CHAPITRE I

De l’origine et and équité du grand Pantagruel.

Ce ne sera chose inutile , ny oisive , veu que sommes de séjour , vous ramentevoir la première source et origine dont nous est nay le bon Pantagruel. Car je voy que touts bons Historiographes ainsi ont traicté leurs Chronicques , non seullement les Arabes, Barbares et Latins; mais les Gregeoys Gentilz, qui feurent beuveurs éternels. Il vous convient doncques noter qu’au corn-

mencement du monde (je parle de loing, il y ha plus de quarante quarantaines de nuiots, pour nombrer à la mode des anticques Druides) peu apres qu’Abel feùt occis par son frere Caïn , la terre embue du sang du juste feut certaine année si tres-fertile en touts fruicts qui de ses flancs nous sont produicts et singulièrement en Mesles , qu’on l’appella de toute mémoire l’année des grosses Mesles ; car les trois en faisoient le boisseau. En icelles les Kalendes feurent trouvées par les bréviaires des Grecs. Le mois de Mars faillit en quaresme , et feut la mi- Aoust en May. On mois de Octobre ce me semble , ou bien ,de Septembre ( affin que je ne erre, car de cela me veulx-je curieusement guarder) feut la sepmaine tant renommée par les annales , qu’on nomme la sepmaine des trois jeudis : car il y en eut trois , à cause des irréguliers bissextes , que le Soleil bruncha quelcque peu comme debitoribus à gausche , et la Lune varia de son cours plus de cinq toises , et feut manifestement veu le mouvement de trépidation on firmament dict Aplane : tellement que la Pleiade moyenne laissant ses compaignes déclina vers l’equinoctial : et l’ëstoille nommée l’Espy laissa la Vierge, se retirant vers la Balance; qui sont cas bien espouventables et matières tant dures et difficiles , que

de Rabelais. a6r

lès Astrologues n’y peuvent mordre. Aussi auroient-ils les dents bien longues , s’ils pouvoient toucher jusques-là. Faictes vostre compte que le monde voluntiers mangeoit desdictes Mesles : car elles estoient belles à l’œil et délicieuses au goust. Mais tout ainsi comme Noë le Sainct homme ( auquel tant sommes obligez et tenus de ce qu’il nous planta la vigne, dont nous vient celle nectaricque, délicieuse, pretieuse, celeste, joyeuse, deïftcque liqueur, qu’on nomme le piot ) feut trompé en le beuvant ; car il ignoroit la grande vertus et puissance d’icelluy. Semblablement les hommes et femmes de celluy temps mangeoient en grand plaisir de ce beau et gros fruict , mais accidents bien divers leur en advindrent : car à toutes survint au corps une enfleure tres-horrîble , mais non à touts en ung mesme lieu. Car aulcuns enflaient par le ventre , et le ventre leur devenoit bossu comme une grosse tonne: desquels est e script entrem omnipo benbem ; lesquels feurent touts gents de bien et bon raillards. Et ce ceste race nasquit Sainct Pansart, et Marcygias. Les aultres end oient par les espaules, et tant estoient bossus qu’on les appelloiont inontiféres , comme porte - montaignes , dont vous en voyez encore par le monde en divers sexes et dignitez. Et de ceste race yssit Esopet: duquel

vous avez les beaulx faictz et dictz par escrîpt. Les aultres envoient en longueur par le membie, qu’on nomme le laboureur de nature : en sorte qu’ils l’avoient merveilleusement long, grand, gras, gros, verd, et accreste, à la mode anticque ; si bien qu’il s’en ser voient de ceintures , le redoublant à cinq ou à six fois par le corps. Et s’il advenoit qu’il feust en poinct, et eust vent en poupe, a les veoir eussiez dict que cestoient gents qui eussent leurs lances en larrest pour jouster à la quintaine. Et d’iceulx est perdue la race , ainsi comme disent les femmes. Car elles lamentent continuellement , qu il n en est plus de ces gros, etc. Vous sçavez le -reste de la chanson. Aultres croissoient en matière de coüilles si énormément que les trois emplissoient bien ring muy. D’iceulx sont descenduës les coüilles de Lorraine, lesquelles jamais n’habitent en braguette : elles tombent au fonds des chausses.

Aultres croissoient par les jambes, et à les veoir eussiez dict que c’estoient Gruës ou Flamrnans, ou bien gents marchant sus eschasses. Et les petits grimauitz les appellent en grammaire lambus.

Es aultres tant croissoit le nez, qu’il sembloit la lleutte d’ung alambic , tout diapré , tout estincellé de bubelettes , pullulant , purpuré , à pom-

pettes , tout esmaillé , tout boutonné , et brodé de gueules. Et tel avez veu le Chanoine Panzoult, et Piedebois Medicin d’Angiers : de laquelle race peu feurent qui aimassent la ptisane , mais touts feurent amateurs de purée Septembrale.Nason et Ovide en prindrent leur origine. Et touts ceulx desquels est en escript, Ne reminis caris. Aultres croissoient par les aureilles , lesquelles tant grandes avoient , que de l’une faisoient pourpoinct, chausses et sayon: de l’aultre se couvroient comme d’une cappe à l’Espaignole. Et dict-on qu’en Bourbonnois encore dure l’eraige , dont sont dictes aureilles de Bourbonnois. Les aultres croissoient en long du corps : et de ceulxlà sont venus les. Géants , et par eulx Pantagruel. Et le premier feut Chalbroth:

Qui engendra Sarabroth.

