CHAPITRE LI
Comment les Vicbeurs Gargantuistes f eurent recompensez apres la bataille.
Ces te concion faicte par Gargantua , feurenfe livrez les séditieux par luy requis : exceptez Spadassin, Merdaille , et Menüail, lesquelz estoient foys six heures devant la bataille. L’un g j usques au col de Laignel d’une traicte , l’aultre jusque» au val de Vire, l’aultre j usques à Logroine, sans derrière soy regarder, ny prendre alaine par chemin; et deux Foüaciers, lesquelz périrent en la journée. Aultre mal ne leur feit Gargantua , sinon qu’il les ordonna pour tirer les presses à son Imprimerie , laquelle il avoit nouvellement instituée. Puis ceulx qui là estoient morts il feit honorablement inhumer en la vallée des Noirettes , et au camp de Bruslevieille. Les navrez il feit penser , et traicter en son grand Nosocome. Apres advisa és dommaiges faiets en la ville et habitans: et les feit rembourcer de touts leurs interests à leur confession et serment. Et y feit bastir ung fort Chasteau : y commettant gents et guet, pour à l’advenir mieulx soy def* fendre contre les soubdaines esmeutes.
DE RABELAIS. 22b
Au départir remercia gratieusement touts les souldars de ses légions , qui avoient esté à eeste deffaicte : et les renvoya hyverner en leurs stations , et guarnisons. Exceptez aulcüns de la légion Decumane , lesquels il a voit veu en la jouraée faire queleques proësses : et les Capitaines des bandes , lesquelz il amena avecq soy devers Grand gousier.
A la veuë et venue d’iceulx le bon homme feut tant joyeulx , que possible ne seroit le descripre. Adoncq leur feit ung festin le plus magnifie que , le plus abondant , et le plus délicieux , que feut veu depuis le temps du Roy Assuere. A l’issuë de table il distribua à chascun d’iceulx tout le parement de son buffet , qui estoit au poix de dix-huict-cents mille quatorze bezants d’or en grands vases d’anticque , grands pots , grands bassins, grandes tasses, couppes, potets , candélabres , calathes , nacelles , violiers , drageouers , et aultre telle vaisselle toute d'or massif , oultre la pierrerie, esmail, et ouvraige qui par estime de touts excedoit en pris la maliere d’iceulx. Plus leur feit compter de ses coffres à chascun douze cents mille escus comptans. Et d’abondant , à chascun d’iceulx donna à perpétuité ( excepté s’ils mouraient sans hoirs ) ses «hasteaulx et terres voisines , selon que plus
leur estoient commodes. A Ponocrates donna la Roche Glermauld : à Gymnaste , le Couldray : à Eudemon , Montpensîer : le Rivau , h Tolmere : à Ithyboîe , Montsoreau : à Acamas , Cande : Varenes , à Chironacte : Gravot , à Sebaste : Quinquenais , à Alexandre : Ligre , à Soplirone; et ainsi de ses aultres places.
de rabexais.
