CHAPITRE XXVII

Comment ung \Toyn c de Secille souh'ti le clos de U Abbaye du sac des ennemis .

Tant feirent et tracassèrent , pillant et laronnant , qu’ils arrivèrent à Sevillé , et destroussarent hommes et femmes, et prindrent ce qu’ils peuvent : rien ne leur feut ne trop chauld ne trop pesant. Combien que la peste y feust par la plus grande part des maisons, ils entroient par tout, et ravissoient tout ce qu’estoit dedans , et jamais nul n’en, print dangier. Qui est cas assez merveilleux. Car les Curez, Vicaires, Prescheurs, Medicins, Chirurgiens et Apothecaires , qui alloient visiter , penser , guérir , prescher et admonester les malades , estoient touts morts de l’infection , et ces diables pilleurs et meurtriers oncques n’y prindrent mal. Dond vient cela , Messieurs ? pensez-y je vous prie. Le bourg ainsi pillé, se transportaient en l’Abbaye avec horrible tumulte : mais la trouvarent bien resserrée et fermée : dont l’armée principale marcha oultre vers le gue de Ve de , exceptez sept enseignes de gens de pied , et deux cents lances qui là restarent , et rompirent les murailles du clos alun de gaster toute

OE U y R E S

la vendange. Les paovres diables de Moynes ne sçavoient auquel de leurs Saincts se vouer. A •toutes adventures feirent sonner ad Capitulum Capitulantes. La feut décrété qu’ils feroient une belle procession renforcée de beaulx pré-chants contraltos tium insidias .* et beaulx Responsÿoro pace. En l’Abbaye estoit pour lors ung Moyne claus trier , nomme Frere Jean des Entommeures , jeune, gallant , frisque , déliait, bien à dextre , hardi, adventureux, délibéré, hault, maigre, bien fendu de gueule , bien advantaigé en nez , beau despescheur d’Heures , beau desbrideur de Messes, beau descroteur de Vigiles. Pour tout dire sommairement , vray Moyne , si oncques en feut depuis que le monde moynant moyna de moynerie. Au reste, Clerc jusques ës dents en matière de Bréviaire. Icelluy entendant le bruit que faisoient les ennemis par le clos de leur vigne , sortit hors pour veoir ce qu’ils faisoient. Et advisant qu’ils vendangeoient leur* clos auquel estoit leur boite de tout l’an fondée , retourne au chœur de l’Ecclise où étoient les aultres Moynes tous estonnez comme fondeurs de cloches, lesquels voyant chanter, Im , im , pe } e, e , e , tum } um, in , i } ni , i, mi, co t o } o , o t o , o y rum , um. C’est, dist-il, bien chié chanté. Vertus Dieu , que ne chantez-vous : Adieu paniers , vert-

DE RABELAIS. ia3

danges sont faictes. Je me donne au diable, s’ils ne sont en nostre clos j et tant bien couppent et seps et raisins , qu’il n’y aura par le corps Dieu de quatre années que halleboter dedans. Ventre Sainct Jacques que boirons-nous cependant, nous aultres paovres diables? Seigneur Dieu da mihi potum. Lors dist le Prieur claustral : Que fera cest yvrogne icy ? Qu’on me le meine en prison : troubler ainsi le service divin ? Mais (dist le Moyne ) le service du vin : faisons tant qu’il ne soit troublé ; car vous-mesme , Monsieur le Prieur, aimez boire du meilleur, si faict tout homme de bien. Jamais homme noble ne hayst le bon vin, c’est ung apophthegme monachal. Mais ces Respons que chantez icy ne sont par Dieu poinct de saison. Pourquoy sont nos heures en temps de moissons et vendanges courtes , et en l’Advent et tout Hyver longues ? ■

Feu de bonne mémoire frere Macé Pelosse, vray zélateur (ou je me donne au diable) de nostre religion , me dist , il m’en soubvient , que la raison estoit affm qu’en ceste saison nous facions bien serrer et faire le vin et qu’en hyver nous le humions. Escoutez , Messieurs , vous aultres qui aimez le vin , le corps Dieu si me suivez : Car hardiment , que Sainct Antoine m’arde , si ceulx tastent du piot 5 qui n’auront secouru la vigne.

Ventre Dieu, les biens de l’Ecclise ? Ha non non. Diable , Sainet Tiionias l’Anglois voulut bien pour iceulx mourir: si j’y mourois , ne serois-je Sainet de mesmes? Je n’y mourray ja pourtant : car c’est moy qui le fais és aultres.