Qui engendra Farlbroth.

Qui engendra Hurtaly, qui feut beau mangeur de souppes, et régna au temps du déluge. Qui engendra Nembroth.

Qui engendra Atlas, qui avecques ses espaulea guarda le ciel de tumber.

Qui engendra Goliath.

Qui engendra Erix , lequel feut inventeur dtt jeu des gobelets.

Qui engendra Titie.

Qui engendra Eryon.

Qui engendra Polypheme.

Qui engendra Cace.

Qui engendra Etion , lequel premier eut la vérole , pour n’avoir beu frais en esté , comme témoigne Bartachin.

Qui engendra Encelade.

Qui engendra Gée.

Qui engendra Typhœ.

Qui engendra Aloe.

Qui engendra Othe.

Qui engendra Ægeon.

Qui engendra Briaire, qui avoit cent mains. Qui engendra Porphyrio.

Qui engendra Àdamastor.

Qui engendra Antée.

Qui engendra Agatho.

Qui engendra Pore , contre lequel batailla Alexandre le Grand.

Qui engendra Aranthas.

Qui engendra Gabbara, qui premier inventa de boire daultant.

Qui engendra Goliath de Secundille.

Qui engendra Offot , lequel eut terriblement beau nez à boire au baril.

Qui engendra Artachées.

Qui engendra Oromedon.

DE RABELAIS. a65

Qui engendra Gemmangog , qui feut inventeur des souliers à poulaine.

Qui engendra Sisyphe.

Qui engendra les Titanes , dont nasquit Hercules. .

Qui engendra Enay , qui feut très - expert en matière d’oster les cirons des mains.

, Qui engendra Fierabràs, lequel feut vaincu par Olivier Pair de France, compaignon de Roland. .

Qui engendra Morgan , lequel premier de ce monde joüa aux dez avec ses bezicles.

Qui engendra Fracassus , duquel ha escript Merlin Coccaie , dont nasquit Ferragus.

Qui engendra Happemousche, qui premier inventa de fumer les langues de bœuf à la cheminée , car auparavant le monde les saloit comme on faict les jambons.

Qui engendra Bolivorax.

Qui engendra Longis.

Qui engendra Gayoffe , lequel avoit les coüillons de peuple, et le vit de cormier.

Qui engendra Maschefain.

Qui engendra Bruslefer.

Qui engendra Engoulevent.

Qui engendra Galehault , lequel feut inventeur des flaccons.

î56 OEUVRES

Qui engendra Mirelangault.

Qui engendra Gaîaffre.

Qui engendra Falourdin.

Qui engendra Roboastre.

Qui engendra Sortibrant de Conimbres.'

Qui engendra Brusbant de Mommiere.

Qui engendra Bruyer , lequel feut vaincu par Ogier le Dannois Pair de France.

Qui engendra Mabrun. '

Qui engendra Foutasnon.

Qui engendra Hacquelebae.

Qui engendra Videgrain.

Qui engendra Grandgousier.

Qui engendra Gargantua.

Qui engendra le noble Pantagruel mon maistre.

J’entends bien que lisant ce passaige , vous faictes en vous-mesmes ung doubte bien raisonnable. Et demandez comment est - il possible qu’ainsi soit : veu qu’au temps du deluge tout le monde périt , fors Noë , et sept personnes avecques luy dedans l’arche: au nombre desquels n’est mis ledict Hurtaly? La demande est bien faiete sans doubte , et bien apparente ; mais la response vous contentera, ou j’ay le sens mal gallefreté. Et parce que n’estois de ce temps-là pour vous en dire à mon plaisir, je vous allegueray l’authorité des Massoretz , bons couillaux »

DE RABELAIS. aS?

et beaulx cornemuseurs Hebraïcques, lesquels afferment , que véritablement lecliet Ilurtaly n es toit dedans l’arche de Noë; aussi n’y eust-il peu entrer, car il estoit trop grand : mais il estait dessus à cheval, jambe deçà, jambe de-là, comme sont les petits enfants sus les chevaulx de bois , et comme le gros Thoreau de Berne , qui feut tué à Marignan , chevaulehoit pour sa montuie ung gros canon pbvier; c’est une beste de beau et joyeulx amble, sans poinct de faulte. En icelle façon , saulva apres Dieu ladicte arche de periller: car il luy bailloit le bransle avecques les jambes et du pied la tournoit où il vouloit, comme on faict du gouvernail d’une navire. Ceulx qui dedans estoient luy envoyoient vivres par une cheminée à suffisance comme gents recongnoissants le bien qu’il leur faisoit. Et quelquefois parlementoient ensemble, comme faisoit Icaiomenippe à Jupiter , selon le rapport de Lucian. Avez-vous bien le tout entendu ? beuvez doncq ung bon coup sans eaüe. Car si ne le ci oyez, non fay-je, feit-elle.