CHAPITRE XXIX
Comment Pantagruel cl effet t les trois cents Géants armez de pierre de taille , et Loupgarou leur capitaine.
Les Géants voyant que tout leur camp estoit noyé emportèrent leur Roy Anarclie à leur col le mieulx qu’ils peurent hors du fort, comme feit Eneas son Pere Anchises , de la conflagration de Troye. Lesquels quand Panurge apperceut , dist à Pantagruel : Seigneur voyez là les Géants qui sont issus : donnez dessus à vostre fnast gualantement à la vieille escrime. Car c’est à ces te heure qu’il se fault monstrer homme de bien. Et de nostre costé nous ne vous fauldrons. Et hardiment que je vous en tue ray heauleoup. Car quoy ? David tua bien Goliath facilement. Et puis ce gros paillard Eusthenes qui est fort comme quatre bœufs , ne s’y espargnera. Prenez couraige , chocquez à travers d’estoc , et de taille. Or dist Pantagruel: De couraige j’en ay pour plus de cinquante francs. Mais quoy? Hercules n’osa jamais entreprendre contre deux. C’est, dist Panurge , bien chié en mon nez , vous comparez vous à Hercules ? vous avez par Dieu
plus de force aux- dents , et plus de sens au cul, que n’eut jamais Hercules en tout son corps, et ame. Aullant vault l’homme comme il s’estime. Eulx disans ces paroles, voiey arriver Loupgarou avecqu es touts ses Géants, lequel voyant Pantagruel seul, feut esprins de témérité, et oultreeuidance , par espoir qu’il avoit d’occire le bon liommet. Dont dist à ses compaignons Géants: Paillards de plat pays , par Mahom , si aulcun de vous entreprent combattre contre cculx-cy, je vous feray mourir cruellement. Je veulx que me laissiez combattre seul : cependant vous aurez vostre passe temps à nous reguarder. Adoncq se retirarent touts les Géants avecques leur R.oy là - auprès , où estoient les flaccons , et Panurge, et ses compaignons avecques eulx , qui contrefaisoit ceulx qui ont eu la verolle , car il tordoit la gueulle, et retiroit les doigtz , et en parolie enrouée leur dist: Je renie bieu , compaignons , nous ne faisons poinct la guerre , donnez nous à repaistre avecques vous cependant que nos maistres s’entrebattent. A quoy voluntiers le Roy et les Géants consentirent , et les feirent bancqueter avecques eulx.
Cependant Panurge leur comptoit les fables de Turpin , les exemples de Sainct Nicolas , et le conte de la Ciguoingne. Loupgarou doncques
s’adressa à Pantagruel avecq’ une masse toute d’assier pesante neuf mille sept cents quintaulx deux quarterons d’assier de Clialybes , au bout de laquelle estoient treize poinctes de diamants , dont la moindre estoit aussi grosse comme la plus grande cloclie de Nostre Dame de Paris ; (il s’en falloit par adventure l’espesseur dung ongle, ou au plus, que je ne mente, dung doz de ces cousteàulx qu’on appelle couppe-aureille : mais pour ung petit, ne avant ne arriéré) et estoit pliée en maniéré que jamais ne povoit rompre, mais au contraire, tout ce qu’il en toucboit rompoit incontinent. Ainsi doncques comme il approcboit en grande fierete, Pantagruel jectant les yeulx au ciel se recommanda à Dieu de bien bon cueur , faisant vœu tel comme s ensuit . Seigneur Dieu qui tousjours as este mon piotecteur , et mon servateur , tu veois la destresse en laquelle je suis maintenant. Rien ici ne m amcine, sinon zele naturel, ainsi comme tu as octioye es humains de garder et deffendre soy , leurs femmes , en&ns , pays , et famille , en cas que ne seroit ton négoce propre qui est la foy , cai en tel affaire tu ne veulx coadjuteur : sinon de confession catholicque , et service de ta parolle : et nous as défendu toutes armes et deffenses : car tu es le tout puissant, qui en ton affaire
propre, et où ta cause propre est tirée en action , te peulx def fendre trop plus qu’on ne sçauruit estimei ; toy qui as mille milliers de centaines de millions de légions d anges , duquel le moindre peult occire touts les humains, et tourner le ciel et la terre à son plaisir, comme jadis bien apparut en 1 armée de Sennacherib. Dopcques s’il te plaist à ceste heure m’estre en ayde, comme en toy seul est ma totale confiance et espoir : Je te fais vœu que par toutes contrées tant de ce pays de Utopie, que d’ailleurs, où je aura y puissance et auctorité, je feray prescher ton Sainct Evangile purement, simplement, et entièrement, si que les abus d’ung tas de papelarts et faulx prophètes, qui ont par constitutions humaines et inventions dépravées envenimé tout le monde , seront d’entour moy exterminez.
