ET DES CONCILES DE LEGI^SE

Dun autre grand concile gênerai et vniuersel, tenu à Vienne en Dauphiné lan de grâce, mille trois cens et douze.

Apres la mort ignominieuse et honteuse dudit Pape Boniface huitième, fut eslu Benedict onzième, natif de Taruis (1) en Italie, de lordre des Fçeres Prescheurs : lequel ne fut point si iniurieux comme son prédécesseur auoit esté, mais pacifique et débonnaire : Car il declaira (2) le Roy Phelippes le Bel, estre absouz des censures ecclésiastiques que Boniface auoit fulminées contre luy. Mais ledit Pape Benedict onzième, ne régna que huit moys et dixsept iours. Au lieu duquel fut eslu Clément le quint, natif de Gascongne, Archeuesque de Bourdeaux : et fut appelle à telle dignité luy estant absent, cestasauoir pardeça en France, par le collège des Cardinaux résidons pour lors à Perouse, lan de grâce mille trois cens et cinq. Mais ce fut à lins tance et pourchas du Roy Phelippes le Bel .

Tantost après quil fut aduerti de son élection, il partit de Bourdeaux et sen vint à Lyon, non pas sans grand foule et charge des églises par ou il passa : et manda illec se trouuer par deuers luy tous les Cardinaux estans en Italie, à quoy ilz obtempérèrent sans delay ne contradiction :■ et fut faite la coronnation publique et solennelle dudit Pape en leglise de saint Iust à Lyon, là ou le Roy Phelippes le Bel estoit présent, auecques Charles son frère et tous les Princes de France : Mais la feste fut troublée par vn grand esclandre : car comme vn peuple innumerable fut monté sur vne vieille muraille de saint Iust, pour

(1) c.-à-d. Trévise.

(2) déclara (1548).

306 DB 14 MTFBREMCB DBS SCW8VB6

voir passer si grand pompe et noblesse, ledit mur surchargé tomba, et tua le Duc Iean de Bretaigne, le Roy y fut blessé, le Pape mesmes y fut foulé durement, et rué ius de son cheual, tellement quil y perdit vn riche escarboucle estant en sa couronne ou tiare, estimé ladite pierre à la valeur de six mille ducats.

Par ainsi après que le Pape Clément fut couronné, le Roy print congé de luy et sen alla marier son filz Loys Hutin à vne fille du Duc de Bourgongne nommée Marguerite : et le Pape dautre part laissa Lyon, et sen alla faire sa résidence en Auignon : et fut le premier des Papes qui y mena la court Romaine, là ou elle demoura par*lespace de lxxiiii, ans, auant que retourner à Romme.

Le sixième an après son couronnement, cestasauoir lan mille trois cens et onze, au moys de Nouembre, il célébra vn grand concile gênerai et vniuersel de toute leglise catholique, en la cité de Vienne en Dauphiné, là ou il y auoit plus de trois cens Prélats de diuerses prouinces de Chrestienté. Or est il vray, que cestoit au pourchas du Roy Phelippes le Bel, et en partie pour son désir : Car le Roy taschoit de tous poincts, à ce que le Pape Clément effaçast de la mémoire des hommes tous les actes et décrets dudit Boniface huitième, son ennemy : car le Roy pretendoit prouuer que ledit Pape en son viuant estoit hérétique. Laquelle chose combien que ledit Clément eust promis faire, ne fut pas approuuee ne permise par le concile. Mais bien fut iugé, dit et declairé, que le procès fulminé par ledit Boniface contre le Roy, estoit iniuste et de nulle valeur.

Audit concile fut establi, que les biens, rentes et possessions qui auoient appartenu à lordre et religion des Templiers, lesqueli pour aucunes grands erreurs et hère-

ET DB8 CONCIUB M LBGL18E. 307

sies auoient esté brûlez, et mis à néant, seroient attribues aux religieux de saint Iean de Hierusalem, quon dit maintenant les Cheualiers de Rhodes. Et en ce concile les Cordeliers qui desia auoient différent les vns auec les autres furent appointez, et assez dautres statuts, canons et décrets, concernans la reformation de Leglise y furent publiez, mesmement le liure des Clémentines composé par ledit Pape Clément. Saint Pierre Celestin y fut canonizé. Et fut assez longuement consulté au recouurement de la terre sainte, mais il ny eut point de conclusion ne deffect. le treuue (1) que ledit Père saint feit assembler encores deux autres conciles en France, mais les historiens ne disent point en quel lieu, ne pourquoy ne comment. Toutesuoyes, il est vraysemblable, que ce fut pour extirper et esteindre les hérésies, qui commençoient lors à croitre et pulluler de toutes pars : cestasauoir celle des Vaudois, en Piedmont et Sauoye. Et celle des poures de Lyon en France. Et à tant ferons nous fin au concile de Vienne.

Du concile

Av temps du vingtetunieme schisme, lequel sera spécifié en la dernière partie, fut tenu vn concile en Àuignon, par le Pape Iean, vingtdeuxieme de ce nom, contre Pierre de Corbario frère mineur, esleué (2) en Antipape par lempereur Loys de Bauiere. Lequel Antipape par vn autre concile tenu en Italie, auoit déclairé ledit Pape Iean vingtdeuxieme, estre hérétique : et soustenoit ledit Antipape que Iesvs Christ et ses disciples estoient si poures quilz

(1) trouve (1548).

(2) esleu dans les autres éditions.