CHAPITRE L Y I I

Comment esboient reiglez les Thelemites à leur maniéré de vivre .

Toute leur vie estoit employée non par loix , statuts, ou reigles: mais selon leur vouloir et franc arbitre. Se levoient du lict quand bon leur sembloit: beuvoient , mangeoient , travailioient , dormoient quand le désir leur venoit. Nul ne les esveilloit, nul ne les parforçoit ny à boire, ny à manger, ny à faire chose aultre queiconcque. Ainsi l’avoit estably Gargantua. En leur reigle n’es toit que ceste clause :

Fay ce que vouldràs.

Parce que gents libérés , bien nays , bien instiTiicts , conversants en compaignies honnestes qnt par nature ung instinct , et aguillon , qui tousjours les poulse à faict vertueux, et retire : de vice ; lequel ils nommoient honneur. Iceulx quand par vile subjection et contraincte sont déprimez et asservis , destournent la noble affection par laquelle à vertus franchement tendoient , à déposer et enfraindre ce joug de servitude. Car nous entreprenons tousjours choses deffenduës ,

et convoitons ce que nous est dénié. Par ceste liberté entraient en ioüable émulation de faire touts ce qua ung seul Yoyoient plaire. Si quelcqu’nng ou quelcqu’une disoit benvons , touts beuvoient. S’il disoit jouons , touts joüoient. S’il disoit allons à l’esbat ès champs , touts y alloient. Si c’estoit pour voiler, ou chasser, les daines montées sus belles hacquenées avecque leur palefroy gorfier, sus le poing migaonnement engantelé portoient chascune ou ung esparvier, ou ung laneret , ou ung esmerillon : les hommes portoient les aultres oyseaulx. Tant noblement estoient apprins , qu’il n'estojt entre eulx celluy ne celle qui ne sceut lire, escripre, chanter, joiier d’instrumens harmonieux, parler de cinq et six languaiges, et en iceulx composer, tant en carme qu’en oraison soluë. Jamais 11e feurent veus chevaliers tant preux , tant galents , tant dextres à pied et à cheval, plus verds , iliieulx remüans , mieulx manians touts basions que là estoient.

Jamais ne feurent veuës dames tant propres, tant mignonnes , moins fasclieuses , plus doctes , à la main, à l’agueille , et tout acte muliebre honneste , et libéré , que là estoient.

Par ceste raison quand le temps venu estoit que aulcun d’icelle Abbaye , ou à la requeste

de ses parents , ou par aultre cause voulust issir hors , avecqne soy il emmenoit une des dames , celle laquelle l’auroit prins pour son dévot, et estoient ensemble mariez. Et si bien avoient vescu à Theleme en dévotion et amitié , encore mieuhc la continuoient-ils en mariaige : aultant s’entreaimoient-ils à la fin de leurs jours, comme le premier de leurs nopces. Je ne veulx oublier vous descripre ung Enigme qui feut trouvé aux fondemens de l’Abbaye , en une grande lame de bronze. Tel estoit , comme s’ensuit:

CE U y R E s