CHAPITRE XXIV
Comment (j civpçcintucL employoi t /ç temps quand l aër es toit pluvieux.
S'il advenoit que l’aër feust pluvieux et intemperé, tout le temps devant disner estoit employé comme de coustume , excepté qu’il faisoiù allumer ung beau et clair feu, pour corriger l’intemperie de l’aër. Mais apres disner en lieu des exercitations ils deinouroient en la maison , et par maniéré d’Apotherapie s’esbatoient à boteler du foin , à fendre et scier du bois , et à battre les gerbes en la grange. Puis estudioient en l’art de paincture et sculpture : ou revocquoient en usaige I anticque jeu des taies , ainsi qu’en ha escript Leonicus , et comme y jouë nostre bon amy Lascaris. JEn y joüant recoloient les passaiges des Auteurs anciens , esquels est faicte mention , ou piinse quelque métaphore sus icelluy jeu. Semblablement , ou alloient veoir comment on tiroit les metaulx , ou comment on fondoit l’artillerie : ou alloient veoir les lapidaires , orfebvres , et tailleurs de pierreries , ou les Àlchymistes , et tnonnoyeurs , ou les haultelissiers , les tissutiers } les yelou tiers , les horlogers , miraillers , lmp ri-
meurs , organistes , teinturiers , et aultres telles sortes d’ouvriers , et par tout donnants le vin apprenoient et consideroient l’industrie et invention des mestiers.
Alloient ouyr les leçons puhlicques , les actes solennels , les répétitions , les acclamations , les plaidoyez des gentils Advocats , les concions des presclieurs Evangelicques.
Passoit par les salles et lieux ordonnez pour l’escrime : et là contre les maistres essayoit de touts bastons , et leur montroit par evidence , qu’aultant , voire plus , en sçavoit qu’iceulx. Et au lieu d’arboriser visitoient les bouticques des drogueurs , herbiers , et apothecaires , et soingneusement consideroient les fruicts , racines , feuilles , gommes , semences , axunges peregrines, ensemble aussi comment on les adulteroit. Alloit veoir les basteleurs trejectaires , et theriacleurs , et consideroient leurs gestes , leurs ruses , leurs sobresaulx et beau parler : singulièrement de ceulx de Chaunys en Picardie , car ils sont de nature grands jaseurs , et baulx bailleurs de ballivernes en matière de Cinges verds. Eulx retournez pour souper , mangeoient plus sobrement qu’ès aultres jours , et viandes plus desicatifves et exténuantes , affin que l’intemperie humide de l’aër comîpuniquée au corps par necessaire confmité , feust
il 2
OE U y R E S
par ce moyen corrigée , et ne leur feust incommode par ne soy estre exercitez , comme avoient de coustume. Ainsi feut gouverné Gargantua , et continuoit ce procez de jour en jour , proufi. tant comme entendez que peult faire ung jeune homme selon son eage de bon sens , en tel exercice , ainsi continué. Lequel combien qu’il semblast pour le commencement difficile , en la continuation tant doulx feut, legier et délectable, que mieulx ressembloit ung passe-temps de Roy que l’estude d’ung escholier. Toutesfois , Ponociates pour le séjourner de ceste veliemente intention des esperits , advisoit une fois le mois quelcque jour bien clair et serain , auquel bogeoient au matin -de la Ville, et alloient à Gen-. tiliy , ou à Boloigne , ou à Mont- Rouge , ou au Pont-Charanton , ou à Vanves , ou à Sainct Clou. Et là passoient toute la journée à faire la plus grand’chiere dont ils se pouvoient adviser : raillants , gaudissants , beuvants d’aultant , joüants , chantants , dansants , se veaultrants en quelcque beau pré : dénichants des passereaulx , prenants des cailles : peschants aux grenoilies et escre- Visses.
Mais encore qu’icelle journée feust passée sans livres et lectures , poinct elle n’estoit passée sans proffi,t. Car en ce beau pré ils rccoloient
DE RABELAIS. u3
jp3T cueur quelques plaisants vers de 1 agriculus-iG de Virgile , d’Hesiode, du Rustique de Politian: descripvoicnt quelques plaisants épigrammes en Latin: puis les mettoient par roncleauk et balades en Langue Françoise. En banequetoit , du vin aigue separoient l’eaüe , comme l’enseigne Caton de re rust. et Pline , avecques ung goubelet de lierre : lavoient le vin en plein bassin d eaüe , puis le retiroient avec ung embut : faisoient aller l’eaüe d’ung voyi're en aultre ; bastissqient plusieurs petits engins automates : c’est à dire soy mouvens eulx-mesmes. v v
