CHAPITRE LVII

Enigme prophétie.

P aovres humains, qui bon heur attendez, Levez vos cueurs , et mes dicts entendez.

S'il est permis de croire fermement,

Que par les corps, qui sont au firmament, Humain esprit de soy puisse advenir ,

A prononcer les choses à venir :

Ou si Ion peult par divine puissance Du sort futur avoir la congnoissance ,

Sans que l'on juge en asseuré decours ,

Des ans loingtains la destinée et cours.

Je foys sçavoir à qui le veult entendre ,

Que cest hyver prochain , sans plus attendre , Voire plustost,en ce lieu où nous sommes,

Il sortira une maniéré d’hommes Las du repos , et faschez de séjour ,

Qui franchement iront, et de plein jour. Suborner gents de toutes qualitez A differents et partialitez.

Et qui vouldra les croire et escouter ,

( Quoy qu’il en doibve advenir et couster )

Ils feront mettre en débats apparents Amis entre eulx et les proches parents.

Le fils hardi ne craindra l’impropere De se bander contre son propre pere:

Mesures les grands de noble lieu saillis De leurs subjects se verront assaillis ,

Et le debvoir d’honneur et reverence Perdra pour lors tout ordre et différence ;

Car ils diront que chascun à son tour Doit aller hault , et puis faire retour.

Et sus ce poinct aura tant de meslées,

Tant de discords , venuës , et allées ,

Que nulle histoire , où sont les grands merveilles, Ha faict récit démodons pareilles.

Lors se voyrra maint homme de valeur Par l’esguillon de jeunesse et chaleur ,

Et croire trop ce fervent appétit ,

Mourir en fleur et vivre bien petit.

Et ne pourra nul laisser cest ouvraige ,

Si une fois il y met le couraige ,

Qu’il n’ait empli par noises et débats Le ciel de bruit , et la terre de pas.

Alors auront non moindre authorité Hommes sans foy , que gents de vérité :

Car touts suivront la creance et estude De 1 ignorance , et sotte multitude,

Dont le plus lourd sera receu pour juge.

O dominaigîable et pénible deluge!

Déluge ( dy-je ) et à bonne raison ;

Car ce travail ne perdra sa saison Ny n’en sera délivrée la terre ,

Jusques à tant qu’il en sorte à grand’erre Soubdaines eaux: dont les plus attempez En combatant seront prins et trempez ,

Et à bon droict ; car leur cueur adonné A ce combat , n’aura poinct pardonné Mesme aux troupeaulx des innocentes bestes Que de leurs nerfs, et boyaulx deshonnestes

a5o OE U V R E S

Il ne soict faict, non aux Dieux sacrifice, Mais aux mortels ordinaire service.

Or maintenant je vous laisse penser Comment le tout se pourra dispenser,

Et quel repos en noise 6i profonde Aura le corps de la machine ronde.

Les plus heureux , qui plus d elle tiendront , Moins de la perdre et gaster s’abtiendront : Et tascheront en plus d’une maniéré A l'asservir et rendre prisonnière ,

En tel endroict que la paovre deffaicte N'aura recours qua celuy qui l’ha faicte.

Et pour le pis de son triste accident Le clair Soleil, ains qu’estre en Occident, Lairra espandre obscurité sur elle,

Plus que d éclipsé, ou de nuict naturelle. Dont en ung coup perdra sa liberté ,

Et du hault Ciel la faveur et clarté ,

Ou pour le moins demourera deserte.

Mais elle avant cette ruine et perte Aura long-temps monstré sensiblement Ung violent et si grand tremblement,

Que lors Etna ne feut tant agitée.

Quand sus un fils de Titant feut jectée :

Et plus soubclain ne doibt estre estimé Le mouvement que feit Inarimé ,

Quand Tiphoeüs si fort se despi ta ,

Que dans la mer les monts précipita.

, Ainsi sera en peu d’heures rangée A triste estât , et si souvent changée ,

Que inesms ceulx qui tenuë l’auront Aux suryenans occuper la lairront.

DE RABELAIS. &5i

Lors fera près le temps bon et propice De mettre fin à ce long exercice :

Car les grands eaiies dont oyez deviser Feront chasçnn la retraicte adyiser,

Et toutesfois devant le partement On pourra veoir en l’aer apertement.

L’aspre chaleur d’une grand flamme esprinse ,

Pour mettre à fin les eaües et l’entreprinse.

Pueste en apres ces accidents parfaicts Que les eslus joyeusement refaicts Soyent de touts biens, et de manne celcste,

Et d’abondant, par récompensé honneste ,

Enrichis soyent. Les auhres en la fin Soyent déniiez. C’est la raison, afin Que ce travail en tel poinct terminé Ung chascun ait son sort prédestiné ,

Tel feut l’accord. O , qu’est à reverer Cil qui enfin pourra perseverer !

La lecture de cestuy monument parachevée , Gargantua souspira profondément, et dist aux assistans : Ce n’est de maintenant que les gents reduicts à la créance Evangelicque sont persécutez. Mais bienheureux est celuy qui ne sera scandalisé , et qui tous jours tendra au but et au blanc , que Dieu par son cher Fils nous ha prefix , sans par ses affections charnelles estre distraict ny diverti. Le Moyne dist : Que pensez-vous en vostre entendement estre par cest enigme désigné et signifié? Quoi? dist Gargan-

25a OE U Y R E S

tua , le decours et maintien de vérité divine. Par Sainct Goderan ( dist le Moyne ) telle n’est mon exposition ; le style est de Merlin le Prophète, donnez-y allégories et intelligences tant graves que voulurez , et y ravassez , vous et tout le monde ainsi que vouldrez. De ma part, je ny pense aultre sens enclos , qu’une description du jeu de paulme soubz obscures paroles. Les suborneurs de gents, sont les faiseurs de parties , qui sont ordinairement amis. Et après les deux chasses faictes sort hors le jeu celluy qui y estoit , et l’autre y entre. On croit le premier 'qui dict si l’esteuf est sus ou soubz la chorde. Les eaiies sont les süeurs , les chordes des raquetes sont faictes de boyaulx de moutons ou de chievres La machine ronde est la pelotte ou l’esteuf. Apres le jeu on se refraischit devant ung clair feu, et change-l-on de chemise. Et voluntiers bancquette-l-on ; mais plus joyeusement ceulx qui ont gaigné. Et grande chiere.

Fin du premier Livre.