XX, 153 — XXVII
Item, au Loup et a Cholet
Je laisse à la fois ung canart
Prins sur les murs, comme on souloit, Envers les fossez, sur le tart,
Et a chascun ung grant tabart
De cordelier jusques aux piez,.
Busche, charbon et poix au lart,
Et mes houseaulx sans avantpiez.
De rechief, je laisse, en pitié,
À trois petis enfans tous nus Nommez en ce present traictié, Povres orphelins impourveus, Tous deschaussiez, tous desvestus Et desnuez comme le ver; J'ordonne qu'’ilz soient pourveus, Au moins pour passer cest ÿver :
Premierement, Colin Laurens, Girart Gossouyn et Jehan Marceau, Despourveus de biens, de parens, Qui n’ont vaillant l’ance d'ung seau, Chascun de mes biens ung fesseau,
Ou quatre blans, s’ilz layment mieulx.
Ilz mengeront maint bon morceau, Les enfans, quant je seray vieulx!
Item, ma nominacion,
Que j'ay de l’Université, Laisse par resignacion
Pour seclurre d’aversité Povres clers de ceste cité Soubz cest sniendit contenus ; Charité m’y a incité,
Et Nature, les voiant nus :
LES LAIS
C'est maistre Guillaume Cotin
Et maistre Thibault de Victry, Deux povres clers, parlans latin, Paisibles enfans, sans estry, Humbles, bien chantans au lectry ; Je leur laisse cens recevoir
Sur la maison Guillot Gueuldry, En attendant de mieulx avoir.
Item, et j'adjoings a la crosse Celle de la rue Saint Anthoine, Ou ung billart de quoy on crosse,
Et tous les jours plain pot de Saine ;
Aux pijons qui sont par essoine Enserrez soubz trappe volliere, Mon mirouër bel et ydoine
Et la grace de la geolliere.
Item, je laisse aux hospitaux
Mes chassiz tissus d’arigniee,
Et aux gisans soubz les estaux, Chascun sur l'oeil une grongniee, Trembler a chiere renfrongniee, Megres, velus et morfondus, Chausses courtes, robe rongniee, Gelez, murdris et enfondus. -
Item, je laisse a mon barbier
Les rongneures de mes cheveux, Plainement et sans destourbier ; Au savetier mes souliers vieulx, Et au freppier mes habitz tieulx Que, quant du tout je les delaisse,
Pour moins qu’ilz ne cousterent neufz
Charitablement je leur laisse.
