CHAPITRE YIII

Comment Pantagruel estant à Paris receut lettres cle son Pere Gargantua , et la copie di celles.

Pantagruel estudioit fort bien comme assez entendez, et prouffictoit de mesme; car il avoit l’entendement à double rebras et capacité de mémoire à la mesure de douze oyres , et bottes d’olif. Et comme il estoit ainsi là demeurant receut ung jour lettres de son Pere en la maniéré que s’ensuit :

Très chier fds, entre les dons, grades, et prérogatives , desquelles le souverain plasmateur Dieu tout puissant lia endoüairé et aorné l’humaine nature à son commencement, celle me semble singulière et excellente , par laquelle elle peu.lt en estât mortel acquérir, espece d immortalité, et en decours de vie transitoire perpetüer son nom et sa semence. Ce qu’est faict par lignée issüe de nous en mariaige légitimé. Dont nous est aulcunement instauré ce que nous feut tollu par le péché de nos premiers, parens , esquels feut dict, que parce qu’ils n’avoient esté obéis-

3oa

sans au commandement de Dieu le créateur , ils mourroient, et par mort seroit reduicte à néant ceste tant magnificque plasmature, en laquelle avoit esté l’homme créé. Mais par ce moyen de propagation séminale demoure és enfans ce qu’estoit deperdu és parens, et ès nepveux ce que deperissoit és enfans : et ainsi successivement jusques à l’heure du jugement final , quand Jesus- Christ aura rendu à Dieu le Pere son Royaulme pacificque hors tout dangier et contamination de péché , car alors cesseront toutes générations et corruptions, et seront les elemens hors de leurs transmutations continües , veu que la paix tant désirée sera consommée et parfaicte, et que toutes choses seront reduictes à leur fin et période. Non doncques sans juste et équitable cause je rends grâces à Dieu mon conservateur, de ce qu’il m’ha donné povoir veoir mon anticquité chenue refleurir en ta jeunesse ; car quand par le plaisir de luy qui tout regist et modéré , mon ame laissera ceste habitation humaine , je ne me reputeray totalement mourir, ains passer d’ung lieu en aultre, attendu que en toy et par toy je demoure en mon imaige visible en ce monde , vivant , voyant, et conversant entre gents d’honneur et mes amis comme je soulois. Laquelle mienne conversation ha esté moyennant l’ayde et grâce

divine, non sans péché, je le confesse ( car nous péchons touts, et continuellement requérons à Dieu qu’il efface nos pechez ) mais sans reproche. Parquoy ainsi comme en toy demoure limaige de mon corps , si pareillement ne reluisoient les mœurs de famé, l’on ne te jugeroit estre garde et thresor de l’immortalité de nostre nom , et le plaisir que prendrois ce voyant seroit petit , considérant que la moindre partie de moy , qui est le corps , demoureroit : et la meilleure , qui est lame , et par laquelle demoure nostre nom en bénédiction entre les homme seroit degenerante et abastardie. Ce que je ne dy par deffiance que j’aye de ta vertus, laquelle m’ha esté ja par cy devant esprouvée; mais pour plus fort te encouraiger à prouffieter de bien en mieulx. Et ce que présentement t’escris , n’est tant à fin qu en ce train vertueux tu vives, que de ainsi vivre et avoir vescu tu te resjouïsses, et te refraichisses en couraige pareil pour l’advenir. A laquelle entreprinse parfaire et consommer, il te peult assez soub venir comment je n’ay rien espargné : mais ainsi t’y ay-je secouru comme si je n’eusse aultre thresor en ce monde, que de te veoir une fois en ma vie absolu et parfaict , tantf en vertus , honnêteté et preud’homrnie, comme en tout sçavoir liberal et honneste : et tel te laisser apres ma

OE U y R E s

mort comme ung mi rouer représentant la personne de moy ton Pere; et si non tant excellent, et tel de faict, comme je te souhaite, certes bien tel en désir.

Mais encore que mon feu Pere de bonne mémoire Grandgousier eust adonné tout son estude, à ce que je proufîictasse en toute perfection et sçavoir politicque, et que mon labeur et estude correspondis t tres-bien , voire encore oultrepassast son désir: toutes fois comme tu peulx bien entendre, le temps n’estoit tant idoine ne commode es lettres comme est de présent , et n’avoit copie de telz Précepteurs comme tu as eu. Le temps estoit encore tenebreux, et sentant Finfelicité et calamité des Goths, qui avoient mis à destruction toute bonne literature. Mais par la bonté divine, la lumière et dignité ha esté de mon eage rendüe és lettres , et y voy tel amendement que de présent à difficulté serois-je receu en la premier classe de petits Grimaulx , qui en mon eage virile est ois ( non à tort) réputé le plus sçavant dudict siecle.

Ce que je ne dy par jactance vaine, encores que je le puisse loüablement faire en t’escripvant , comme tu as Fauthoiitè de Marc Tulle en son livre de Vieillesse, et la sentence de Plutarche au livre intitulé: Comment on se peult louer

DE RABELAIS. oo5 sans envie ; mais pdtir te donner affection de plus liault tendre. .

