CHAPITRE XV
Comment Gargantua feut mis soubz auhres Pédagogues .
A Tant son Pere apperceut que vrayernent il estudioit très bien et y mettoit tout son temps , toutesfoîs que en rien ne prouffitoit. Et qui pis est , en devenoit fou , niays , tout resveux et ra§soté. De quoi se cornplaignant à Don Philippes des Marais, Yiceroy de Papeiigosse, entendit que mieulx luy vaul droit rien n’apprendre, que tels livres soubz tels précepteurs apprendre. Car leur scavoir n’estôit que besterie r et leur sapience iTèstoit que moufles, abastardissant les bons et nobles esperitz , et corrompant toute fleur de jeunesse. Qu’ainsi soit , prenez ( dist-il) quelcquung de ces jeunes gents du temps présent , qui ait seulement estudié deux ans: en cas qu’il n’ait meilleur jugement , meilleures parolles , meilleur propous que vostre fils , meilleur entretien et îiomicsteté entre le monde , reputez-moy à jamais ung taille-bacon de la Brene. Ce qu’à Grangousier pleut très bien , et commanda qu’àinsi feust faict.
Au soir en souppàrit , ledict des Marais introduit ung sien jeune paîge de Ville Gongis, nommé
Eudemon , tant testonné , tant bien tiré , tant bien espousseté , tant honneste en son maintien , que trop mieulx ressembloit quelc-que petit Angelot qu’ung homme. Puis dist à Grandgousier :
Y oyez- vous ce jeune enfant? il n’ha encore douze ans: voyons, si bon vous semble , quelle différence y ha entre le sçavoir de vos resveurs mateologiens du temps jadis , et les jeunes gents de maintenant. 1,’essay pleut à Grandgousier , et commanda que le Paige proposast. Alors Eudeïïion demandant congé de ce faire audict Viceroy son maistre, le bonnet au poing, la face ouverte, la bouche vermeille, les yeulx asseurez et le regard assis sus Gargantua, avecques modestie juvénile , se tint sus ses pieds , et commença le loüer et magnifier premièrement de sa vertu, et bonnes mœurs, secondement de son sçavoir, tiercement de sa noblesse , quartement de sa beaulté corporelle. Et pour le quint doulcement l’exhortoit à reverer son pere en toute observance , lequel tant s’estudioit à bien le faire instruire, enfin le prioit qu’il le voulsist retenir pour le moindre de ses serviteurs. Car aultre don pour le présent ne requeroit des Cieulx , sinon qu’il luy feut faict grâce de luy complaire en quelcque service aggreable.
Le tout feut par icelluy proféré avecques gestes tant propres, prononciation tant distincte , voix
tant éloquente , et languaige tant aorné et bien Latin , que mieulx ressembloit ung Gracchus , ung Cicéron, ou ung Emilius du temps passé, qu’ung jouvenceau de ce siecle. Mais toute la contenence de Gargantua feut qu’il se print à plorer comme une vache , et se cachoit le visaige de son bonnet , et ne feut possible de tirer de luy une parolle , non plus qu’ung pet d’ung asne mort.
Dont son pere feut tant courroussé , qu’il voulut occire maistre Jobelin. Mais ledict des Marais 1 en garda par belle remontrance qu’il luy feit* en maniéré que feut son ire modérée. Puis commanda qu’il feust payé de ses gaiges 7 et qu’on le feist bien choppiner Theologalement : ce faict qu il allast à touts les Diables. Au moins (disoit-il) pour le jourd’huy ne coustera il guieres à son hoste , si d’adventure il mouroit ainsi saoul comme ung Anglois. Maistre Jobelin parti de la maison, consulta Grandgousier avecques le Vjceroy, quel précepteur l’on luy pourroit bailler , et feut avisé entre eulx, qu’à cest office seroit mis PonocrateSy Pédagogue de Eudemon , et que touts ensemble iroient à Paris, pour congnoistre quel estoiti’estude des jouvenceaulx de France pour icelluy temps.
OE U y R E s
