LIBER QUARTUS
Protenus aerii mellis cœlestia dona Exsequar. Hanc etiam, Maecenas, adspice partem. Admiranda tibi levium spectacula rerum , Magnanimosque duces , totiusque ordine gentis Mores, et studia, et populos, et praelia dicam. In tenui labor; at tenuis non gloria, si quern Numina laeva sinunt, auditque vocatus Apollo.
Principio sedes apibus statioque petenda , Quo neque sit ventis aditus , nam pabula venti Ferre domum prohibent ; neque oves haedique petulci Floribus insultent, aut errans bucula campo Decutiat rorem, et surgentes atterat lierbas. Absint et picti squalentia terga lacerti Pinguibus a stabulis, meropesque, aliaeque volucres; Et manibus Procne pectus signata cruentis.
LES GÉORGIQUES
DE
VIRGILE
