CHAPITRE X
Comment Pantagruel équitablement jugea d’une controverse merveilleusement obscure et difficile , si justement , que son jugement feut dict fort admirable.
Pantagruel bien records des lettres et admonitions de son pere , voulut un jour essayer son sçavoir. De faict par touts les carrefours de la ville mist conclusions , en nombre de neuf mille sept cents soixante et quatre , en tout sçavoir, touchant en icelles les plus forts doubtes qui feussent en toutes sciences. Et premièrement en la ruë du F eurre tint contre touts les Regens , Artiens , et Orateurs , et les mist touts de cul. Puis en Sorbonne tint contre touts les Théologiens par l’espace de six semaines , depuis le matin quatre heures jusques à six du soir : exceptez deux heures d’intervalle pour repaistre et prendre sa réfection. Et à ce assistaient la plus part des Seigneurs de la Court , Maistres des Requestes , Presidens , Conseillers , les Gents des Comptes , Secrétaires , et Advocats , et aultres : ensemble les Echevins de ladicte ville ,
DE RABELAIS. 3iq
aveéq les Medicins , et Ganonistes. Et notez que d’iceulx la plus part prindrent bien le frain aux dents ; mais nonobstant leurs ergots et fallaces , il les feit touts quinaulx , et leur monstra visiblement qu’ils n’estoient que veaulx engiponnez. Dont tout le monde commença à bruire et parler de son sçavoir si merveilleux , jusques et bonnes femmes lavandières , courratieres , roustissieres , ganivetieres et aultres , lesquelles , quand il passoit par les rues , disoient , c’est luy : à quoy il prenoit plaisir , comme Demostliene , Prince des Orateurs Grecs , faisoit , quand de luy dist une vieille acropie le monstrant au doigt , c’est cestuy-là.
Or en ceste propre saison estoit ung procès pendant en la Court entre deux gros Seigneurs , desquels l’ung estoit Monsieur de Baisecul demandeur d’une part , l’aultre Monsieur de Humevesne deffendeur de laultre. Desquels la controverse estoit si haulte et difficile en droict , que la Court de Parlement n’y entendoit que le liauit Alemand. Dont par le commandement du Roy feurent assemblez cpiatre les plus sçavants , et les plus grands de touts les Parlements de France; ensemble le Grand Conseil, "et touts les principaulx Regents des Universités, non seulement de Fi ance , mais aussi d’Angleterre et d’Italie , comme
320 OE U Y Pu E S
Jason, Philippe Dece, Petrus de Petronibus et ung tas d’aultres vieulx Rahanistes. Ainsi assemblez par l’espace de quarante et six semaines n’y avoient sceu mordre , ny entendre le cas au net pour le mettre en droiet en façon quelconcque ; dont ils estoient si despits qu’ils se concliioient de lionte villainement. Mais ung d’entre eulx nommé du Douhet le plus scavant , le plus expert et prudent de touts les aultres , ung jour qu’ils estoient touts philogrobolizez du cerveau , leur dist : Messieurs , ja long temps ha que sommes icy sans rien faire que despendre , et ne pouvons trouver fond ny rive en ceste matière, et tant plus y estudions , tant moins y entendons , qui nous est grand honte et charge de conscience , et à mon advis que nous n’en sortirons qu’à deshonneur ; car nous ne faisons que ravasser en nos consultations ; mais voicy que j’ay advisé. Vous avez bien oüy parler de ce grand personnaige , nommé Maistre Pantagruel , lequel on ha congneu estre scavant dessus la capacité du temps de maintenant , es grandes dispu tâtions qu’il ha tenu contre touts publicquement. Je suis d’opinion que nous l’appelions , et conférons de cest affaire avecques luy ; car jamais homme n’en viendra à bout si cestuy-là n’en vient. A quoi voluntiers consentirent touts ces Conseil-
DE RABELAIS. 3a i
liers et Docteurs : de faict l’envoyarent quérir sus l’heure , et le priai ent vouloir le procès canabasser et grabeler à poinct, et leur en faire le rapport tel que bon luy sembleroit en vraye science legale ; et luy livrarent les sacs et pantarques entre ses mains , qui faisoient presque le fais de quatre gros asnes coüillarts.
