CHAPITRE X X X I Y
La conclusion du présent livre , et V excuse de T Autheur.
O R , Messieurs , vous avez oüy ung commencement de l’histoire horrificque de mon Maistre et Seigneur Pantagruel. Icy je feray fin à ce premier livre : la teste me faict ung peu de mal , et sens bien que les registres de mon cerveau < sont quelcque peu brouillez de ceste purée de Septembre. Vous aurez le reste de l’histoire à ces foires de Francfort prochainement venantes * et là vous voirrez comment Panurge feut marié , et cocqu dès le premier mois de ses nopces , et comment Pantagruel trouva la pierre philosophale , et la maniéré de la trouver, et d’en user. Et comment il passa les monts Gaspies , comment il navigea par la mer Atianticque, et deffit les Canibales , et conquesta les Xsles de Parlas , conw ment il espousa la fille du Roy d’Inde nommée Presthàn. Gomment il combattit contre les diables , et feit brusler cinq chambres d’enfer , et mist à sac la grande chambre noire, et jecta Proserpine au feu, et rompit quatre dents à Lucifer , et une corne au cul : et comment il visita
4;o OE U Y K E S
les régions cle la Lune , pour sçavoir si à la vérité la Lune n estoit entière * mais que les femmes en a voient trois quartiers en la teste. Et mille aultres petites joyeusetez toutes véritables. Ce sont belles besongnes. Bon soir , Messieurs. Perilonnate mi, et ne pensez tant à mes faultes cpie ne pensez bien es vostres. Si vous me’dictes : Maistre, il sembieroit que ne feussiez grandement saige de nous escripre ces balivernes , et plaisantes mocquettes. Je vous responds , que vous ne 1 estes guieres plus , de vous amuser à les lire.
Toutesfois si pour passetemps joyeulx les lisez, comme passant temps les escripvois , vous et moy sommes plus dignes de pardon qu’ung grand tas de Sarrabaites, Cagotz, Escargotz , Hypocrites , Capharts , Fraparts , Botineurs et aultres telles sectes ae gents qui se sont desguisez comme masques pour tromper le monde. Car donnans entendre au populaire commun , qu’ils ne sont occupez sinon à contemplation et dévotion , en jeusnes et macération de la sensualité : sinon viayement pour sustenter et alimenter la petite fi agilité de leur humanité : au contraire font chiere , Dieu sçait quelle, et Curios simulant , et Bacchanalia rvivunt. Vous le povez lire en grosse lettre , et enlumineure de leurs routes
museaulx , et ventres à poulaine , sinon quand ils se parfument de Soulphre. Quand est de leur estude , elle est toute consommée à la lecture des livres Pantagruelicques : non tant pour passer temps joyeusement , que pour nuire a quelcqu’ung mescliantement , sçavoir est aiticulant , monorticulant , torticulant, culletant , couilletant , et diabliculant , c’est-à-dire , calumniant. Ce que faisans semblent ès coquins de villaige qui fougent et escbarbottent la merde des petits enfans en la saison des cerises et guignes , pour trouver les noyaulx , et iceulx vendre ès dragueurs qui font l’huile de Maguelet. Iceulx fuyez, abhorrissez et hayssez aultant que je fays, et vous en trouverez bien sur ma foy. Et si desirez estre bons Pantagruelistes (c’est-à-dire vivre en paix , joye, santé , faisants tousjours grand chiere) , ne vous fiez jamais en gents qui regardent par ung pertuys.
Fin des Chronicques de Pantagruel , Roi des Dipsodes restituez à leur naturel , avecq ses f aie tz et prouesses espove?itables : composez par feu b/l. AE COIRIEAS } Abs tracteur de Quinte-Essence.
Fin du second Livre et du Tome premier.
