CHAPITRE XXIII
Comment Pantagruel partit de Paris o ayant nouvelles que les Dipsodes envahissaient le pays des Amaurotes : Et la cause pourquoy les lieües sont tant petites en France .
Peu de temps apres Pantagruel ouït nouvelles que son pere Gargantua avoit esté translaté au pays des Pliées par Morgue , comme feut jadis Ogier et Artus , ensemble que le bruit de sa translation entendu, les Dipsodes estaient issus de leurs limites , et avoient gasté ung grand pays d’Utopie, et tenoient pour lors la grande ville des Amaurotes assiégée. Donc partit de Paris sans dire à Dieu à nully : car l’affaire requeroit diligence , et vint à Roüen. Or en cheminant voyant Pantagruel que les lieues de France estoient petites par trop au regard des aultres pays, en demanda la cause et raison à Panurge, lequel luy dist une histoire que met Marotus du Lac, Monachus , és gestes des Rois de Canarre : Disant que d’ancienneté les pays n’estoient distincts par lieues , miliaires , stades , ny parasanges , jusques à ce que le Roy Pharamond les distingua : ce
qui feut fa ici en la maniéré que s’ensuit: Car il print dedans Paris cents beaulx jeunes et galans compaignons bien délibérés , et cent belles garses Picardes, et les feit bien traicter, et bien panser par huict jours , puis les appella : et à ung chascun bailla sa garse avecques force argent pour les despens , leur faisant commandement qu’ils allassent en divers lieux par cy et par là. Et à touts les passaiges qu’ils biscoteroient leurs garses qu’ils missent -une pierre , et ce seroit une lieuë. Ainsi les compaignons joyeusement partirent, et pource qu’ils estoient frais et de séjour, ils fanfrelucb oient à chasque bout de champ , et voilà pourquoy les lieuës de France sont tant petites.
Mais quand ils eurent long chemin parfaict, et estoient ja las comme pauvres diables , et n’y avoit plus d’olif en ly caleil, ils ne belinoient si souvent , et se contentoient bien ( j’entends quant aux hommes ) de quelcque meschante et paillarde fois le jour. Et voilà qui faict les lieuës de Bretaigne , des Lanes, d’Allemaigne et aultres pays plus esloignés , si grandes. Les aultres mettent d’aultres raisons: mais celle-là me semble la meilleure. A quoy consentit voluntiers Pantagruel. Partans de Rouen arivarent à Ronfleur, où se mirent sus mer Pantagruel, Panurge, Epis-
DE RABELAIS. 4o5
temon , Eusthenes et Carpalim. Auquel lieu attendants le vent propice , et calfretants leur nef, receut d’une Dame de Paris (laquelle il avoit entretenuë bonne espace de temps ) unes lettres inscriptes au dessus : '
Au plus aimé des belles , et moins loyal des preux .
OE U y R E S