Mais Pantagruel leur dist : Messieurs , les deux Seigneurs qui ont ce procès entre eulx , sont- ils eneores vivans ? A quoy luy feust respondu , que ouy. De quoy diable donc (dist-il) servent tant de fatrasseries de papiers et copies que me baillez? N’est-ce le mieulx oüyr par leur vive voix leur débat , que lire ces baboüyneries icy , qui ne sont que tromperies , cautelles diabolicques de Cepola et subversions de droict? Car je suis seur que vous et touts ceulx par les mains desquels ha passé le procès , y avez machiné ce qu’avez peu , pro et contra : et au cas que leur controverse estoit patente et facile à juger , vous l’avez obscurcie par sottes et desraisonnables raisons et ineptes opinions d’Accurse , Balde , Bartole , de Castro , de Imola , Hippolytus , Panorme , Bertachin , Alexander, Curtius , et ces aultres vieulx mastins , qui jamais n’entendirent la moindre loy des Pandectes , et n’estoient que gros veaulx de disme , ignorans de tout ce qu’est nécessaire à
3s* CE U V R E S
l'intelligence des loix. Car ( comme il est tout certain ) ils n’a voient congnoissance de langue ny Grecque , ny Latine ; mais seullement de Gothique et Barbare, Et toutesfois les loix sont premièrement prinses des Grecs , comme vous avez le tesmoignaige de Ulpian Loge posteriori de origine Juris , et toutes les loix sont pleines de sentences et mots Grecs: et secondement sont rédigées en Latin le plus élégant et aorné qui soit en toute la langue Latine ; et n’en excepterois voluntiers ny Saluste , ny Varron , ny Cicéron , ny Senecque , ny T. Live , ny Quintilian. Comment doncques eussent peu entendre ces vieulx resveulx le texte des loix , qui jamais ne veirent bon livre de langue Latine ? comme manifestement appert à leur style qui est style de ramonïieur de cheminée , ou de cuisinier et marmiteux , non de Jurisconsulte. D’advantaige veu que les loix sont extirpées du millieu de Philosophie morale et naturelle , comment l’entendront ces fols qui ont par Dieu moins estudié en Philosophie que ma mulle ? Au reguàrd des lettres d’humanité et congnoissance des antiequités et histoires , ils en estoient chargés comme ung crapault de plumes : dont toutesfois les Droicts sont tout plains , et sans ce ne peuvent estre entendus , comme quelcque jour je monstre ray
plus apertement par escript. Par ce , si voulez que je congnoisse de ce procès , premièrement faictes-moy brusler touts ces papiers ; et secondement faictes-moy venir les deux Gentils-hommes personnellement devant moy , et quand je les auray ouys , je vous en diray mon opinion sans fiction ny dissimulation quelconcque.
A quoy aulcuns d’entre eulx contredisoient ,4 comme vous sçavez qu’en toutes compagnies il y ha plus de fols que de saiges , et la plus grande partie surmonte tousjours la meilleure , ainsi que dict Tite - Live parlant des Carthaginiens. Mais ledict du Douhet tint au contraire virilement , contondant que Pantagruel avoit bien dict que ces registres , enquestes , replicques , reproches , salvations et aultres telles diableries , n’estoient que subversion de droict et allongement de procès , et que le diable les emporteroit touts , s’ils ne procedoient aultrement selon équité evangelicque etphilosophicque. Somme, touts les papiers feurent bruslés, et les deux Gentils-hommes personnellement convocqués.
Et lors Pantagruel leur dist: Estes- vous ceulx qui avez ce grand different ensemble ? Ouy , dirent-ils , Monsieur. Lequel de vous est demandeur ? C’est moy, dist le Seigneur de Baisecul. Or mon ami, comptez -moy de poinct en poinct
vostre affaire, selon la vérité : car par le corpsbieu , si vous en mentez d’ung mot , je vous osteray la teste de dessus les espaules , et vous nionstreray , qu’en justice et jugement on ne doibt dire que vérité : par ce donnez-vous garde d’adjouter , ny diminuer au narré de vostre cas ; dictes.
DE RABELAIS. 5a5
