CHAPITRE XXXIII
Comment Pantagruel feut malade , etla façon comment il guérit.
Peu de temps après le bon Pantagruel tomba
malade , et feut tant prins de Testomach qu’il ne povoit boire ny manger , et parce qu’ung malheur ne vient jamais seul, luy print une pisse chaulde qui le tourmenta plus que ne penseriez : mais ses medicins le secoururent très-bien , et avecques force drogues ienitives et diureticques le feirent pisser son malheur. Son urine tant estoit chaulde que depuis ce temps-là elle n’est encore refroidie. Et en avez en divers lieux , selon qu’elles print son cours ; et l’on l’appelle les bains chaults, comme
A Coderets , A Balleruc ,
A Limons , . A Neric ,
A Dast , A Bourbonnensy , et ailleurs.
A Santo Petro di Padua , A la Porrette , et mille aultres
A Mons grot , A Appone,
En Italie ,
A Santo Bartliolomeo , En la Conté de Boulogne
A Saincte Helene A Casa noya ,
lieux.
Et m’esbaliis grandement d’un g tas de fols Philosophes et medicins , qui perdent temps, à disputer d’ond vient la chaleur de ces dictes eaües , ou si c’est à cause du Baurach , ou du Soulphre , ou de l’Alun , ou du Salpêtre qui est dedans la minière : car ils n’y font que ravasser , et mieulx leur vauldroient se aller frotter le cul au panicault , que de perdre ainsi le temps à disputer de ce dont ils ne sçavent l’origine. Car la resolution est aisée, et n’en fault enquester d’advantaige , que lesdicts bains sont chaulds parce que ils sont issus par une chaulde-pisse du bon Pantagruel. Or pour vous dire comment il guérit de son mal principal , je laisse ici comment pour une minorative il print quatre quintaulx de Scammonée Colophoniacque. Six vingts et dix-huiet charretées de Casse. Unze mille neuf cents livres de Reubarbe , sans les aultres barbouillemens. Il vous fault entendre que par le conseil des medicins feut décrété qu’on osteroit ce que luy faisoit le mal à l’estomach. Pour ce l’on feit dîxsept grosses pommes de cuivre , plus grosses que celle qui est à Romme à l’aguille de Virgile , en telle façon qu’on les ouvroit par le millieu et fermoit à ung ressort. En l’une entra ung de ses gents portant une lanterne , et ung flambeau allumé. Et ainsi l’avalla Pantagruel comme 'un®
petite pillule. En cinq aultres entrarent trois paysants , chascun ayant une paesle à son côl. En sept aultres entrarent sept porteurs de coustrets , chascun ayant une corbeille à son col : Et ainsi feurent avallés comme pillules. Quand feurent en l’estomach , chascun defflt son ressort, et sortirent de leurs cabanes , et premier celluy qui portoit la lanterne , et ainsi ch eurent plus de demie lieuë en ung goulphre horrible , puant , et infect plus que Mephitis , ny la palus Camarine , ny le punays lac de Sorbonne, duquel escript Strabo. Et n eust esté qu’ils estoient trèsbien antidotez le cueur , l’estomach , et le pot au vin (lequel on nomme la caboche) ils feussent suffocquez, et estaincts de ces vapeurs abominables. O quel parfum ! O quel vaporement pour embrener touretz de nez à jeunes Galoises î Après en tastonnant et fleuretant approcharent de la matière fecale, et des humeurs corrompues. Finablement trouvarent une mont-joye d’ordure , lors les pionniers frapparent sus pour la desrocher, et les aultres avecques leurs paesles en emplirent les corbeilles , et quand tout fut bien nettoyé , chascun se retira en sa pomme.
Ce faict , Pantagruel se parforce de rendre sa gorge , et faeillement les mist dehors , et ne montoient en sa gorge en plus qu’un g pet en la vostre
Gg a
468 OE U y R E S
et là sortirent hors de leurs pillules joyeusement. Il me soubvenoit quand les Gregeois sortirent du cheval en Troye. Et par ce moyen feut guéri , et reduict à sa première convalescence. Et de ces pillules darquin en avez une à Orléans sus le clochier de l’Ecclise de Saincte Croix.
