CHAPITRE XI

Comment les Seigneurs de Baisecul etHumevesne plaidaient devant Pantagruel sans Advocatz.

D o n c q commença Baisecul en la maniéré que s’ensuit : Monsieur , il est vray qu’une bonne femme de ma maison portait vendre des œufs au marché. Couvrez-vous , Baisecul , dist Pantagruel. Grand-mercy , Monsieur , dist le Seigneur de Baisecul. Mais à propous , passoit entre les deux tropiccpies six blancs vers le zénith et maille , par aultant que les monts Riphées avoient eu celle année grande stérilité de happelourdes , moyennant une sédition de ballivernes meuë entre les Barragouin.s et les Accoursiers pour la rébellion des Souïsses , qui s’estoient assemblez jusques au nombre de bombies pour aller à rAguillanneuf , le premier trou de l’an que l’on livre la souppe aux bœufz , et la clef du charbon aux filles , pour donner l’avoine aux chiens. Toute la nuict l’on ne feit (la main sus le pot) que depescher bulles de postes à pied , et lacquays à cheval pour retenir les bateaulx , car les cous-

3a6 OE U V R E S

turiers vouloient faire des retaillons desrobez une sarbataine pour couvrir la mer Oceane , qui pour lors estoit grosse d'une potée de choulx selon l’opinion des bouteleurs de foin : mais les PhysiT ciens disoient qu’à son urine ils ne congnoissoient signe évident au pas d’os tarde de manger bezagues à la moustarde , sinon que Messieurs de la Court feissent par bémol commandement à la verole , de non plus allebouter apres les maignants , car les marroufles avoient ja boii commencement à dancer l’estrindore au diapason ung pied au feu , et la teste au milieu comme disoit le bon Ragot. Ha Messieurs , Dieu modéré tout à son plaisir , et contre fortune la diverse un cjiartier rompit nazavdes son foüet : ce feut au retour de la Bicocque , alors qu’on passa Licentié maistre Antitus des Cressonnières en toute lourderie , comme disent les Canonistes. Beati lourdes y cjuoniam ipsi trébucha Verunt. Mais çe qui faict le caresme si hault, par Sainct Fiacre de Brie , ce n’est pour aultre chose , que la Pentecouste ne vient fois qu’elle ne me cous te: mais hay avant , peu de pluie abbat grand vent , entendu que le sergeant ne mist si hault le blanc à la butte, que le greffier ne s’en,leschast orbicuiairement ses doigtz empenez de jards : et nous voyons manifestement que chascun s’en prend

DE RABELAIS. S 27 au nez , sinon qu’on regardast en perspective oculairement vers la cheminée , à Fendroiet où pend l’enseigne du vin à quarante sangles , qui sont necessaires à vingt bas de quinquenelle . à tout le moins , qui ne vouldroit laschei 1 oiseau devant talemouses que le descouvrir , car la mémoire souvent se perd quand on se chausse au rebours. Ça , Dieu guard de mal Fhihault Mitaine. Alors dist Pantagruel : Tout beau , mon ami , tout beau , parlez a traict et sans cholei e. J’entends le cas , poursuivez. Or , Monsieur , dist Baisecul , ladicte bonne femme disant ses gaudez et aucli nos , ne peut se couvrir d’ung revers faulx. montant par la vertus-guoi des privilèges de l’Université , sinon par bien soy bassiner ange 1 i 0 qu e m e n t se couvrant d ung sept de quarreaulx et lui tirant ung estoc volant , au plus près du lieu où l’on vend les vieulx drapeaulx , dont usent les painctres de Flandres , quand ils veulent bien à droiet ferrer les cigales, et m esbahis bien fort comment le monde ne pont , Aren qu’il fait si beau couvert. Icy voulut interpeller et dire quelcque chose le Seigneur de Ilumefesne , dont luy dist Pantagruel : Et ventre Sainct Antoine , t’appartient - il de parler sans commandement? Je sue icy de altan , poui entendre la procedure de vostre different , et tu

3a8 OE U V R E S

me viens encore tabuster ? Paix , de par le diable, paix , tu parleras ton saoul , quand cestui-ci aura achevé. Poui suivez, dist-il à Baisecul, et ne vous liastez poinct.

Voyant doncques , dist Baisecul , que la Pragmaticque sanction n’en faisoit nulle mention , et que le Pape donnoit liberté à ung chascun de petei a son aise , si les blanchetz n’estoient layez , quelcque paovrete que feus t au monde, pourveu qu’on ne se signast de ribauldaille , l’arc en ciel fraischement esmoulu à Milan pour esclone les alouettes , consentit que la bonne femme esc ulas t les isciaticques par le protest des petits poissons couillatris qui estoient pour lors nécessaires à entendre la construction des vieilles bottes : pourtant J ean le "V eau son cousin gervais 1 emue d une busche de moule , luy conseilla qu’elle ne se mist poinct en ce hazard de seconder la büee brimballatoire sans premier allumer le papier : à tant pille , nade , jocque , fore : car non de ponte uadib , qui cuni sapientia cadit , attendu que Messieurs des Comptes ne convenoient en la sommation des fleutes d’Alemand , dont on avoit basty les Imnettes des Princes imprimées nouvellement à Anvers. Et voila , Messieurs , que faict maulvais rapport. Et en çroy partie adverse , in sacer 'verbo do-

tis. Car voulant obtempérer au plaisir du Roy, je m’estois armé de pied en cap d’une carreleure de ventre pour aller veoir comment mes vendangeurs avoient deschicqueté leurs liaults bonnetz , pour mieulx joüer des manequins : car le temps estoit quelcque peu dangereux fie la foire , dond plusieurs francs-archiers avoient esté refusez à la monstre , nonobstant que les cheminées feussent assez hauites selon la proportion du javart et des malandres l’ami Baudichon. Et par ce moyen feut grande année de quacquerolles en tout le pays d’Artois qui ne feut petit amendement pour Messieurs les porteurs de cousteretz, quand on mangeoit sans desguainer cocquecigruës à ventre desboutonné. Et à la mienne volunté que chascun eust aussi belle voix: l’on en joiieroit beaucoup mieulx à la paulme, et ces petites finesses qu’on faict à étymologiser les patins descendroient plus aisément en Seine pour tousjpurs servir au pont aux meusniers , comme jadis feut décrété par le Roy de Canarre , et l’arrest en est encores au greffe de céans. Pour ce , Monsieur, je requiers que par vostre Seigneurie soit dict et déclairé sur le cas ce que de raison avecque despens , domaiges et interestz. Lors dist Pantagruel : Mon amy , voulez-vous plus rien dire? Respondist Baisecul, non, Monsieur: car

53a OE U V R E S

j’ay dict tout le tu autem , et n’en ay en rien varié sus mon honneur. Vous doncques ( dist Pantagruel ) Monsieur de Humevesne , dictes ce que vouldrez , et abbreviez , sans rien toutesfois laisser de ce que servira au propos.