Ce disant mist bas son grand habit, et se saisit du baston de la Croix, qui estoit de cueur de cormier, long comme une lance, rond à plein poing , et quelcque peu semé de fleurs de lys toutes presques effacées. Ainsi sortit en beau sayon, mist son froc en escharpe. Et de son baston de la croix donna brusquement sus les ennemis , qui sans ordre ne enseigne, ne trompette, ne taborin, parmi le clos vendangeoient. Car les porteguidons et port’enseignes avoient mis leurs guidons et enseignes 1 orée des murs , les taborineurs avoient défoncé leurs taborins d’ung costé , pour les emplir de raisins, les trompettes estoient chargées de moussines : chascun estoit desrayé. Il choqua doneques si roidement sus eux sans dire gare, qu’il les renversoit comme porcs , frappant à tors et à travers à la vieille escrime. Ez ungs escarbouilloit la cervelle , ez aultres rompoit bras et jambes, ez aultres deslochoit les spondiles du coi : ez aultres demolloit les reins , avalloit le nez, poschoitles yeulx, fendoit les mandibules, enfonroit les dents en la gueule, descroulloit

Î)E RABELAIS. ia5

les omoplates, sphaceloit les grèves, desgondoit les ischies , debecilloit les faucilles. Si quelcqu’ung se vouloit cacher entre les sepes plus eSpés, à icelluy froissoit toute l’areste du dos,

et l’esrenoit comme ung chien.

Si aulcun saulver se vouloit en fuyant , à icelluy faisoit voler la teste en pièces par la commissure lambdoïde. Si quelqu’ung gravoit en ung arbre , pensant y estre en seureté , icelluy de son baston empaloit par le fondement.

Si quelcqu’ung de sa vieille congnoissance luy crioit: Ha Frere Jean, mon ami, Frere Jean, je me rends. Il t’est (disoit-il) bien force-, mais ensemble tu rendras lame à touts les diables. Et soubdain luy donnoit dronos. Et si personne tant feut esprins de témérité quil lui voulust résister en face , là montroit-il la force de ses muscles. Car il leur transperçoit la poictrine par le mediastin et par le cueur : â d’aultres donnant sus la faulte des costes , leur subverüssoit l’estomach , et mouroient soubdainement : ez aultres tant fierement frappoit par le nombril, quil leur faisoit sortir les tripes : ez aultres parmi les coudions perçoit le boyau cullier. Croyez que c estait le plus horrible spectacle qu on veit oncques..

Les ungs crioient , Saincte Barbe . les aulties, Sainct Georges; les aultres, Saincte N’y touche:

i»6 OE U y R É s

les aultres , nostre Dame de Cunault , de Laurette , de Bonnes Nouvelles , de la Lenou , de Riviere. Les ungs se voüoient à Sainct Jacques : les aultres au Sainct Suaire de Chambéry : mais il brusla trois mois apres , si bien qu on n’en peust saulver ung seul brin. Les aultres à Cadoüin. Les aulties à Sainct Jean d’Angeli : les aultres à Sainct Eutrope de Xaintes , à Sainct Mesme de Chinon , à Sainct Martin de Candes , à Sainct Cloüaud de Sinays : ez Pœliques de Jovrezay: et mille aultres bons petits Saincts. Les ungs mouraient sans parler : les aultres parloient sans mourir: les ungs se mouraient en parlant : les aultres parloient en mourant. Les aultres crioient a haulte voix, Confession , Confession , Cojifiteor 3 Miserere , In manus. Tant feut grand le cry des navrez , que le Prieur de l’Abbaye avec tous ses Moynes sortirent. Lesquels quand apperceurent ces paovres gents ainsi rüez parmi la vigne et blessez à mort , en confessarent quelcques - ungs. Mais cependant que les Prebstres s’amusoient à confesser , les petits Moynettons coururent au lieu où estoit Frere Jean , et lui demandarent en quoy il vouloit qu’ils luy aidassent.

A quoy respondit , qu’ils esgorgetassent ceulx qui estoient portez par terre. Adoncques lais-

sauts leurs grandes cappes sus une treille , au plus près , commencarent esgorgeter et achever ceulx qu’avoit desja meurtris. Seavez - vous de quels ferremens ? A beaulx gouets , que sont petits demy cousteaulx dont les petits enfans de nostre pays cernent les noix. Puis à tout son baston de croix gaigna la bresche qu’avoienl faicte les ennemis. AulçunS des Moynettons emportarent les enseignes et guidons en leurs chambres pour en faire des jarretières. Mais quand ceulx qui s’estoient confessez voulurent sortir par icelles bresches , le Moyne les assommoit de coups , disant : Ceux-ci sont confessés , et repentans , et ont gaigné les pardons : ils s’en vont en Paradis aussi droict comme une faucille , et comme est le chemin de Faye. Ainsi par sa proesse feurent desconfiz tous ceulx de l’armée qui estoient entrez dedans le clos , jusques au nombre de treize mille six cents vin gts et deux , sans les femmes et petits enfans , cela s’entend tousjours. Jamais Maugis hermite ne se porta si vaillamment à tout son bordon contre les Sarrasins , desquels est escript és gestes des quatre fils Aymon , comme feit le Moyne à l’encontre des ennemis , avec le baston de la croix.