CHAPITRE XXII
Comment Panurge feit ung tour à la Dame Parisienne qui ne feut poinct à son adv entai ge.
Or notez que le lendemain estoit la grande feste du Sacre, à laquelle toutes les femmes se mettent en leur triumphe de habillemens , et pour ce jour ladicte Dame s’estoit vestuë d’une très-belle robbe de satin cramoisi, et d’une cotte de velours blanc bien precieulx. Le jour de la * ’ ^>anurbe chercha tant d’ung costé et d’aul-
tre qu il trouva une lycisque orgoose , laquelle il lia avec sa ceincture , et la mena en sa chambie , et la nourrit très-bien cedict jour , et toute la nuict . au matin la tua , et en prit ce que scavent les Geomantiens Gregeois, et le mist en pièces le plus menu qu’il pust, et les emporta bien caché, et alla où la Dame debvoit aller pour suivre la Pr ocessicm , comme est de coustume à ladic te feste. Lt alors qu’elle entra, Panurge luy donna de 1 eaiie beniste , bien courtoisement la saluant , et qvfelcque peu de temps apres qu’elle eut dict ses menus suffrùiges il se va joindre à elle en son
DE RABELAIS. 3q 9
banc , et luy bailla un g Rondeau par escript en la forme que s’ensuit :
Rondeau.
Pour ceste fois , qu a vous , Dame très-belle ,
Mon cas disois , par trop feustes rebelle De me chasser sans espoir de retour :
Yeu qu'à vous oncq ne feis austere tour En dict , ny faict , en soubçon , ny libelle.
Si tant à vous deplaisoit ma querelle ,
Vous poviez par vous sans maquerelle,
Me dire , amy , partez d’ici entour ,
Pour ceste fois.
Tort ne vous fais , si mon cueur vous decelle ,
En remontrant comme lard l’estincelle De la beaulté que couvre vostre tour :
Car rien n’y quiers , sinon qu’en vostre tour Me faciiez déliait la combrecelle ,
Pour ceste fois.
Et ainsi quelle ouvroit ce papier pour veoir que c’estoit , Panurge promptement sema la drogue qu’il avoil sus elle en divers lieux , et mes-* mement aux replis de sesmanclies et de sa robbe: puis luy dist : Madame , les paovres amans ne sont tôusjours à leur aise. Quant est de moy ,
4oo OE U V R E S
j’espere que les males nuicts , les travaulx et ennuis esquels me tient l’amour de vous, me seront en déduction daultant de peines de purgatoire.
A. tout le moins priez Dieu qui! me doint en mon malpaciencé. Panurge n’eut achevé ce mot, que touts les chiens qui estoient en l’Eccîise accoururent à ceste Dame pour l’odeur des drogues qu’il avoit espandu sus elle , petits et grands , gros et menus , touts y venoient tirans le membie, et la sentans, et pissans par tout sus elle , c’estoit la plus grande villanie du monde.
Panurge les chassa quelcque peu , puis d’elle print congié , et se -retira en quelcque chapelle pour veoir le deduict : car ces villains chiens la conchioient toute, et compissoient touts seshabillemens , tant qu ung grand levrier luy pissa sus la teste, les aultres aux manches, les aultres à la croppe : les petits pissoient sus ses patins. En soi te que toutes les femmes de là autour avoient beaulcoup affaire à la saulver. Et Panurge de îiie, et dist à quelcqu’ung des Seigneurs de la ville: Je croy que ceste Dame-là est en chaleur, ou bien que quelcque levrier l’a couverte fraischement. Et quand il veit que touts les chiens gi ondoient bien à l’entour d’elle , comme ils font autour d’une chienne chaulde, partit de là, et alla quérir Pantagruel. Par toutes les rues où
il trouvoit chiens , il leur bailloit ung .coup de pied , disant : N’irez-vous, pas avecq vos eornpaignons aux nopces ? Devant , devant de par le diable devant. Et arrivé au logis dist à Pantagruel : Maistre, je vous prie, venez veoir touts les chiens du pays qui sont assemblez à l’entour d’une Dame la plus belle de ceste ville , et la veullent jocqueter. A quoy voluntiers consentit Pantagruel , et veit le mystère, lequel il trouva fort beau et nouveau. Mais le bon feut à la procession : en laquelle feurent veus plus de six cents mille et quatorze chiens à l’entour d’elle, lesquels luy faisoient mille haires : et par tout où elle passoit les chiens frais venus la suivoient à la trasse, pissans par le chemin où ses robbes avoient touché. Tout le monde s’arrestoit à ce spectacle , considérant les contenances de ces chiens qui luy montoient jusques au col et luy gastarent touts ses beaulx acoutremens, à quoy ne sceut. trouver aulcün remede sinon soy retirer en son hostel. Et chiens d’aller apres, et elle de se cacher, et chambrières de rire. Quand elle feut entrée en sa maison, et fermé la porte apres elle , touts les chiens y acouroient de demie lieuë , et compissarent si bien la porte de sa maison , qu’ils y feirent ung ruisseau de leurs urines , auquel les cannes eussent bien nagé. Et c’est celluy
402 OE U y R E S
ruisseau qui de présent passe à S. Victor, auquel Guobelin teinct l’escarlatte , pour la vertus specificque de ces pisse-cliiens , comme jadis prescha publicquement nostre maistre Doribus. Ainsi vous aist Dieu , ung moulin y eust peu mouldre. Non tant toutesfois que ceulx du Basacle à Tholose.