Alors feut oüyé une voix du ciel, disant: Hoc fiic et Dinees : cest-à-dire, Pays ainsi, et tu auras victoire. Puis voyant Pantagruel que Loupgarou approchoit la gueulle ouverte , vint contre luv hardiment et s’escria tant qu’il peut : A mort, ribault , à mort , pour luy faire paour , selon la oiscipline des Lacedemonians, par son horrible cry. Puis luy jecta de sa barque, qu’il portoit à sa ceincture , plus de dix et liuyct cacques et ung minot de sel, çlc>nt il luy emplit et gorge ,
et gouzier, et le nez, et les yeulx. De ce irrité Loupgarou, luy lança ung coup de sa masse, luy voulant rompre la cervelle : Mais Pantagruel feut liabille, et eut toujours bon pied, et bon œil, par ce démarcha du pied gausehe ung pas arriéré : niais il ne sceut si bien Dire cpie le coup ne tombast sur la barque laquelle rompit en quatre mille octante et six pièces , et versa la reste du sel en terre. Quoy voyant Pantagruel gualantemcnt ses bras desplie, et comme est lart de la hasche , luy donna du gros bout de son mast, en estocq au dessus de la mammclle , et retirant le coup à gausehe en taillade luy frappa entre col et collet : puis avançant le pied droict luy donna sur les coudions ung pic du hault bout de son mast , à quoy rompit, la hune , et versa trois ou quatre poinsons de vin qui est oient de reste. Dont Loupgarou pensa qu’il luy eust incisé la vessie, et du vin que ce feust son urine qui en sortist. De ce non content Pantagruel voulait redoubler au coulouoir : Mais Loupgarou haulsant sa masse avança son pas sur luy , et de toute sa force la vouloit enfoncer sur Pantagruel , de faict en donna si vertement que si Dieu n’eust secouru le bon Pantagruel, il leust fendu depuis le sommet de la teste jus que s au fond de la râtelle : mais le coup déclina à droict par la
44o DE U V R E S
brusque liastiveté de Pantagruel , et entra sa masse plus de soixante et treize pieds en terre à travers ung gros rocliier dont il feit sortir le feu plus gros que neuf mille six tonneaulx. V oyant Pantagruel , qu’il s’amusoit à tirer sa dicte masse qui tenoit en terre entre le roc, luy courut sus, et luy vouloit avaler la teste tout net : mais son mast de male fortune toucha ung peu au fust de la masse de Loupgarou qui estoit phée (comme avons dict devant) par ce moyen son mast luy rompit à trois doigtz de la poignée. Dont il feut plus estonné qu’ung fondeur de cloches , et s’escria: Ha, Panurge , où es-tu? Ce que voyant Panurge, dist au Roy, et aux Géants: Par Dieu ils se feront mal qui ne les départira : Mais les Géants estoient aises comme s’ils feussent de nopces. Lors Carpalim se voulut lever de là pour secomir son Maistre: niais ung Géant luy dist: Par Golfarin nepveu de Mahom , si tu bouges d’icy je te mettray au fond de mes chausses , comme on faict d’ung suppositoire, aussi bien suis-je constipé du ventre , et ne peulx guieres bien cagar , sinon à force de grincer les dents. Puis Pantagruel ainsi destitué de baston, reprint le bout de son mast, en frappant torche, lorgne, dessus le Géant, mais il ne luy faisoit mal en plus que feriez baillant une chinquenaulde sus
ung enclume de forgeron. Cependant Loupgarou tiroit de terre sa masse , et l’avoit ja tirée , et la paroit pour en ferir Pantagruel qui estoit soubdain au remuement , et declinoit touts ses coups jusques à ce que une fois voyant que Loupgarou le menassoit , disant : mescbant à ceste heure te haeheray-je comme chaire à pastez. Jamais tu ne altéreras les paovres genis. Pantagruel le frappa du pied ung si grand coup contre le ventre , qu’il le jecta en arriére à jambes rebindaines , et vous letraisnoit ainsi à Fescorche-cul plus d ung traict d’arc. Et Loupgarou s’escrioit rendant le sang par la gorge , Mahom , Mahom , Mahom : A laquelle voix se levarent touts les Géants pour le secourir. Mais Panurge leur dist : Messieurs n’y allez pas , si m’en croyez: car nostre Maistre est fol , et frappe à tords et à travers , et ne regarde poinct où il vous donnera malencontre. Mais ces Géants n’en tindreut compte , voyant que Pantagruel estoit sans baston : Lors que aprocher les veid Pantagruel, print Loupgarou par les deux pieds, et son corps leva comme une picque enl’aer, et d’icelluy armé d’enclumes frappoit parmy ces Géants armez de pierres de taille, et les abbatoit comme ung masson faiet de couppeaulx, que nul n’arrestoit devant luy qu’il ne ruast par terre. Dont à la rupture de ces
harnois pierreux feut faict ung si horrible tumulte, qu’il mesouveint, quand la grosse tour de beurre , qui estoit à Sainct Estienne de Bourges , fondit au soleil. Panurge , ensemble Carpalim et Eusthenes, cependant esgorgetoient ceulx qui estoient portez par terre. Falotes vostre compte qu’il n’en eschappa ung seul, et à veoir Pantagruel sembloit ung fauscheur, qui de sa faulx (c’estoit Loupgarou) abbatoit l’herbe d’ung pré (c’estoient les Géants). Mais à ceste escrime , Loupgarou perdit la teste , ce feut quand Pantagruel en abbatit ung qui avoit nom Riflandouille , qui estoit armé à hault appareil , c’estoit de pierres de grison, dont ung esclat couppa la gorge tout oultre à Epistemon: car aultrement la plus part d’entre eulx estoient armez à la legiere , c’estoit de pierre de tuf, et les auîtres de pierre ardoizine. Finablement voyant que touts estoient mor ts jecta le corps de Loupgarou tant qu’il peut contre la ville , et tumba comme une grenouille sus le ventre en la place mage de ladicte ville , et en tumbant du coup tiia ung chat bruslé , une chatte mouillée , une canne petiere, et ung oison bridé.
