CHAPITRE XLVII

Comment Grandgousier manda quérir ses Légions , et comment To ucq uedillon tiïa Has tiveau: puis feut thé parle commandement de Picrochole.

E N ces mesmes jours , ceulx de Besse , du Marché Yieulx, du Bourg Sainct Jacques, du Trainneau , de Pareille , de Riviere , des Roches Sainct Pol , du Vau-breton , de Pautillé , du Brehemont , du Pont de Clain , de Cravant , de Grandmont , des Bourdes, de la Villaumere , de Huymes , de Segré , de Husse , de Sainct Loüant , de Panzoust , des Coldreaulx , de Y erron , de Coulâmes , de Choses, de Yarenes, de Bourgueil, de l’isle- Bouchard , du Croullay , de Narsay , de Cande , de Montsoreau , et aultres lieux confins envoyarent devers Gçandgousier Ambassades , pour luy dire qu’ils estoient advertis des tordz que luy faisoit Picrochole : et pour leur ancienne confédération, ils luy offroient tout leur povoir tant de gents , que d’argent et aultres munitions de guerre. L’argent de touts inontoit par les pactes

qu’ils luy envoyoient , six vingts quatorze millions , deux escus et demi d’or.

Les gents estoient quinze mille hommes d’armes , trente et deux mille chevaulx legiers , quatre vingt-neuf mille harquebousiers , cent quarante mille adventuriers , unze mille deux cents canons, doubles canons , basilics et spiroles. Pionniers quarante-sept mille , le tout souldoyé , et avitaillé pour six mois et quatre jours. Lequel offre Gargantua ne refusa , ny accepta du tout.

Mais grandement les remerciant , dist , qu’il composeroit ceste guerre par tel engin, que besoing ne seroit tant empescher de gents de bien. Seulement envoya qui ameneroit en ordre les légions , lesquelles entretenoit ordinairement en ses places de la Deviniere, de Chavigny, de Gravot et Quinquenais , montant en nombre de deux mille cinq cents hommes d’armes , soixante et six mille hommes de pied , vingt et six mille arquebousiers , deux cents grosses pièces d’artillerie , vingt et deux mille pionniers , et six mille chevaulx legiers , touts par bandes , tant bien assorties de leurs tliresoriers , de vivandiers , de mareschaux , d’armuriers et aultres gents necessaires au trac de bataille : tant bien instruicts en l’art militaire, tant bien armez , tant bien recongnoissants et suivants leurs enseignes , tant soubdains

DE RABELAIS. 209 à entendre et obéir à leurs Capitaines , tant expédiez à courir , tant forts à cliocquer , tant prudents à l’adventure , que mieulx ressembloient une harmonie d’orgues et concordance d’horloge , qu’une armée , ou gendarmerie. Toucquedillon arrivé se présenta à Picrochole , et iuy compta au long ce qu’il avoit et faict et veu. A la fin conseilloit par fortes parolles qu’on feist appoinctement avecques Grandgousier , lequel il avoit éprouvé le plus homme de bien du monde , adjoustant que ce n’estoit ny preu ny raison molester ainsi ses voisins , desquels jamais n’avoient eu que tout bien. Et au reguard du principal : que jamais ne sortiroient de ceste entreprinse qu’à leur grand dommaige et malheur. Car la puissance de Picrochole n’estoit telle , que aisément 11e les peust Grandgousier mettre à sac. Il n’eut achevé ceste parolle , que Hastiveau dist tout hault : Bien malheureux est le Prince qui est de tels gents servy , qui tant facillement sont corrompus comme je congnois Toucquedillon: car je voy son couraige tant changé que voluntiers se feust adjoinct à nos ennemis pour contre nous batailler, et nous trahir , s’ils l’eussent voulu retenir; mais comme vertus est de touts, tant amis qu’ennemis , loüée et estimée , aussi meschanceté est tost congneuë et suspecte. Et posé que d’icelle

les ennemis se servent à leur profîct , si ont- ils tous] ours les meschans et traistres en abomination.

A ces parolles Toucquedillon impatient tira son espée , et en transperça Hastiveau un peu au-dessus de la mammelle gausche , dont mourut incontinent. Et tirant son coup du corps , dist franchement : Ainsi périsse qui feaulx serviteurs blasmera. Picrochole soubclain entra en fureur , et voyant l’espée et fourreau tant diapré , dist : T’avoit-on donné ce baston , pour en ma présence tuer malignement mon tant bon amy Hastiveau ?

Lors commanda à ses archiers qu’ils le meissent en pièces. Ce que feut faict sus l’heure tant cruellement que la chambre estoit toute pavée de sang. Puis feit honorablement inhumer le corps de Hastiveau , et celiuy de Toucquedillon jecter par sus les murailles en la vallée.

Les nouvelles de ces oultiaiges feurent sceuës par toute l’armée , dont plusieurs commençarent murmurer contre Picrochole , tant que Grippepinault luy dist: Seigneur, je ne sçay quelle issue sera de ceste entreprinse. Je voy vos gents peu conformez en leurs couraiges. Ils considèrent que sommes icy mal pourvus cle vivres , et ja beaucoup diminuez en nombre , par deux ou trois issues.

D’advantaige il vient grand renfort de gents à vos ennemis. Si nous sommes assiégez une fois, je ne voy poinct comment ce ne soit à notre ruine totale. Bren , bren , dist Picrochole , vous semblez les anguilles de Melun : vous criez devant qu’on Vous escorche ; laissez-les seulement venir.