CHAPITRE XXXII
Comment Grandgousier pour ackepter paix feit rendre les fouaces.
A Tant se teut le bon homme Gallet: mais Picrochole à tous ses propous ne répond attitré chose, sinon: Venez les quérir, venez les quérir. Ils ont belle couille et morille. Ils vous b rayeront de la foüace. Adoncques retourne vers Grandgousier, lequel trouva à genoulx teste nuë, encline en ung petit coing de son cabinet , priant Dieu , qu’il voulsist amolir la cholere cle Picrochole , et le mettre au poinct de raison sans y procéder par force. Quand veit le bon homme de retour , il luy demanda : Ha mon arny , mon amy , quelles nouvelles m’apportezvous ! Il n’y ha, dist Gallet, ordre: cest homme est du tout hors du sens et délaissé de Dieu. \ cire mais, dist Grandgousier, mon amy, quelle cause pretend-il de cest exces ? Il ne m’ha, dist Gallet, cause quelconcque exposé: sinon qu’il dict en cholere quelcques mots de foliacés. Je ne seay si l’on n’auroit poinct faict oultraige à ses foüaciers. Je le veulx, dist Grandgousier, bien entendre devant qu’aultre chose délibérer
t'4a OE U V R £ S
sus ce que seroit de faire. Alors manda sçavoir de ceste affaire : et trouva pour vray quon avoit prins par force quelcques foüaces de ses gents , et que Marquet avoit receu ung coup detribard sus la teste. Toutesfois que le tout avoit esté bien payé, et que le dict Marquet avoit premier blessé Forgier de son fouet par les jambes. Et sembla à tout son conseil qu’en toute force il se debvoit deffendre. Ce nonobstant, dist Grandgousier , puis qu’il n’est question que de quelcques foüaces, j’essayeray le contenter: car il me desplaist par trop de lever guerre. Adoncques s’enquesta combien on avoit prins de foüaces, et entendant quatre ou cinq douzaines , commanda qu’on en feit cinq charretées en icelle nuict, et que l’une feust de foüaces faictes à beau beure , beaulx moyeux d’œufs, beau saffran , et belles espices, pour estre distribuées à Marquet, et que pour ses interests il luy donnoit sept cents mille et trois Philippus pour payer les barbiers qui l’auroient pensé , et d’abondant luy donnoit laMestairie de la Pomardiere à perpétuité franche pour luy et les siens. Pour le tout conduire et passer feut envoyé Gallet. Lequel par le chemin , feit cueillir près de la saulsoye force grands rameaulx de cannes, et roseaulx, et en feit arme autour leurs charrettes , et chascun des chartiers.
Luy-mesme en tint ung en sa main: par ce voulant donner à congnoistre qu’ils ne demandoient que paix , et qu’ils venoient pour l’achepter.
Eulx venus à la porte requièrent parler à Picrochole de par Grandgousier. Picrochole ne voulut oncques les laisser entrer, ny aller à eulx parler, et leur manda qu’il estoit empesché, mais qu’ils disent ce qu’ils vouldroient au Capitaine Toucquedillon , lequel affustoit quelcque piece sur les murailles. Adoncq luy dist le bon homme: Seigneur, pour vous retirer de tout ce débat et oster toute excusa que ne retournez en nostre première alliance; nous vous rendons présentement les fouaces , dont est la controverse. Cinq douzaines en prindrent nos gents : elles feurent très bien payées : nous aymons tant la paix que nous en rendons cinq charrettees : desquelles ceste ici sera pour Marquer qui plus se pîainct. D’adventaige pour le contenter entièrement , voila sept cents mille et trois Philippus que je luy livre, et pour Tinterest quil pourroit prétendre je luy cede la mesîairie de la Pomardiere à perpétuité , pour luy et les siens possedable en franc alloy : voyez c y le Contract de la transaction. Et pour Dieu vivons doresnavant en paix, et vous retirez en vos terres^ joyeusement: cedants ceste Place icy, en laquelle n’avez droict quelsoncque comme bien le con-
fessez. Et amis comme paravant. Toucqueçtilloïl racoinpta le tout à Picrochole, et de plus en plus envenima son couraige, luy disant r Ces rustres ont belle paour : Par Dieu , Grandgousier se concilie , le paovre beuvëur : ce n’est son art aller en guerre , mais ouy bien vuider les flaccons. Je suis d’opinion que retenons ces fouaces et l’argent, et au reste nous hastons de ramparer ici et poursuivre nostre fortune. Mais pensent-ils bien avoir affaire à une cluppe , de vous paistre de ces fouaces? Voilà que c’est, le bon traictement et la grande familiarité que leur avez par cy devant tenuë , vous ont rendu envers eulx contemptible. Oignez villaln , il vous poindra. P oignez villain, il vous oindra. Ca , ça, ça, clist Picrochole, Sainct Jacques ils en auront: faictes ainsi qu’avez dist. D’une chose , dist Toucquedillon , vous veulx-je advertir. Nous sommes icy assez mal avitaillez , et pourveus maigrement des liarnois de gueuile. Si Grandeousier nous mettoit siégé , des à présent m’en irois faire arracher les dents toutes , seulement que trois me retassent, aultant à vos gents comme à moy, avec icelles nous n’avangerons que trop à manger nos munitions. Nous, dist Picrochole, n’aurons que trop mangeailles. Sommes nous ici pour manger ou pour batailler? Pour batailler vrayement , dist
Toucquedillon ; mais de la panse vient la danse et où faim régné, force exule. Tant jaser! dist Picrochole. Saisissez ce qu’ils ont amené. Adoncq prindrent argent , et foüaces , et bœufs , et charrettes , et les renvoyarent sans mot dire , sinon , que plus n’approchassent de si près pour la cause qu’on leur diroit demain. Ainsi sans rien faire retournarent devers Grandgousier , et ftiy comptarent le tout : adjoustans qu’il n’estoit aulcun espoir de les tirer à paix , sinon à vive et forte guerre.
