XLIII. Pour LE 11° DIMANCHE APRES L'EPI HANIE

devancer à la faveur des prieres de Nostre Dame. O que bienheureuse est l’heure de la divine Providence en laquelle Dieu a voulu nous departir tant de graces et de biens ! O que bienheureuse est l’ame qui attendra avec patience et qui se preparera pour correspondre avec fidelité à icelle quand elle arrivera! Certes, ce fut l'heure de la Providence divine celle en laquelle la Samaritaine se convertit. C'est aussi de cette heure que depend nostre conversion et transmutation, et l'on doit avoir un grand soin de s'y bien disposer, à fin que Nostre Seigneur venant, nous puissions estre prests à bien correspondre à sa grace.

Le Sauveur commanda aux serviteurs de remplir six cruches de pierre qui estoyent là pour la purification des Juifs, d'autant qu'ils se lavoyent quand ils avoyent touché quelque chose defendue par la Loy ; car ils faisoyent force ceremonies exterieures auxquelles ils estoyent grandement exacts, mais ils ne se soucioyent gueres de purifier leur interieur *. J'ay veu une de ces cruches à Paris en une mayson de Religieux de l'Ordre de Cisteaux : elles sont fort grandes et ont en icelles des caracteres hebreux, mais je ne les leus pas, parce que je ne la vis que de loin. Ces officiers furent tres soigneux de faire ce que la sacrée Vierge leur avoit

* Matt., xxii, Marc., vu, 3

ordonné, car si tost que le commandement fut fait z/s .

remplirent ces cruches si pleines, que, comme nous lisons dans le Texte sacré, l’eau alloit surnageant tout autour. Lors Nostre Seigneur dit une parolle interieure que personne n'entendit, et à l'instant toute cette eau fut changée en tres bon vin. Cette parolle fut semblable sans doute à celle par laquelle il crea de rien toutes choses, donna la vie et l’estre à l’homme, et par laquelle aussi en ce dernier banquet qu'il fit avec ses disciples, il changea le vin en son sang au tres saint Sacrement de l'Eucharistie. Vin tres excellent que celuy cy dont nous sommes nourris, car c'est par la reception du corps et du sang du Sauveur que nous sont appliqués les merites de sa Mort et Passion.

Les roys et grans princes ont pour l'ordinaire tousjours