en discourut là dessus.

Elle fut bessonne et d'une mesme ventrée avecques une autre qui mourut aussy tost née: vi ceste Victoire la survesquit quelques mois, dont la reyne leur mère fut en grand danger de mort, ainsy que madame de Lorraine sa fille, qui mourut pour la naissance de deux bessons