LXXXVIII

Je veux jurer ces vers, qui rendront tesmoignage Ou de mon inconstance, ou de ma ferme foy, En présence d* Amour mon grand maistre et mon roy Qui peut lire en mon cœur, si traistre est mon langage :

(Test qu'à vostre beauté sans plus je fais hommage, Je n'aime rien que vous, en vous seule je croy; Vostre ceil m'assujettist et me donne la loy. C'est mon heur et mon gain, ma perte et mon doimmage.

Si j'ay jusques icy vollagement erré, De mille traits divers à toute heure enferré. Ce sont des tours communs de l'aveugle jeunesse;

Maintenant que six ans quatre fois j'ay dressez Devers vous seulement mes pensers sont passez Et mon ame en ses maux n'implore autre déesse.