CHAPITRE XX
Comment le Sophiste emporta son drap et comment il eust procez entre les auïtres Mais très.
Le Sophiste n’eust si tost achevé que Ponocrates et Eudemon s’esclaffèrent de rire tant profondément , qu’ils en cuidarent rendre lame à Dieu, ne plus ne moins que Crassus , voyant ung asne couillart qui mangeoit des chardons , et comme Philemon, voyant ung asne qui mangeoit des figues qu’on avoit apprestées pour le disner, mourut de force de rire. Ensemble eulx commença rire Maistre Janotus , à qui mieulx mieulx, tant que les larmes leur venoient ez yeulx, par la vehemente concussion de la substance du cerveau : à laquelle feurent exprimées ces humiditez lachrymales , et transcoulées jouxte les nerfs opticques. En quoy par eulx estoit Democrite heracïitisant , et Heraclite democritisant représenté.
Ces rys du tout sedez, consulta Gargantua avecques ses gents sus ce qu’estoit de faire. Là feut Ponocrates d’advis qu’on feist reboire ce bel
86 OE U y R E S
Orateur. Et veu qu’il leur avoit donné du passetemps , et plus faict rire que n’eust faict Songecreux , qu’on luy baillast les dix pans de saulcices , mentionnez en la joyeuse Harangue , avécques une paire de chausses , trois cents de gros bois de moulle , vingt et cinq muitz de vin , un lict à triple couche de plume anserine , et une escuelle bien capable et profunde: lesquelles disoit estre à sa vieillesse necessaires. Le tout feut iaict ainsi qu’avoit esté délibéré: excepté que Gargantua, doublant qu’on ne trouvast à l’heure chausses commodes pour ses jambes: doubtant aussi de quelle façon mieulx duir oient audict Orateur , ou à la martingale , qui est ung pont-levis de cul, pour plus aisément fianter: ou à la marinière , pour tnieulx soulaiger les roignons : ou à la Souice, pour tenir chaulde la bedondaine, ou à queue de merlus , de paour d’eschauffer les reins: luy feist livrer sept aulnes de drap noir, et trois de blanchet pour la doubleure. Le bois feut porté par les gaingnedeniers , les Maistres ez Arts portarent les saulcices et escuelle. Maistre Jariot voulut porter le drap. Ung des cl icts Maistres , nommé Maistre Jousse Bandouille , luy remonstroit que ce n’estoit honneste ny decent à son estât, et qu’il le baillast à quelcqu’ung d’entre eulx. Lia (dist Janotus) Baudet, Baudet, tu ne
concluds poinct in modo et figura. Voilà de quoi servent les suppositions, et paiva logicalia. Pannus pro quo supponit? confuse ( dist Bandouille ) et distributive. Je ne te demande pas (dist Janotus) Baudet, quomodo supponit , mais pro quo: c’est, Baudet, pro tibiis mcis. Et pour ce le porterai-je egomet , sicut supposition portât adpositum. Ainsi l’emporta en tapinois, comme feit Patelin son drap. Le bon feut quand le tousseux glorieusement en plein Acte , tenu chez les Maturins , requist ses chausses et saulcisses: Car péremptoirement luy feurent deniez , par aultant qu’il les avoit eu de Gargantua , scion les informations sus ce faictes. Il leur remonstra que ce avoit esté de gratis , de sa libéralité: par laquelle ils n’estoient mie absouls de leurs promesses. Ce nonobstant luy feut respoiiclu qu’il se contentast de raison , et que aultre bribe n’en auroit. Raison? dist Janotus: Nous n’en usons poinct céans. Traistres malheureux , vous ne valez rien. La terre ne porte gents plus meschants que vous estes. Je le sçay bien : ne clochez pas devant les boyteulx. J’ay exercé la meschanceté avecques vous. Par la ratte Dieu , j’advertiray le Roy, des énormes abus qui sont forgez céans, et par vos mains et menées. Et que je eoye ladre s’il ne vous faict touts vifs biusler
comme bougres , traistres , hereticques , et séducteurs j ennemis de Dieu et de vertus.
A ces mots , prindrent articles contre imy : luy de 1 aultre costé les feit adjourner. Somme , le procez fent retenu par la Court: et y est encores. Les Magistres sus ce poinct, feirent voeu de ne soy descroter; maistre Janot ayecq ses adhérents feit vœu de ne se mouscher, jusque* à ce qu’il en feust dict par arrest difinitif.
Par ces vœux sont jusques à présent demourez et croteux, et morveux: car la Court n’ha «encores bien grabelé toutes les pièces. L’arrest sera donné és prochaines Calendes Grecques , est à dire jamais. Comme vous scavez qu’ils font plus que nature, et contre leurs articles propres. Les articles de Paris chantent que Dieu seul peult •faire choses infinies. Nature, rien ne faict immortel : car elle mect f n et période à toutes, choses par elle produictes: Car omnia orta cadunb: etc.
Mais ces avalleurs de frimars font les procez devant eulx pendents, et infnis, et immortels. Ce que faisants ont donné lieu, et vérifié le dict de Cîiilon Lacedemonian , consacré en Delphes , disant : misere estre compaigne de procez , et gents plaidoyens misérables. Car plustost ont fin dé leur vie, que de leur droicr prétendu.
