CXXXVIII

Item, et à filles de bien, Oui ont pères, mères et antes, Par m'ame ! je ne donne rien ; Tout ont eu varletz et servantes; Se fussent-ilz de pou contentes , Giânt bien leur feissent maintz lopins^ Aux povres filles advenantes.

Qui se perdent aux Jacopins.

Aux Célestins et aux Charlreux, Quoy que vie meinent estroicte, Si ont-ilz largement entre eulx, Dont povres filles ont souffrette :

Tesmoing Jaqueline et Perrette, Et Isabeau, qui dit : Enné!

Puis qu'ilz ont eu telle disette , A peine en seroit-on damné.

Item, à la grosse Margot, Très doulce face et pourtraicturCj Foy que doy Brelare Bigod,

Assez dévote créature.

Je Tayme de propre nature.

Et elle moy, la doulce sade.

Qui la trouvera d'adventure, Qu'on luy lise ceste Ballade.

BALLADE