LE PREMIER CONTE
Dit Atropos : car ta fais gens languir, En leur ostant le sens et la mémoire.
Et tu les fais en la terre gésir En grand 1 douleur, respond le fol enfant, le les fais viure en vn iojeux désir.
Chacun m'adore, et suis Dieu triomphant :
Mais tout chacun te fuit comme le diable Tu est trop froide, et ie suis eschauffant.
Tu es vn grand seigneur, et fort notable, Dit Atropos : or sus soyons d'accord, Appointons nous, allons nous mettre à table.
Qui ia diroit autrement auroit tort, Dit Cupido, i'ay grand soif ie t*asseure, (1) Tant ay tiré de mon bel are et fort.
La Mort respond : mais moy qui tant labeure A bersaulder (2) de tous les gens et gentes, En les tuant iour et nuict à toute heure.
Lors en disant les paroles présentes, Eux deux s'en vont entrer en la tauerne, Sans point lauer leurs mains tant innocentes*
La Mort beuuoit autant qu'vne cisterne, Vantant ses faits desquelz elle est ouuriere. Et les moyens dont les humains prosterne. (3)
Et Cupido redressoit sa bannière, Disant, comment tant de gens il fait fols, Et leur fait perdre et maintien et manière.
De tel estrif on beuuoit à tous coups, Atropos pleige, et Cupido s*enyure, la ne feront sinon mauuais escots.
L'hoste en voulsist bien tost estre deliure,
(1) Rem. la rime.
(2) de herser ou borser 9 frapper à coups de flèches.
(3) latinisme p. abattre, mettre à terre.
M CUPIDO ET D ÀTROPOS. 41
Mais il ne peut, tant sont ilz hansagers. (1) L'vn fait languir, l'autre nous toit le viure.
Or nous gard Dieu de leurs cruels dangers, Et plus d'Amour, que de Mort rude et felle, le les souhaitte aux vilains est rangers.
Mais qu'aduint il en an de luj et d'elle ?
Le tauernier receut telle monnoye, Qu'il ha Amour et Atfopos rebelle
Tous empennez, (2) ainsi que voile vne oye.
Ilz s'en vont hors puis d'vn lez, puis de l'autre. Sans dire adieu, sans tenir bonne vove.
La vieille Mort qui tout froisse et espautre, Par grand mesconte eut saisy l'arc d'Amours Duquel il naure et poingt Martin et Vautre.
Amour aussi qui tout fait à rebours, Cuide happer le sien, print l'arc de Mort Et son carcatz : voulez vous plus beaux tours ?
Sans y viser, et sans autre record, Ilz vont trouuer vne presse mondaine De toutes gens attendant leur dur sort.
Lors Atropos qui de mal faire peine, (3) De l'arc changé tira flesches sans nombre .:
Amour aussi n'espagne nerf ne veine.
Là eut vn bruit tout plein d'horrible encontre, Et cris trenchans bien pour fendre vne roche : Mort fait lumière, et Cupido fait ombre.
A chacun coup que Cupido descoche,
(1) de hanse* impôt sur l'entrée des marchandises f — Scheler (Glossaire de Froissart) remplace kansagier par ha*sagier % traiter avec kausage, hauteur, fierté, maltraiter. Il s'agit donc de deux orgueilleux.
(2) Saisis? V. Godefroy.
(3) •'efforce de faire du mal.
