CHAPITRE XXVI

Comment Pantagruel et ses compaignons es toi en b J^as chez de manger de la chair salée , et com ment Carpalim alla chasser pour avoir de la venaison.

Ainsi comme ils bancquetoyent , Carpalim dist. Et venue Sainct Quenet, ne mangeronsnous jamais de venaison ? Ceste chair salée m’alteie tout. Je vous voys apporter ici une cuisse de ces chevaulx que avons faict brasier : elle sera assez bien roustie. Tout ainsi qu’il se levoit pour ce faire , apperceut à l’orée du bois ung beau grand chevreul qui estoitissu du fort, voyant le feu de Panurge , a mon advis. Incontinent courut apres de telle roideur, qu’il sembloit que feust ung garrot d’arbaleste , et l’attrapa en ung moment: et en courant print de ses mains en 1 aer quatre grandes otardes , sept bitars , vint et six perdris grises , trente et deux rouges , seise faisans, neuf bécasses, dix et neufhairons, trente et deux pigeons ramiers ; et tüa de ses pieds dix ou douze que levraulx, que lapins, qui ja estoyent bois de piege , dix et huyet rasles parez ensem-

Lie. Plus, quinze sanglerons, deux blereaux , trois grands regnards.

Frappant doncques le chevreul de son malchus à travers la teste le tüa , et l’apportant recueillit les levraulx , rasles et sanglerons. Et de tant loing que peust estre ouï, s’escria, disant: Panurge mon ami : vinaigre , -vinaigre.. Dont pensoit le bon Pantagruel que le cueur luy feist mal, et commanda qu’on luy apprestast du vinaigre. Mais Panurge entendit bien qu’il y avoit Levrault au croc; de faict, monstra au noble Pantagruel comment il portoit à son col ung beau chevreal , et toute sa ceincture brodée de levraulx. Soubdain Epistemon feit au nom des neuf Muses , neuf belles broches de boys à l’anticque. Eusthenes aidoit à escorcher , et Panurge mist deux selles d’armes des chevaliers en tel ordre qu’elles servirent de landiers, et feirent roustisseur leur prisonnier , et au feu où brusloient les chevaliers, feirent roustir leur venaison. Et apres grand chiere à force vinaigre, au diable l’ung qui se faignoit , c’estoit triumphe de les veoir bauffrer. Lors dist Pantagruel : Plust à Dieu que chascun de voiis eust deux paires de sônnettes de Sacre au menton , et que ] eusse au mien les grosses horloges de Renes, de Poictiers, de Touis et de Cambray , pour veoir l’aubade que nous

4i8 OE U y R E S

donnerions au remuement de nos badigoinces l Mais dist Panurge , il vauît mieulx penser de nostre affaire ung peu , et par quel moyen nous pourrons venir au dessus de nos ennemis. C’est bien advisé , dist Pantagruel. Pourtant demanda à leur prisonnier : Mon ami, dy nous ici la vérité ,

et ne nous ments en rien, si tu ne veulx esrre eseorche tout vif, car c est moy qui mange les petits enfans: compte nous entièrement l’ordre, le nombre et la forteresse de l’armée.

A quoy respondit le prisonnier: Seigneur, sçaebez pour la vérité qu’en l’armée sont trois cents géants touts armez de pierre de taille , grands à merveilles, toutesfois non tant du tout que vous, excepté ung qui est leur chef, et ha nom Loupgarou , et est tout armé d’enclumes Cyclopicques. Cent soixante trois mille piétons touts armés de peaulx de lutins , gents forts et couiaigeux : unze mille quatre cents hommes d armes, trois mille six cents doubles canons , et d’espingarderie sans nombre : quatre vingt quatorze mille pionniers: cent cinquante mille putains , belles comme JDeesses , ( voilà pour moy , dist Panurge : ) dont les aulcunes sont Amazones, aulties Lionnoises , les aultres Parisiannes , Tourangelles , Angevines, Poictevines , Normandes , Alemandes , de touts pays et toutes lan-

gués y en ha. Voire mais (dist Pantagruel) le Roy y est- il? Ouy, Sire, dist le prisonnier, il y est en personne et nous le nommons Anarche , Roy des Dipsodes, qui vault aultantà dire comme gents altérez : car vous ne veistes oncques gents tant altérez ny beuvans plus voluntiers.. Et lia sa tente en la garde des géants. C’est assez , dist Pantagruel. Sus, enfans, estes-vous délibérez d’y venir avecq moy ? A quoy respondit Panurge : Dieu confonde qui vous laissera. J’ay ja pensé comment je vous les rendray touts morts comme porcs , qu’il n’en eâcbappera au diable le jarret. Mais je me soucie quelcque peu d’ung cas. Et qu’est- ce? dist Pantagruel. C’est (dist Panurge) comment je pourray avanger à bracquemarder toutes les putains qui y sont en ceste apres-clisnée, qu’il n’en escliappe pas une, que je 11e taboure en forme commune. Ha, ba , ha, dist Pantagruel. Et Carpalim dist : Au diable de biterne : par Dieu j’en embourreray quelcquune.

Et je, dist Eustliénes, quoy? qui 11e dressay oncques puis que bougeasmes de Roüën , au moins que l’aguille montast jusques sus les dix ou unze heures : voire en cores que laye dur et fort comme cent diables. Vrayement, dist Panurge , tu en auras des plus grasses et cies plus refaictes.

Pd 2

Comment ( dist Epistemon ) tout le monde chevaulchera et je meneray l’asne? le diable emporte qui en fera rien. Nous userons du droict de guerre, qui potest capere capiat. Non, non, dist Panurge. Mais attache ton asne à ring croc , et chevaulche comme le monde. Et le bon Pantagruel rioit à tout, puis leur dist: Vous comptez sans vostre hoste. J’ay grand paour que devant qu’il soit nuict , ne vous voye en estât, que n’aurez grande envie d’arresser , et qu’on vous chevaulchera à grands coups de picque, et de lance.

Baste, dist Epistemon. Je vous les rends à roustir, ou bouillir: à fricasser, ou mettre en paste. Ils ne sont en si grand nombre comme avoit Xerxes, car il avoit trente cents mille combattans, si croyez Hérodote et Troge Pompée: et toutefois Themistocles à peu de gents les desconfit. Ne vous souciez pour Dieu. Merdé , merdé , dist Panurge. Ma seule braguette espoussetera touts les hommes , et Sainct Balletrou , qui dedans y repose, descrottera toutes les femmes. Sus doneques, enfans, dist Pantagruel, commençons à marcher.