IDEM LATINE

Quis te per médias hyemes, Rex maxime, turbo, Quisve triumphandi praescius ardor agit?

Quis deus in sacra fulmen tibi fronte ministrum, Quis dédit ut nutu mœnia tacta ruant ?

Venisti, et populos provincia territa subdit Qui tua suspiciant lilia, jura probent.

Quodque alio absolvant vix intégra sœcula rege, Hoc tibi septeni dant potuisse dies.

Ecce avidâ famam properans dum dévorât aure, Et quaerit reduci quœ tibi, musa, canat,

Prœcipiti obruitur cursu victoris, et altâ Spe licet arripiat plurima, plura videt.

Impar tôt rerum sub pondère déficit ipse Spiritus, et vires mole premente cadunt ;

Quique tibi reliquos vates devoverat annos Hœret, et insueto cuncta pavore stupet.

Turpe silere quidem, seges est ubi tanta loquendi;

Turpius indigno carminé tanta loqui.

Carmina quippe moram poscunt : vel parce tacenti,

Victor ; vincendi vel tibi sume moras !

AU ROI