CHAPITRE XLVIII
Comment Gargantua assaillit Picrochole Jedans la Roche Clermauld , et cleffeit V armée duclict Picrochole .
Ga r g a n t u a eut la charge totale de l’armée : son pere demoura en son Fort. Et leur donnant couraige par bonnes parolles , promit grands dons à ceulx qui feroient quelcques proesses. Puis guaignarent le gué deVede, et parbatteaulx et ponts legierement faicts passarent oultre d’une traicte. Puis considérant l’assiette de la ville , qu’estoit enlieuhault et advantaigeux, délibéra celle nuict sus ce qu’estoit de faire. Mais Gymnaste luy dist : Seigneur , telle *est la nature et complexion des François , qu’ils ne valent qu’à la première poincte. Lors ils sont pires que diables ; mais s’ils séjournent , ils sont moins que femmes. Je suis d’advis qu’à l’heure présente , apres que vos gents auront quelcque peu respiré et repeu , faciez donner l’assault. L’advis feut trouvé bon. Adoncques produict toute son armée en plein camp , mettant les subsides du eosté de la montée. Le Moyne print avecq soy six enseignes de gents de pied , et deux
DE RABELAIS. zil
cents hommes d’armes : et en grande diligence transversa les marais , et guaigna au-dessus le Puy j risques au grand chemin de Loudun. Cependant l’assault continuoit : les gents de Picrochole ne sçavoient si le meilleur estoit sortir hors et les recepvoir , ou bien guarder la ville sans bouger. Mais furieusement sortit avecq quelcque bande d’hommes d’armes de sa maison : et là feut receu et festoyé à grands coups de canon qui gresloient devers les coustaulx, dont les Gargantuistes se retirarent au Val , pour mieulx donner lieu à l’artillerie. Ceulx de la ville deffendoient le mieulx que povoient , mais les traicts passoient oultre par dessus sans nul férir. Aulcuns de la bande saulvez de l’artillerie donnarent fierement sus nos gents , mais peu profitaient : car touts feurent receus entre les ordres , et là riiez par terre. Ce que voyants se vouloient retirer : mais cependant le Moyne avoit occupé le passaige , parquoy se meirent en fuite sans ordre , ny maintien. Aulcuns vouloient leur donner la chasse, mais le Moyne les retint , craignant que suivant les fuyants T perdissent leurs rancs , et que sus ce poinct ceulx de la ville chargeassent sus eulx. Puis attendant quelcque espace , et nul ne comparant à l’encontre, envoya le Duc Phrontiste pour admonester Gargantua à ce qu’il advançast pour guai-
si 4 OE U y R E S
gner le Cousteau à la gausche , pour empescherla retraicte de Pierocliole par celle porte. Ce que feit Gargantua en toute diligence , et y envoya quatre légions de la compagnie de Sebaste : mais sitost 11e peurent guaigner le hault, qu’ils ne rencontrassent en barbe Pierocliole , et ceulx qui avecq luy s’estoient espars.
Lors chargearent sus roiddement : toutesfois grandement feurent endommaigez par ceulx qui éstoient sus les murs , en coups de traicts et artillerie. Quoy voyant Gargantua, en grande puissance alla les secourir , et commença son artillerie à heurter sus ce quartier de murailles : tant que toute la force de la ville y feut evocquée. Le Moyne voyant ceiluy costé lequel il tenoit assiégé déniié de gents et guardes , magnanimement tira vers le fort : et tant feit qu’il monta sus luy , et aulcuns de ses gents, pensant que plus decraincte et de frayeur donnent ceulx qui surviennent à ung conflict , que ceulx qui lors à leur force combattent. Toutesfois ne feit oneques effroy, jusques à ce que tous les siens eussent guaigné la muraille , excepté les deux cents hommes d’armes qu’il laissa hors pour les hazards.
Puis s’escria horriblement, et les siens ensemble : et sans résistance tüarent les guardes d’icelle porte , et l’ouvrirent és honynes d’armes , et en
DE RABELAIS. si$
toute Fierté coururent ensemble vers la porte de l’Orient , où estoit le desarroy. Et par derrière renversarent toute leur force.
Y oyants les assiégez , de touts costez , les Gargantuistes avoir guaigné la ville , se rendirent au Moyne à mercy. Le Moyne leur feit rendre les bastons et armes , et touts retirer et resserrer parles Ecclises , saisissant touts les bastons des Croix , et commettant gents ès portes pour les guarder de yssir. Puis ouvrant celle porte Orientale sortit au secours de Gargantua. Mais Picrocliole pensoit que le secours luy venoit de la ville , et par oultrecuidance se bazarda plus que devant: jusques à ce que Gargantua s’écria: Frere Jean mon amy , Frere Jean en bonne heure soyez venu. Adoncq congnoissant Picrocliole et ses gents, que tout estoit desesperé , prindrent la fuite en touts endroicts. Gargantua les poursuivit jusques près Yaugaudry tuant et massacrant , puis sonna la retraicte.
qi6
