CHAPITRE XVI
Comment Gargantua feut envoyé à Paris ; et de Y énorme Jument qui le -porta : et comment elle defféit les mousches bovines de la B eau ce.
En ceste mesme saison Fayoles, quart Ptoy de Numidie, envoya du Pays de Africque à Grandgousier une Jument la plus énorme et la plus grande que feut oncques veuë , et la plus raonstveuse (comme assez sçavez, que Africque aporie tous joues quelcque chose de nouveau) : Car elle estoit grande comme six OriBans , et avoit les pieds fendus en doigts , comme le cheval de J nies César , les oreilles ainsi pendantes , comme les clùevres de Languegoth , et une petite corne au cul. Au reste avoir poil dAdezan toustade, enireillisé de grises pommelettes. Mais sus tout avoit la queue horrible. Car elle estoit poy plus poy moins grosse comme la pile Sainct Mars auprès de Langés: et ainsi quarrée , avecques les brancars ny plus ny moins ennicrochez , que sont les espicz au blé.
de ce vous gsmerveillez : esmerveillez-vous
d’advantaige de la queue des beliers de Scythie que pesoit plus de trente livres : et des moutons de Surie, esquelz fault (si Tenaud dict vray) affuster une charette au cul , pour la porter ; tant elle est longue et pesante. Vous ne l’avez pas telle, vous aultres paillards de plat pays. Et feut amené par mer en trois quarraques et ung briguantïn, jusques au port de Olone en Thalmondois. Lors que Grandgousier la veit : Voici (dist-il ) bien le cas pour porter mon filz à Paris. Or ça de par Dieu, tout yra bien. Il sera grand clerc au temps advenir. Si n’estoyent Messieurs les bestes , nous vivrions comme clercz. Au lendemain , apres boyre ( comme entendez ) prindrent chemin r Gargantua , son précepteur Ponocrates , et ses gens : ensemble euîx Eudemon le jeune paige. Et parce que c’estoit en temps serain et bien attrempé , son Pere luy feit faire des bottes faulves , Babin les nomme brodequins. Ainsi joyeusement passarent leur grand chemin : et tousjours grand chiere , jusques au-dessus d’Orléans. Auquel lieu estoit une ample forest de la longueur de trente et cinq lieuës , et de largeur dix et sept , ou environ. Icelle estoit horriblement fertile et copieuse en mousches bovines , et freslons ; de sorte que c’estoit une vraye briguanderie pour les pauvres juments , asnes et che-
vaulx. Mais la jument de Gargantua vengea honnestement tous les oultraiges en icelles perpétrez sur les bestes de son espece, par ung tour, duquel ne se doubtoient mie. Car soubdain qu’ils feurent entrez en la dicte forest , et que les freslons luy eurent livré l’assault, elle desgaina sa queuë : et si bien s’escarmouchant , les esmouclia , quelle en abbattit tout le bois , à tords , à travers , de ça , de là , par cy , par là , de long , de large , dessus , dessoubz , abbatoit bois comme ung fausclieur faict d’herbes. En sorte que depuis n’y eut ne bois ne freslons : mais feut tout le pays reduict en campaigne. Quoy voyant Gargantua , y print plaisir bien grand , sans aultrement s’en vanter : et dist à ses gents : Je trouve beau ce. Dont feut depuis appelle ce pays-là Beauce , mais tout leur desjeuner fut par baisler. En mémoire de quoy encores de présent les Gentils hommes de Beauce desjeunent de baisler et s’en trouvent fort bien , et n’en crachent que mieulx. Finalement arrivèrent à Paris : on quel lieu se rafraischit deux ou trois jours , faisant chiere iye avecques ses gents , et s’enquestant quels gents sçavants estoient pour lors en ^ ille : et quel vin on y beuvoit.
