CHAPITRE XXXI
Ck>mment le g^uet se faisoit chaque soir pour la seureté du duc.
C'estoit au commencement d'aoust que les jours sont longs que le duc entra en la ville d'Utrecht en telle puissance et effort qu'avez oy et qu'onques en icelle ville n'avoit en tel , ne si grant peuple comme à celuy jour. Sy commenchoit jà estre tart près de six heures, premier que tout fost passé et que le duc se trouvast en son logis qui estoit un bel monastère grant et spacieux de la religion de ceux de Prusse, là où le duc fut moult joieusement reçu et bienviegnié du prélat , car moult amoit et avoit amé de tout temps le sang de Bourgongne et les devanciers du duc, les ducs Albert, Guillaume et Jehan de Bavière, ses oncles, et fist une très-grant feste de sa venue. Sy vissiez celuy soir une merveilleuse infinité de lanternes pendues aux fenestres et peuple et gens aller et tourner par celle ville Tun panny l'autre comme ce fussent fourmis, gens bruire par tavernes et cabarets et faire grant chière sans qu'onques toutevoies en partist noise, ne plainte, ne rumeur nulle. Or avoit esté ordonné au conseil pour autant de jours que le duc pensoit à estre en la ville, quels et quels, auroient la charge du guet tous les soirs pour le faire devant luy, cary séoit bien de le faire bon et fort et de grant monstre ; aussi
fit-on, et fit le guet de celuy premier jour le seigneur de Croy, comme premier chambellan avecques tous les grans chambellans qui Taccompagnoient, comme son frère messire Jehan, le seigneur de Lannoy , le seigneur de Haubourdin, messire Simon de Lalaing, le sieur d'Aussy, le seigneur d'Arcy , messire Anthoine de Rochebaron, le seigneur de Rochefort, messire Philippe Pot, avecques leurs gens et avecques tous les nobles hommes de l'hostel qui montoient bien à deux cens lances sans les archers qui se tenoient en pleine rue dehors de la maison du duc droitement devant sa fenestre, et avoient là un merveilleux grant feu et haut qui duroit toute la nuit et rendoit clarté par tout, et les hommes d'armes armés tout à blanc de teste et de tout se tinrent en un grant réfrottoir* droitement devant la chambre du duc, afin, si quelque effroy ou entreprise eust esté mise sus, que par devant et par darrière et à tous costés on eust pu garantir son corps et le sauver, et estoit grant beauté de le voir certes et les trompettes et clairons et les hauts ménestrieux qui ne cessoient de sonner toute nuyt. Pareillement le vendredy et le samedy nouveau guet tous les soirs et nouveaux commis qui en avoient la charge, et le firent en la plus grant pompe et fierté dont se pouvoient aviser. Le seigneur de Hémeries fit le second guet, celui du vendredy, le bastard de Bourgongne fit le tiers, celuy du samedy, le quatrième fit le conte d'Estampes, celuy du dimence ; desquels quatre n'y ot celuy qui ne s'efforçast à le faire bien et pompeusement et à telle compagnie que, si toute la ville se fust mue en l'encontre, sy avoient-ils pouvoir assez d'y résister et sans danger, car onques, je croy, si beau guet ne fut fait, ne si puissant devant corps
» Réfrottoir^ réfectoire.
de prince, ne de si belle et bien réglée manière comme le cas et le lieu où on estoit, le requéroient bien. Le cinquième guet et le dernier, ce fut le lundi la nuit de Saint-Laurent, et le fit le seigneur de Sempy par une manière singulière, en quoy il passoit tous les autres. Sy est vray que ledit seigneur de Sempy à Theure que devoit venir à guet, avoit fait assambler devant son logis toutes les gens qu'avoit en sa charge, hommes d'armes et archers tant du pays de Picardie comme de Hainau, et boutant dehors son estandart tout desployé, le mist au front des archers qui estoient tous àpié et fit partir son estandart devant et porter par un noble escuier, Oste de la Motte, tout à cheval et estoit adestré d'une paire de torses, et tousjours après entre deux et deux archers qui sievoient ledit estandart, avoit tousjours une torche entre deux jusques à estre tous passés en cest estât et venus jusques aux fenestres du duc qui les regardoit venir et s'y délitoit moult, et en y avoit bien de huit à neuf cents bons archers, tous en cest estât , salade en teste , l'arc bandé et la flesche tirée pour dire : « Qui en € veut ? » Après, vit-on venir ledit seigneur de Sempy tout seul au front de ses hommes d'armes, monté sur un bel gros coursier couvert de veloux, armé de toute pièce, sans y fiullir riens, atout son baston de capitaine en sa main, et avoit quatre torches entour de luy , et puis tous les hommes d'armes qui le sievoient à cheval tant et tant qu'il en y avoit. Chascun avoit son page qui lui portoit sa torche devant luy et un varlet qui lui porta sa hache, et ainsi y avoit-il autant de torches comme d'hommes d'armes, dont il en y pouvoit avoir deux cens ou onze-vingt sans les torches des archers, et en cest estât passans parmy la ville tout du long que tout le monde les regardoit à merveilles, vinrent à trompettes et clairons descendre devant la maison
du duc qui se baignoit en roses' de les voir venir, et avoit emprès lui en sa chambre toute la grant seigneurie de sa maison et de sa compagnie, qui tous y prirent merveilleux plaisir et en louèrent moult celuy de Sempy. Aussi vrayement le faisoit moult bel voir, et en faisoit beaucoup à prisier, car c'estoit la première charge que jamais avoit eue, et en cest estât firent leur guet toute la nuit comme l'a voient fait les hommes d*armes en la salle et les archers en la grant place par dehors devant les fenestres du duc, jusques au jour revenu.
