CHAPITRE XXVII

Comptent Pantagruel dressa ung Trophée en mémoire de leur proesse , et Panurge ung aultre en mémoire des Levraulx. Et comment Pantagruel de ses pets en gen droit les petits hommes , et de ses •vesnes les petites femmes. Et comment Panurge rompit ung gros bas ton sus deux voyrres .

D ™ t que partions d’ici , dist Pantagruel , en mémoire de la proesse qu’avez présentement faiet, je veulx eriger en ce lieu ung beau Trophée. Adoncq’ ung cliascun d’entr’eulx en grande liesse , et petites chansonnettes villaticques , dressarent ung grand boys , auquel y pendirent une selle d’armes , ung chanfrain de cheval , des pompes, des estrivieres, des espérons, ung haubert, ung hault appareil assere, une hasche , ung estoc d’armes, ung gantelet, une masse, des goussets , des grèves , ung gorgery , et ainsi de tout appareil requis à ung arc triumphal au Trophée. Puis en mémoire éternelle escripvit Pantagruel le dicton victorial comme s’ensuit :

Ce feut ici qu'apparut la vertus De quatre preux et vaillans champions ,

'4*a OE U V R E S

Qui de bon sens , non de harnois vestus * Comme Fabie , ou les deux Scipicns,

Feirent six cents soixante morpions Puissans ribaulx , brusler comme une escorce : Prenez y touts Rois, Ducs, rocz et pions Enseignement , qu’engin mieulx vault que force : Car la victoire,

Comme est notoire ,

Ne gist qu’en heur D u consistoire ,

Où régné en gloire Le hault Seigneur:

Vient , non au plus fort, ou greingneur,

Ains à qui luy plaist , com’fault croire: Doncques lia chevance et lionneur Cil qui par foy Ai luy espoire.

Cependant que Pantagruel escripvoit les carînes susdicts , Panurge emmancha en ung grand pau les cornes du chevreul , et la peau et les piedz droictz de devant d’icelluy. Puis les aureilles des trois levraulx , le rable d’ung lapin 7 les mandibules d’ung lievre , les æsles de deux bitars, les piedz de quatre ramiers, ung guedoulle de vinaigre , une corne où ils mettoient le sel, leur broche de bois, une lardouere , ung meschant cliauldron tout pertuisé, une breusse

où ils saulsoient , une saliere de terre., et ung goubelet de Beauvoys. Et en imitation des vers et Trophée de Pantagruel , escripvit ce que s’ensuit :

Ce feut ici que mirent à bas culs Joyeusement quatre gaillards pions ,

Pour bancqueter à l'bonneur de Baccbus ,

Beuvans à gré comme beaulx carpions :

Lors y perdit râbles , et cropions

Maistre levrault , quand chascun s’y efforce :

Sel et vinaigre , ainsi que scorpions Le pou rsui voient , dont en eurent 1 estorce.

Car l’inventoire D’ung defensoire ,

En la chaleur ,

Ce n’est qu’à boir®

Droict et net , voir*

Et du meilleur.

Mais manger levrault , c’est malheur Sans de vinaigre avoir mémoire:

Vinaigre est son ame , et valeur.

Retenez le encornet peremptoire.

Lors dist Pantagruel : Allons , enlans , c est trop musé ici à la viande : car à grand peine veoit-on advenir que grands banequeteurs facent

U4 OE U y R E S

beaulx £aicts d’armes. Il n’est umbre que d’este nd arts , |1 n’est fumée que de chevauîx , et clicquetis que de harnais. A ce commença Epistemon soubrire , et dist : il n’est umbre que de cuisine, fumée que de pastez, et clicquetis que de tasses. A quoy respondit Panurge: il n’est umbre que de courtines , fumée que de tetins , et clicquetis que de coudions. Puis se levant feit ung pet, ung sault , et ung sublet, et cria à haulte voix joyeusement, Vive tousjours Pantagruel. Ce voyant Pantagruel en voulut aultant faire , mais du pet qu’il feit , la terre trembla neuf lieues à la ronde, duquel avec l’aer corrompu engendra plus de cinquante et trois mille petits hommes nains et contrefaits , et d’une vesne qu’il feit engendra aultant- de petites femmes accropies comme vous en voyez en plusieurs lieux , qui jamais ne croissoient , sinon comme les queues des vasclies , contre bas , ou bien comme les rabbes de Limosin , en rond. Et quoy , dist Panurge ; -vos pets sont-ils tant fructueux ? Par Dieu , voyci de belles savates cl hommes, et de belles vesse^plc femmes, il les fault marier ensemble , ils engendreront des mousches bovines. Ce que feit Pantagruel, et les nomma Pygmées. Et les envoya vivre en une Isle là auprès, où ils se sont fort multipliez

depuis. Mais les grues leur font continuellement la guerre : desquelles ils se défendent couraigeusement , car ces petits bouts d’hommes (lesquels en Escosse l’on appelle manches-d’estrilles) sont voluntiers cholericques. La raison physicale est parce qu’ils ont le cueur près de la merde.

En ccste raesme heure Panurge print deux voyrres qui là estoient , touts deux d’une grandeur, et les emplit d’eaüe tant qu’ils en peurent tenir, et en mist l’ung sur une escabelle , et l’aultre sur une aultre , les esloingnant à part par la distance de cinq piedz: puis print le fust d’une javeline de la grandeur de cinq piedz et demy : et les mist dessus les deux voyrres en sorte que les deux bouts du fust touchoient justement les bords des voyrres. Cela faict, print nng gros pau , et dist à Pantagruel et aux aultres : Messieurs , considérez comment nous aurons victoire faciîlement de nos ennemis. Car ainsi comme je rompray ce fust ici dessus les voyrres sans que les voyrres soient en rien rompus ny brisez: encore qui plus est, sans qu’une seule goûte d’eaüe en sorte dehors : tout ainsi nous romprons la teste à nos Dipsodes, sans ce que nul de nous soit blessé, et sans perte aulcune de nos besongnes. Mais affin que ne pensiez

426 OE U y R E S

qu’il y ait enchantement , tenez (dist-il à Eusthenes ) frappez de ce pan. tant que pourrez au millieu. Ce que feit Eusthenes, et le fus t rompit en deux pièces tout net, sans qu’une goûte d’eaüe tumbast des voyrres. Puis dist: j'en sçay bien d auprès , allons seuUement en asseurance.