CHAPITRE X X Y
Comment feut meu entre les F oïl aciers de Lerné et ceulx du Pays de Gargantua , le grand débat, dont f eurent fai c tes grosses guerres.
En cestuy temps, qui feut la saison de vendanges au commencement de Au tonne , les Bergiers de la contrée estoient à garder les vignes , et empescher que les estourneaulx ne mangeassent les raisins. Auquel temps les foüaciers de Lerné passoient le grand quarroy, menants dix ou douze chargés' de foüaces à la ville. Lesdicts Bergiers les requirent courtoisement leur en bailler pour leur argent, au prix du marché. Car notez que c’est viande celeste , manger à desjuner raisins avec fouace fraisclie , mesmement des pineaulx, des fiers, des muscadeaulx, de la bieane , et des foirars pour ceulx qui sont constipez du ventre. Car ils les font aller long comme ung vouge : et souvent Guidants peter , ils se concilient : dont sont nommez les cuideurs de vendanges. A leur requeste ne feurent aulcune- «nent enclines les foüaciers, mais ( qui pis esQ
DE RABELAIS. ix5
les oultraigearent grandement, les appellants Trop diteux, Breschedens, Plaisans rousseaubc, Galliers , Chi-en-licts , Averlans , Limes sourdes , Faictneans, Friandeaulx, Bustarins, Talvassiers, Rien-ne-vaulx , Rustres, Challans, Hapelopins , Traineguaines, gentils Flocquets, Copieux, Landores , Malotrus, Dendins , Beaugears, Tezez, Gaubregeux , Goguelus , Claquedens , Boyers d’etrons, Bergiers de merde, et aultres tels epithetes diffamatoires, adjoustant que poinct à eulx n’appartenoit manger de ces belles fouaces : mais qu’ils se debvoient contenter de gros pain balle , et de tourte. Auquel oultraige ung d’entr’eulx , nommé Forgier, bien lionneste homme de sa personne , et notable bachelier , respondit doulcement; depuis quand avez -vous prins cornes, qu’estes tant rogues devenus? Dea, vous nous en soûliez voulentiers bailler, et maintenant y refusez? Ce n’est faict de bons voisins, et ainsi ne vous faisons-nous , quand venez ici âchepter nostre beau froument duquel vous faictes vos gasteaulx et foüaces : encore par le marché vous eussionsnous donné de nos raisins; mais par la merde, vous en pourrez repentir, et aurez quelcque jour affaire de nous , lors nous ferons envers à la pareille, et vous en soubvienne. Adoncq Marquet , grand bastonnier de la confrairie des
xi 6 OE U V R E S
foüaciers , luy dist: Vrayement tu es bien acresté à ce matin , tu mangeas hersoir trop de mil. ,Vien ça, vien ça, je te donneray de ma foliacé. Lors Forgier en toute simplesse approcha , tirant ung unzein de son baudrier, pensant que Marque! luy deust despocher de ses foliacés: mais il luy bailla de son fouet à travers les jambes, si rudement que les nouds y apparoissoient : puis voulut gaigner à la fuite , mais Forgier s’escria au meurtre et à la force, tant qu’il peust, ensemble luy jecta ung gros tribard qu’il portoit soubs son escelle , et l’attainct par la joincture coronale de la teste , sus l’artere crotaphicque , •du cos té dextre ; en telle sorte que Marquet tumbit de dessus sa jument, mieulx semblant homme mort, que vif.
Cependant les mestayers, qui là auprès challoient les noix, accoururent avec leurs grandes gaules , et frapparent sus ces foüaciers comme sus seigle verd. Lesaultres bergiersetbergieres ouyans -le cry de Forgier , y vindrent avec leurs fondes et brassiers , et les suivirent à grands coups de pierres tant menus, qu’il sembloit que ce feust gresle. Finablement les aconceurent, et oustarent de leurs foüaces environ quatre ou cinq douzeines , îoutesfois ils les payarent au prix accoustuiné, et leur doanarent ung cent de quecas l et trois
panerées de francs aubiers, puis les foüaciers aidarent à monter Marquet, qui estoit villainement blessé , et retournarent à Lerné sans poursuivre le chemin de Pareillé: menassants forts et ferme les boviers, bergiers, et mestayers de Sevillé et de Sinays. Ge faict , bergiers et bergieres ferrent chiere lie avecques ces foüaces et beaulx raisins, et se rigoularent ensemble au son de la belle bouzine : se mocquants de ces beaulx foüaciers glorieux, qui avoient trouvé mal-encontre, par faulte de s’estre seignez de la bonne main au matin. Et avec gros raisins chenins estuvarent les jambes de Forgier mignonnement, si bien qu’il feut tantost guery.
