A MONSEIGNEUR CLAUDE DE GRANIER, ÉVÊQUE DE GENÈVE

Difficulté et lenteur des conversions.

[Thonon, vers le commencement d'avril 1595.] Monseigneur,

Si vous desires de scavoir, comme il est convenable que vous le scachies, ce que nous avons faict et ce que nous faisons maintenant, vous le trouveres tout en la lecture des Epistres de saint Paul. Je suis indigne d'estre mis en comparayson avec luy, mais Nostre Seigneur sçait fort bien se servir de nostre infirmité pour sa

gloire *. Nous marchons, mais a la façon d'un malade qui, apres avoir quitté le lict, se trouve avoir perdu l'usage de ses piedz et, dans son infirme santé, ne scait sil est plus sain que malade.

C'est la verité, Monseigneur, ceste province est toute paralytique, et devant qu'elle puisse marcher, je pourray bien penser au voyage de la vraye patrie. Une pieté semblable a la vostre me peut obtenir ce que je ne meriteray jamais. Je suis pecheur *, et rien plus, indigne tout a faict des graces que Dieu espanche sur moy. Vous le scaves plus que tous, Monseigneur, aussi bien que ceste verité, que toutes choses me rendent plus fort de jour en jour,

Vostre tres humble et tres obeissant filz et serviteur.