CHAPITRE XXI
L'es tu cle de Gargantua 3 selon la discipline de ses Précepteurs Sophistes.
Les premiers jours ainsi passez et les cloches remises en leur lieu : les citoyens de Paris par recongnoissance de ceste honnesteté , s offrirent d’entretenir et nourrir sa jument tant quil luy plairoit. Ce que Gargantua print bien à gré. Et l’envoyarent vivre en la forest de Biere. Je croy qu’elle n’y soit plus maintenant.
Ce faict , voulut de tout son sens estudier à la discrétion de Ponocrates. Mais icelluy pour le commencement ordonna , qu’il feroit à sa maniéré accoustumée : affin d’entendre par quel moyen en si long temps ses anticques précepteurs l’avoient rendu tant fat, niays, et ignorant. Il dispensoit doncques son temps en telle façon, que ordinairement il s’esveilloit entre huyct et neuf heures , feust jour ou non: ainsi l’avoient ordonné ses Regens anlicques , allegant ce que dict David : V anum est vobis ante lucem sur gere. Puis se gambayoit , penadoit, et paillardoit parmy le lict quelcque temps pour mieulx esbaudir ses espritz animaulx, et s’habilloit selon la sai-
son , mais voulentiers portoit il une grande et longue robbe de grosse frise , fourrée de regnards : apres se pygnoit du pygne de Almaing , c’estoit des quatre doigts et le poulce. Car ses précepteurs disoient , que soy aultrement pygner , laver et nettoyer , estoit perdre temps en ce monde.
Puis fiantoit , pissoit , rendoit sa gorge , rottoit , petoit , baisloit crachoit , toussoit , sangloutoit , et esternuoit , et se morvoit en archidiacre , et desjeunoit pour abbattre la rouzée et maulvais aër : belles tripes frites , belles carbonnades , beaulx jambons , belles cabirotades et force souppes de prime. Ponocrates lui remonstioit, que tant soubdainne debvoit repaistre au pai tir du lict , sans avoir premièrement faict quelcque exercice. Gargantua respondit: Quoÿ ! Kay je faict suffisant exercice? Je me suis veautré six ou sept tours parmy le lict , devant que me lever. N’est- ce assez? Le Pape Alexandre ainsi faisoit par le conseil de son médecin Juif, et vesquit jusques à la mort en despit des envieux. Mes premiers Maistres m’y ont accoustumé, disants que le desjeuner faisoit bonne mémoire , pointant y beuvoient les premiers. Je m’en trouve fort bien : et n’en disne que mieulx. Et me disoit Maistre Tuba] (qui feut premier de sa licence à laiis) que ce n’est tout l’advantaige de courir
DE RABELAIS. gt
bien tost , mais bien de partir de bonne heure : aussi n’est-ce la santé totale de nostre humanité, boyre à tas , à tas , comme canes , mais ouy bien de boire matin : U nde versus :
L«ver matin n’est poinct bon heur ,
Boyre matin est le meilleur.
Apres avoir bien à poinct des jeune , alloit à l’Ecclise , et luy portoit-on dedans un grand penier , ung gros breviere empan touphlé , pesant tant en gresse qu’en fermoirs et parchemin , poy plus poy moins , unze quintaulx six livres. Là oyoit vingt et six ou trente messes : cependant venoit son diseur d’heures en place empaletocqué comme une duppe , et très bien antidoté son halainëàforce syrop vignolat. Avecques icelluymarmonnoit toutes ses Kyrielles : et tant curieusement les espluschoit , qu’il n’en tomboit ung seul grain enterre. Au partir de l’Ecclise , on luiamenoit sus une traine à bœufs , ung faratz de patenostres de sainct Claude , aussi grosses chascune qu’est le moulle d’ung bonnet , et se pourmenant par les cloistres , galeries , ou jardin , en disoit plus que seize hennîtes.
Puis estudioit quelcque meschante demie heure , les yeulx assis dessus son livre : mais
ga OE U V R E S
( comme dict le Comicque ) son ame estait en Ja cuisine.
Pissant donq plein official, s assëoit à table. Et parce qu’il estoit naturellement phlegmaticque , commençoit son repas par quelques douzeines de jambons , de langues de bœuf fumées , de boutargues , d’andoilles , et telz autres avantcoureurs de vin. Cependant quatre de ses gents lui jettoient en la bouche , l’ung après l’aultre continüement , moustarde à plenes palerées , puis beuvoit ung horrificque traict de vinc blanc , pour luy soulaiger les roignons. Apres mangeoit selon la saison , viandes à son appétit , et lors cessoit de manger quand le ventre luy tiroit. A boyre n’avoit poinct fin ni canon. Car iî disoit que lesmetes et bournesvde boyre estoient, quand la personne beuvant , le liege de ses pantoufles enfioit en hault d’ung demy pied.
