CHAPITRE XXXII

Comment messire David, nouvel évesque, fist son entrée à Utrecht.

Or avez oy l'entrée que le duc fist en ceste ville dlltrecht et n'a esté parlé encore de l'évesque David qui est chief principal de ceste question et pour qui l'entrée sy a ' esté faite si fière et si puissant. Sy convient bien savoir que cestui évesque David, fils bastard du duc, n'entra mie avecques son père le jeudi qu'il y entra, ains du vouloir et conseil du duc estoit demouré darrière en une sienne ville nommée Ammeffort* à deux lieues près, et ne vouloit pas le duc qu'il entrast avecques luy, mais tout seul et à par luy comme prince et évesque de la cité, le vendredy après. Sy est vray que le vendredy bien matin, le bastard de Bourgongne monta à cheval, et accompagné de beaucoup de belles gens d'armes, sans page et sans vallet, trèstous la lance au poing, partirent d'Utrecht et allèrent à Ammef-

' Qui se baignoit en roses, expression proverbiale : qui avait grand plaisir.

* Amiersfoort.

fort quérir droit-là Tévesque pour le mener à Utrecht, lequel évesque de luy-mesme avoit beaucoup de belles gens avecques luy de son hostel, et, montant à cheval tout armé à blanc, se mist en la compagnie de son frère pour s*en venir & Utrecht, là où il entra sicomme à deux heures aprSs-midi, grandement accompagné de hauts et de nobles barons beaucoup, quiestoient au-devant de luy tous armés, tant mesme du pays et de la cité comme de ceux de la court, dont la compagnie estoit belle, car n'y avoit nul qui eust page, ne vallet, et qui ne portast sa lance luymesme en larrest dessous le bras. Sy entra ainsi cestui évesque et passa parmy celle ville, là où tout le monde s'estoit mis aux fenestres et sur les rues pour le voir passer, et estoit armé tout au blanc comme seroit un conquéreur de pais, prince séculier, là où il avoit des cérimonies pluseurs à l'entrée de la porte et ailleurs en la réception selon la mode ancienne ordonnée, desquelles je me tais pour venir à la principale qui estoit en la maistresse église, là où il alla descendre tout droit, et entra tout armé au blanc en celle église à crois et à processions solempnelles et fut mené jusques au-devant du grant autel là où il fit son oraison.