CHAPITRE XXXI
Comment Pantagruel entra erl la 'ville des Amaurotes : et comment Panurge maria le Roy An arche 3 et le feit crieur de saulce : verte .
Apres celle victoire merveilleuse, Pantagruel envoya Carpalim en la ville des Amaurotes dire et annuncer comment le Roy Anarche estoit prins et touts leurs ennemis deffaiets. Laquelle nouvelle entenduë , sortirent au devant de luy touts les habitans de la ville en bon ordre , et en grande pompe triumphale , avecq’une liesse divine , et le conduirent en la ville et feurent faicts beaulx feux de joye par toute la ville , et belles tables rondes , garnies de force vivres , dressées par les rues. Ce feut ung renouvellement du temps de Saturne , tant y feut faicte lors grande chiere.
Mais Pantagruel , tout le Sénat ensemble , dist : Messieurs, cependant que le fer est chauld il le fauît battre, pareillement devant que nous débaucher d’advantaige , je veulx que allions prendre d’assault tout le Royaulme des Dipsodes.
Pourtant ceulx qui avecq moy vouldront venir, s’apprestent à demain apres boire : car lors je çommenceray marclier. Non qu’il me faille gents d’advantaige pour m’ayder à le conquester : car aultant vauldroit que je le tinse desja : mais je voy que ceste ville est tant pleine des habitans qu’ils ne peuvent se tourner par les rues, doncques je les mencray comme une colonie en Dipsodie , et leur donneray tout le pays, qui est beau , salubre , fructueux , et plaisant sur touts les pays du monde, comme plusieurs de vous sçavent qui y estes allez aultrefois. Ung chascuii de vous qui y vouldra venir, soit prest comme j’ay dict. Ce conseil et deliberation feut divulgué par la ville; et au lendemain se trouvaient: en la place devant le Palais jusques au nombre de dixhuict cents cinquante et six mille et unze , sans les femmes et petits enfans. Ainsi commençarent à marcher droict en Dipsodie, en si bon ordre qu’ils ressembloient és enfans d’Israël quand ils partirent d’Egypte pour passer la mer rouge. Mais devant que poursuivre ceste entreprinse , je vous veulx dire comment Panurge traicta son prisonnier le Roy Anarche. Il luy soubveint de ce qu’avoit racompté Epistemon, comment estoient traictez les Rois et riches de ce monde par les champs Elisées , et comment ils guai-
456 CE U y R E S
gnoient pour lors leur vie à vils et salles mestierS: • •>
Pourtant ung jour habilla son clict Roy d’un g beau petit pourpoinct de toille tout deschicqueté comme la cornette d’ung Albanois , et de belles chausses à la marinière , sans souliers : car (disoitil) ils luy gasteroient la veuë , et ung petit bonnet pers , avecq’une grande plume de chappon. Je faulx, car il m’est advis qu’il y en avoit deux, et une belle ceincture de pers , et vert , disant que ceste livrée luy advenoit bien, veu qu’il avoit esté pervers. En tel poinct l’amena devant Pantagruel , et luy dist : Congnoissez - vous ce rustre? Non certes, dist Pantagruel. C’est Monsieur du Roy de trois cuictes. Je le veulx faire homme de bien : ces diables de Rois ici ne sont que veaulx , et ne sçavent ny ne valent rien , sinon à faire des maulx ès paovres subjects, et à troubler tout le monde par guerre pour leur jnicque et détestable plaisir. Je le veulx mettre à mettier , et le faire crieur de saulce verte. Or commence à crier: Vous fault-il poinct de saulce verte ? Et le paovre diable crioit. C’est trop bas , dist Panurge , et le print par l’aureille , disant : Chante plus hault en g, sol, re , ut. Ainsi, diable , tu as bonne gorge , tu ne feus jamais si heureux que de n’estre plus Roy.
Et Pantagruel prenoit à tout plaisir. Car j’ose bien dire quec’estoii le meilleur petit bon homme qui feust d’ici au bout d’un g baston. Ainsi feut Anarche bon crieufr de saulce verte. Deux jours après Panurge le maria avecq’une vieille lanterniere , et luy mesme feit les nopces à belles testes de mouton , bonnes hastilles à la moustarde , et beaulx tribars aux ails , dont il en envoya cinq sommades à Pantagruel , lesquelles il mangea toutes tant il les trouva appétissantes, et à boire belle piscanline, et beau corme. Et pour les faire dancer , loua ung aveugle qui leur sonnoit la note avecque sa vielle. Après disner les amena au Palais , et les montra à Pantagruel , et luy clist monstrant la mariée : Elle n’ha garde de peter. Pourquoy ? dist Pantagruel. Pource , dist Panurgë, quelle est bien entamée. Quelle parolle est-ce là ? dist Pantagruel. Ne voyez, vous , dist Panurge , que les chastaignes qu’011 faict cuire au feu , si elles sont entières elles petent que c’est raige: et pour les engarder de peter l’on les entame. Aussi ceste nouvelle mariée est bien entamée par le bas, ainsi elle ne petera poinct.
Pantagruel leur donna une petite loge auprès de la basse rue, et ung mortier de pierre à piler la saulce. Et feirent en ce poinct leur petit mes-
nage : et feuS aussi gentil crieur de saulce verte , qui feu t oncques veu en Utopie. Mais l’on m’ha dict depuis que sa femme le bat comme piastre , et le paovre sot ne s’ose deffendre , tant il est juiays.
DE RABELAIS. /j5g
