CHAPITRE VI
Comment Pantagruel rencontra tin g Limos inr
fj ni contrefais oit le langu ai {je François .
u el g qu £ jour, je ne &çay quand, Pantagiuel se pourrnenoit apres soupper avecques ses compagnons par la porte dont l’on va à Paris : là rencontra ung escholier tout jolict , qui venoifc par icelluy chemin, et apres qu’ils se /eurent saluez, luy demanda: Mon amy, dont viens-tu à ceste heure ? L’escliolier luy respondit. De Palme, inclyte et célébré Academie, que l’on yocite Lntece. Qu’est- ce à dire , dist Pantagruel , à ung de ses gents ? Gpst (respondit-il ) de Paris. Tu viens doneques de Paris ? dist-il. Et à quoy passez-vous le temps , vous aultres Messieurs estudians audict Paris ? Respondit l’escholier : Nous transfretons la Sequane au dilucnle , et crépuscule : nous déambulons par les compites et quadrivies de l’urbe ; nous despumons la verbocination Latiale : et comme verisimiles amorabons, captons la benivolence de l’omnijuge , omnifonne, et omnigene sexe féminin: certaines diecules nous invisons lus lupanaires de Chàmp- £aillard? de Matcon, du Gui de sac, de Bourbon,
a88 OEUVRES,
de Huslieu, et en ecstase Yenereïque inculcons nos verétres ès penetissirAes recesses des pudendes de ces meretricules amicabilissimes : puis cauponizons ès tabernes méritoires , de la pomme de pin, du Castel, de la Magdaleine , et de la Mulle, belles spatules vervecines perforaminées de petrocil. Et si par forte fortune y lia rarité ou pénurie de pecune en nos mursupies et soyent exbaustes de métal ferruginé , pour fescot nous dimittons nos eodices et vestes opignerées, prestolans les tabellaires à venir des pénates et lares patriolicques. À quoy Pantagruel dist. Que diable de languaige est cecy ? Par Dieu tu es quelcque liereticque. Seignor non , dist l’escholier , car libentissimement dés ce qu'il illucesce quelcque minutule lesche du jour, je demigre en quelcqu’ung de 'ces tant bien arcliitectez monstiers : et là me irrorant de belle eaüe lustrale, grignotte d’ung transon de quelcque missicque precation de nos sacrificules. Et submirmilant mes precules horaires , esleve et absterge mon anime de ses inquinaments nocturnes. Je revere les olimpicoles. Je venere latrialement le supernel astripotent. Je diiige et redame mes proximes. Je serve les prescripts decalogicqu.es, et selon la facultatule de mes vires , n’en discede le late unguicule. Bien est verifonne qu’à cause que
Mammone ne supèrgurgite goutte en mes locales , je suis quelcque peu rare et lent à supcreroger les eleemosyues à ces egenes queritans leur stipe hostiatement. Et bren , bren , dist Pantagruel, qu’est- ce que veult dire ce fol ? Je croy qu’il nous forge ici quelcque languaige diabolicque , et qu’il nous charme comme Enchanteur. A quoy distung de ses gents: Seigneur, sans doubte ce gallant veult contrefaire la langue des Parisians , mais il ne faict qu’escorcher le Latin , et cuide ainsi pindariser: et luy semble bien qu’il est quelcque grand orateur en François, parce qu’il dédaigné l’usance commune de parler. A quoy dist Pantagruel. Est-il vray ? L’escholier respondit : Seignor missaire , mon genie n’est poinct apte nate à ce que dict ce flagitiose nehulon, pour escorier la cuticule de nostre vernacule Gaîlicque: mais viceversement je gnave opère, et par veles et rames je me enite de le locupleter de la redondance latinicome. Par Dieu ( dist Pantagruel ) je vous apprendray à parler. Mais devant, responds moy, d’ond’es tu ? A quoy dist l’escholier : L’origine primeve de mes aves et ataves feut indigène des régions Lemovlcques, où requiesce le corpore de l’agio tate Sainet Martial. J entends bien, dist Pantagruel: Tu ès Limosin, pour tout potaige. Et tu veulx icy contrefaire le Parisian. Or
vien ça que je te donne ung tour de peigne. Lors le print à la gorge, luy disant: Tu escorches le Latin; par sainct Jean je te feray escorcher le regnard ; car je t’escorcheray tout vif. Lors commença le paovre Limosin à dire : Y ée dicou gentilastre, Ho Sainct Marsault adjouda my , Hau, hau, laissas à quo au nom de Dious, et ne me touquas grou. Aquoy dist Pantagruel: A ceste heure parles-tu naturellement, et ainsi le laissa; car le paovre Limosin conchioit toutes ses chausses qui estoient faictes à queue de merlus , et non à plainfonds : dont dist Pantagruel : Sainct Alipantin , corne my de bas , quelle civette ! Au diable soit le masche-rabe, tant il put ! Et le laissa. Mais ce luy feut ung tel remords toute sa vie, et tant feut altéré qu’il disoit souvent que Pantagruel le tenoit à la gorge. Et apres quelcques années mourut de la mort Pioland , ce faisant la vengeance divine, et nous demonstrant ce que dict le Philosophe et Aule Gelle, qu’il nous convient parler selon le languaige usité. Et comme disoit Octavian Auguste, qu’il fault éviter les mots espaves en pareille diligence que les patrons de navire évitent les rochiers de mer.
