CHAPITRE L

La concion que feib Gargantua ès 'vaincus.

Nos peres , ayeulx , et ancestres de tonte mémoire ont esté de ce sens et de ceste nature : que des batailles par eulx consommées ont pour signe memorial des triomphes et victoires plus voluntiers érigé trophées et monuments és cueurs des vaincus, par grâce: ques terres par eulx conquèstees , par architecture. Car plus estimoient la vive souvenance des humains acquise par libéralité , que la mute inscription des arts , colomnes , et pyramides , subjecte és calamiiez de 1 aer , et envie d’ung chascun. Soubvenir assez vous peult de la mansuétude , dont ils usarent envers les Bretons à la journée de Sainct Aulbin du Cormier : et à la démolition de Parthenay. Vous avez entendu, et entendant admirez le bon traicternent qu ils ferrent és Barbares de Spagnola , qui avoient pillié , depopulé, et saccaigé les fins maritimes d Olone , et Thalmondois. Tout ce Ciel a este rempli des loiianges et gratulations que vousmesmes et vos peres feistes lors qu’Alpharbal Roy de Canarre non assouvy de ses fortunes envahit furieusement les pays de Onix , exerçant la pi-

eig

ratieque en toutes les Isles Armoricques et régions confines. 11 feut en juste bataille navré , prins et vaincu de mon pere , auquel Dieu soit garde et protecteur. Mais quoy ? Au cas que les aultres Roys et Empereurs , voire qui se font nommer Catholicqués , l’eussent misérablement traicté , durement emprisonné , et rançonné extrêmement: il le traicta courtoisement, aimablement , le logea avecques soy en son Palais , et par incroyable débonnaireté le renvoya en sauficonduict , chargé de dons , charge de grâces , chargé de toutes offices d’amitié : qu’en est-il advenu ? Luy retourne en ses terres feit assembler tous les Princes et Estats de son Royaulme , leur exposa l’humanité qu’il avoit en nous congneue , et les pria sus cç délibérer en façon que le monde y eust exemple , comme avoit ja en nous de gracieuseté honneste : aussi en eulx d honnesteté gracieuse. Là feut décrété par consentement unanime , que l’on offriroit entièrement leurs terres , dommaines , et Royaulme , à en faire selon notre arbitre. Alpharbal en propre personne soubdain retourna avecques neui mille trente et huict grandes naufs oneraires , menant non seullement les tliresors de sa maison et lignée Royalle : mais presque de tout le pays. Car soy embarquant pour faire voile au Yent Y ester*

Nord - Est , chascun à la foulle jectoit dedans icelles , or , argent , bagues , joyauLx , espiceries , drogues, et odeurs aromaticques , papegays , pélicans , guenons , civettes , genettes , porcs-espics. Poinct n’estoit fds de bonne mere réputé qui dedans ne jectast ce que avoit de singulier. Arrivé que feut , vouloit baiser les pieds de mondict pere , le faict feut estimé indigne et ne feut toléré , a ins feut embrassé socialement : offrit ses p resens , ils ne feurent receus par trop estre excessifs : se donna mancipe et serf voluntaire , soy , et sa postérité : ce ne feut accepté par ne sembler équitable : céda par le decret des Estats ses terres et Royaulme , offrant la transaction et transport signé , scellé , et ratifié de touts ceulx qui faire le debvroient : ce feut totalement refusé , et les contraicts jectez au feu. La fin feut, que mondict pere commença lamenter de pitié, et pleurer copieusement, considérant le franc vouloir et simplicité des Canarriens : et par mots exquis et sentences congruës diminuoit le bon tour quil leur avoit faict, disant ne leur avoir laict bien qui feust à l’estimation d’ung bouton et si rien d honnestete leur avoit monstré , il estoit tenu de ce faire. Mais tant plus l’augmentoit Alpharbal. Quelle feut l’issuë ? O11 lieu que pour sa rançon prinse à toute extrémité, eussions

peu lyrannicquement exiger vingt fois cent mille escus , et retenir pour houstaigiers ses enfans aisnés ; ils se sont faicts tributaires perpétuels , et obligez nous bailler par cbascun an deux milpons d’or affiné à vingt quatre karats , ils nous feurent l’année première icy payez : la seconde de franc vouloir en payarent 23 cents mille escus : la tierce 26 cents mille : la quarte , trois millions , et tant tousjours croissent de leur bon gré , que serons contraincts leur inhiber de rien plus nous apporter. C’est la nature de gratuité. Car le temps, qui toutes choses corrode et diminue , augmente , et accroist les bien-faicts, parce qu’ung bon tour, libéralement faict à homme de raison , croist continüement par noble pensée et remembrance. Ne voulant doneques aulcuncment degenerer de la débonnaireté héréditaire de mes parens , maintenant je vous absouls et delivre , et vous rends francs et libérés comme par avant.

D’abondant , serez à l’issue des portes payez cbascun pour trois mois , pour vous pouvoir retirer en vos maisons et familles , et vous conduiront en saulveté six cents hommes d’armes , et huict mille hommes de pié soubz la conduicte de mon Escuyer Alexander, affm que par les paysans ne soient oultraigez. Dieu soit avecq vous. Je regrette de tout mon coeur cpie n’est ici Fiera-

choie. Car je luy eusse donné à entendre que sans mon vouloir , sans espoir d aecroistre ny mon bien , ny mon nom , estoit faicte ceste guerre. Mais puisqu’il est esperdu, et ne sçait-on, où , ny comment est évanouï , je veulx que son Royaulme demoure entier à son fils. Lequel par ce qu’est trop bas d’eage ( car il n’ha encores cinq ans accomplis ) sera gouverné et instruict par les anciens Princes , et Gents sçavants du Pioyaulme. Et par aultant qu’ung Royaulme ainsi désolé , seroit facilement ruiné , si on ne refrenoit la convoitise et avarice des administrateurs d’icelluy : j’ordonne et veulx que Ponocrates soit sus tous ses gouverneurs entendant , avecq authorité à ce requise , et assidu avecq l’enfant , jusques à ce qu’il le congnoitra idoine de povoir par soy régir et regner.

Je considéré que facilité trop enervée et dissolue de pardonner es malfaisans , leur est occasion de plus legierement derechief mal faire, par ceste pernicieuse confiance de grâce.

Je considéré que Moïse , le plus doux homme qui de son temps feust sus la terre , aigrement punissoit les mutins et séditieux du peuple d’Israël. Je considéré que Jules César Empereur tant débonnaire , que de luy dict Cicéron , que sa fortune rien plus souverain n’avoit , sinon qu’il povoit: et sa vertus meilleur n’avoit, sinon qu’il voulait tous-

jours saulver et pardonner à ung cliascun. Iceiluy toutesfois ce nonobstant en certains endroicts punit rigoureusement les autheurs de rébellion.

A ces exemples je veuil que me livrez avant le départir : premièrement ce beau Marquet , qui ha esté source et cause première de ceste guerre par sa vaine oultrecuidance. Secondement ses compaignons Foüaciers , qui feurent negligens de corriger sa teste folle sus l’instant. Et finablement tous les Conseillers , Capitaines , Officiers , et domestiques de Picrochole : lesquels l’auroient incité , loüé , ou conseillé de sortir ses limites pour ainsi nous inquiéter.