CHAPITRE XXVIII
Comment Picrochole print d'assaiilb la Roche Clermauld , et le regret et difficulté que feit Grandgousier d’ entreprendre guerre.
Cependant que le Moyne s’escarmouchoit , comme avons dict , contre ceulx qui estoient entrez le clos , Picrochole à grande hastiveté passa le gué de V ede avec ses gens , et assaillit la Roche Clermauld : auquel lieu ne luy feut faicte résistance quelconcque : et parce qu’il étoit ja nuict délibéra en icelle Ville se herberger soy et ses gents , et refraischir de sa colere pungitive. Au matin print d’assault les boulevars , et chasteau , et le rempara très bien : et le proveut de munitions requises , pensant là faire sa retraicte , si d’ailleurs estoit assailli. Car le lieu estoit fort , et par art et par nature , à cause de la situation et assiette. Or laissons les là , et retournons à nostre bon Gargantua , qui est à Paris , bien instant à l’estude dés bonnes lettres , et exercitations athleticques : et le vieil bon homme Grandgousier son pere, qui apres souper se chauffe les couilles à ung beau clair et grand feu , et attendant graisler des chas-
DE RABELAIS. ieç
taignes , escript au foyer avec ung baston bruslé d’ung bout , dont on escharbotte le feu faisant à sa femme et famille de beaulx comptes du temps jadis.
Ung des Bergiers qui gardoient les vignes , nommé Pillot , se transporta devers luy en icelle heure , et racompta entièrement les exeez et piilaiges que faisoit Picrochole , Roy de Lerné , en ses terres et domaines : et comment il avoit pillé , gasté , saccagé tout le pays , excepté le clos de Sevillé , que Fïere Jean des Entommeures avoit saulvé à son honneur , et de présent estoit ledict Roy en la Roche Clermauld : et là en grande instance se ramparoit luy et ses gents. Holos , holos , dist Grandgousier , qu’est ceci , bonnes gents ? Songé-je , ou si vray est ce qu’on me dict? Picrochole , mon amy ancien de tout temps , de toute race et alliance , me vient-il affoiblir? Qui le meut ? qui le poinct? qui le conduiet? qui Ilia ainsi conseillé? Ho , ho, ho , ho. Mon Dieu, mon saulveur , aide moy , inspire moy , conseille moy à ce qu’est de faire. Je proteste, je jure devant toy , ainsi me sois-tu favorable , si jamais à luy desplaisir , ne à ses gents dommaige , ne en ses terres je feis pillerie : mais bien au contraire , je l’ay secouru de gents , d’argent , de faveur , et de conseil en touts cas qu’av peu congnoistre son
*3q OEUVRES
advantaige. Qu’il m’ait doncq’en ce poinet oui* traigé , ce ne peult estre que par l’Esprit maling. Bon Dieu, tu congnois mon couraige , car à toy rien ne peult estre celé. Si par cas il estoit devenu furieux , et que pour luy rehabiliter son cerveau tu me 1 eusses icy envoyé , donne moy et povoir, et sçavoir le rendre au joug de ton sainct vouloir par bonne discipline. Ho , lio , ho , Mes bonnes gents , mes amis , et mes feaulx serviteurs , fauldra-t-il que je vous empesche à m’y aider? Las ! Ma vieillesse ne requeroit doresnavant que repos , et toute ma vie n’ay rien tant procuré que paix ; mais il fault , je le voy bien , que maintenant de harnois je charge mes paovres espaules lasses et foibles , et en ma main tremblante je prenne la lance et la masse pour secourir et guarantir mes paovres Subjects. La raison le veult ainsi: car de leur labeur je suis entretenu , et de leur sueur je suis nourry, moy, mes enfans et ma famille. Ce non-obstant, je n’entreprendray guerre que je n’aye essayé tous les arts et moyens de paix , là je me resouls.
Adoncques feit convocquer son conseil et proposa l’affaire tel comme il estoit. Et feut conclud qu’on envoyeroit quelcque homme prudent devers Picrochole , sçavoir pourquoy ainsi soubdaiaement estoit party de son repos 9 et enyahy
DE RABELAIS. iZt
les terres , esquelles n’avoit droict quelconcque. D’advantaige qu’on envoyast quérir Gargantua et ses gents, affin de maintenir le pays, et deffendre à ce besoing. Le tout pleut à Grandgousier , et commanda quainsi feut faict. Dont sus l’heure envoya le Basque son lacquais quérir à toute diligence Gargantua. Et lui escripvit comme s’ensuit*
