CHAPITRE XXX

Comment Ulrich Gallet feut envoyé devers Picrochole.

Les Lettres dictées et signées , Grandgonsier ordonna que Ulrich Gallet , Maistre de ses re- ■questes , homme saige et discret , duquel en divers et contentieux affaires il avoit esprouvé la vertus et bon advis , allast devers Picrochole pour luy remonstrer ce que par eulx avoit esté décrété. En celle heure partit le bon homme Gallet , et passé le gué , demanda au meusmer , de l’estât de Picrochole : lequel lui feit response , que ses gents ne luy avoient laissé ny cocq , ny geline , et qu’ils s’esloient enserrez en la Proche Clermauld , et qu’il ne luy conseilloit poinct de procéder oultre de paour du guet , car leur fureur estoit enorme. Ce que facilement il creut, et pour celle nuict hebergea avecques le meusnier*

Au lendemain matin , se transporta avec la trompette , à la porte du Chasteau , et requist ès gardes Y qu’ils le feissent parler au Roy pour son profict.

Les parolles annoncées au Roy , ne consentit aulcunement qu’on lui ouvrist la porte , mais se

DE RABELAIS. i35

transporta sus le boulevard , et dist à l’Embassadeur : Qu’y a- il de nouveau ? que voulez-vous dire ? Adoncques l’Embassadeur proposa comme s’ensuit :