CHAPITRE XXIX
La teneur des Lettres que G randgo usier escrivvait à Gargantua.
XjA ferveur de tes estudes requeroit que de long temps ne te revoeasse de ce§tuy philosophique repos , si la confiance de nos amis et anciens confederez n’eust de présent frustré la seureté de ma vieillesse. Mais puisque telle est ceste fatale destinée , que par iceulx soye inquiété, esquels plus je me reposoye, force m’est te rappeller au subside des gents et biens qui te sont par droict naturel affiez. Car ainsi comme debiles sont les armes au dehors , si le conseil n’est en la maison : aussi vaine est l’estude , et le conseil inutile, qui en temps oportun par vertus n’est exécuté , et à son effect reduict. Ma deliberation n’est de provocquer , ains d’appaiser : d’assaillir , mais de deffendre : de conquester , mais de garder mes feaulx Subjectz , et terres héréditaires. Esquelles est hostilement entré Picrochole , sans cause ny occasion , et de jour en jour poursuit sa furieuse entreprise avecques exccz , non tolérables à personnes libres.
Je me suis en debvoir mis pour modérer sa
DE RABELAIS. i35
cholere tyrannicque , luy offrant tout ce que je pensols luy poyoir estre en contentement : et par plusieurs fois ay envoyé aimablement devers luy, pour entendre , en quoy , par qui , et comment il se sentoit oultraigé : mais de luy n ay eu response que de voluntaire deffiance , et qu’en mes terres pretendoit seulement drôiet de bienséance. Dont j’ay congneu que Dieu eternel l ha laissé au gouvernail de son franc arbitre et propre sens , qui ne peult estre que mcschant , si par grac» divine n’est continuellement guidé : et pour le contenir en office , et réduire à congnoissanc e me l’iia ici envoyé à molestes enseignes. Pourtant , mon fds bien-aimé , le plus tost que faire pourras , ces Lettres veuës , retourne à diligence secourir, non tant moy (ce que toutefois par pitié naturellement tu doibs ) que les tiens , lesquels par raison tu peulx saulver et garder. L’exploict sera faict à moindre effusion de sang qu’il sera possible. Et si possible est , par engins plus expediens , cauteles , et ruses de guerre , non» saulverons toutes les âmes , et les envoyerons joyeulx a leurs domiciles. Très chier (ils , la paix de Christ nostre rédempteur soit avecques toy. Salue Ponocrates , Gymnaste et Eudemon de par moy. Du vingtiesme de Septembre. Ton pere Grandgousier.
i34 OE U V R E S