Maintenant toutes disciplines sont restituées, les langues instaurées, Grecque (sans laquelle c’est honte qu’une personne se die sçavant) Hebraïcque, Chaldaïcque, Latine. Les impressions tant elegantes et correctes en usance , qui ont esté inventées de mon eage par inspiration divine , comme à contrefil l’artillerie par suggestion diaboiicque. Tout le monde est plein de gents scavants , de précepteurs très doctes , de librairies très amples, et m’est advis que ny au temps de Platon , ny de Cicéron , ny de Papinian , n’estoin telle commodité d’estude qu’on y veoit maintenant. Et ne se fauldra plus doresnavant trouver en place, ny en compaignie qui ne sera bien expoly en l’officine de Minerve. Je voy les briguants , les bourreaulx , les adventuriers , les palefreniers de maintenant plus doctes que les docteurs et prescheurs de mon temps.

Que diray-je ? Les femmes et filles ont aspiré â ceste loüange et manne celeste de bonne doctrine. Tant y ha qu’en l’eage où je suis, j’ay esté contrainct d’apprendre les lettres Grecques lesquelles je n’avois contemnées comme Caton, mais je n’avois eu le loisir de comprendre en mon jeune eage. Et voluntiers me delecte à lire les

moraulx de Plutarche , leS beaulx dialogues de Platon, les monuments de Pausanias, et anticquitez de Athenæus , attendant l’heure qu’il plaira à Dieu mon créateur m’appeller , et commander issir de ceste terre.

Parquoy , mon fils , je t’admoneste que employés ta jeunesse à bien proufficter en estude et en vertus. Tu es à Paris, tu as ton précepteur Epistemon , dont l’ung par vives et vocales instructions , l’aultre par loüables exemples te peult endoctriner. J’entends et veulx que tu apprennes les langues parfaictement. Premièrement la Grecque , comme le veut Quintilian. Secondement la Latine. Et puis l’Hebraïcque pour les Sainctes Lettres , et la Chaldaïcque et Arabicque pareillement, et que tu formes ton style quant à la Grecque, à l’imitation de Platon : quant à la Latine , de Cicéron. Qu’il n’y ait histoire que tu ne tiennes en mémoire présente , à quoy t’aydera la Cosmographie de ceulx qui en ont escript. Des arts libereaulx, Geometrie, Aritmeticque et Musicque , je t’en donnay quelcque goust quand tu estois encore petit en l’eage de cinq à six ans , poursuis le reste , et d’Astronomie saches en tout* les canons 7 Laisse moy l’Astrologie divinatrice , et l’art de Lullius, comme abus et vanitez. Du droict civil , je veulx que tu sçaiches par cueur

les heaulx textes et me les conférés avecque Philosophie.

Et quant à la congnoissance des faictz de nature, je veulx que tu t’y addonnes curieusement : qu’il n’y ait mer , riviere , ny fontaine , dont tu ne congnoisses les poissons , touts les oyseaulx de l’aer, touts les arbres, arbustes et frutices des forestz, toutes les herbes de la terre, touts les metaulx cachez au ventre des abysmes , les pierreries de tout Orient et Midy ; rien ne te soit incongneu.

Puis soigneusement revisite les livres des Medicins Grecs, Arabes et Latins, sans contemner les Thalmudistes et Cabalistes , et par frequentes anatomies acquiers toy parfaic/te congnoissance de l’aultre monde , qui est l’homme. Et par lesquelles heures du jour commence à visiter les Sainctes lettres. Premièrement en Grec le Nouveau Testament, et Epistres des Apostres: et puis en Hebrieu le Vieulx Testament. Somme, que je voye un g abysme de science : car doresnavant que tu deviens homme et te fais grand , il te fauldra issir de ceste tranquillité et repos d’estude, et apprendre la chevalerie et les armes pour deffendre ma m'aison, et nos amis secourir en toutes leurs affaires con tre les assaultz des malfaisans. Et veulx que de brief tu essayes combien tu as proufficté ,

5oS OEUVRE S

ce que tu ne pourras mieuïx faire que tenant conclusions en tout sçavoir publiquement envers touts et contre touts; et hantant les gents lettrez , qui sont tant à Paris comme ailleurs.

Mais parce que, selon le saige Salomon, Sapience n’entre poinct en ame malivole , et science sans conscience n’est que ruine de lame: il te convient servir , aymer , et craindre Dieu , et en luy mettre toutes tes pensées, et tout ton espoir, et par foy formée de charité estre a luy adjoinct, en sorte que jamais n’en sois desampare par péché. Aye suspects les abus du monde. Ne mets ton cueiir à vanité : car ceste vie est transitoire ; mais la parolle de Dieu demoure éternellement. Sois serviable à touts tes prochains , et les ayme comme toy-mesme. Révéré tes Précepteurs, fuis les compaigniés de gents esquels tu 11e veulx poinct ressembler, et les grâces que Dieu t’ha données, icelles ne reçoips en vain. Et quand tu congnoitras que auras tout le sçavoir de par delà acquis, retourne vers moy , affm que je te voye, et donne ma bénédiction devant que mourir.

Mon fils, la paix et grâce de nostre Seigneur soit avecque toy, Amen. De Utopie ce dix-septiesme jour du mois de Mars, ton Pere Gargantua.

Ces lettres receuës et veuës , Pantagruel print nouveau couraige , et feut enflarnbé à prouflicter

DE RABELAIS. 3og

plus que jamais ; en sorte que le voyant estudier et proufficter, eussiez dict que tel estoit son esperit entre les livres , comme est le feu pârmy le» brandes , tant il l’avoit infatigable et strident.

OE U Y R E s