CXVIII, 1176 — CXXV

Et ceulx qui ont les culz rongneux, Chascun une chaire percee ;

Mais qu'a la petite Macee D’Orleans, qui ot ma sainture, L’amende soit bien hault tauxee :

Elle est une mauvaise ordure.

Item, donne a maistre Françoys, Promoteur, de la Vacquerie

Ung hault gorverin d’Escossoys, Toutesfois sans orfaverie ;

Car, quant receut chevallerie,

Il maugrea Dieu et saint George, Parler n’en oit qui ne s’en rie, Comme enragié, a plaine gorge.

Item, a maistre Jehan Laurens, Qui a les povres yeulx si rouges Pour le pechié de ses parens

Qui burent en barilz et courges, Je donne l'envers de mes bouges Pour tous les matins les torchier ; S'il fust arcevesque de Bourges,

Du sendail eust, mais il est chier.

Item, a maistre Jehan Cotart, Mon procureur en eourt d’Eglise, Devoye environ ung patart,

Car a present bien m'en advise, Quant chicaner me feist Denise, Disant que l’avoye mauldite ;

Pour son ame, qu’es cieulx soit mise,

Ceste oroison j'ai cy escripte.

SE

s2 LE TESTAMENT

BALLADE

[B, et oroison.] Pere Noé, qui plantastes ia vigne, Vous aussi, Loth, qui beustes ou rochier, Par tel party qu'Amours, qui gens engigne, De voz filles si vous feist approuchier 1241 (Pas ne le dy pour le vous reprouchier), Archetriclin, qui bien sceustes cest art, Tous trois vous pry qu’o vous vueillez perchier L’ame du bon feu maistre Jehan Cotart! :245

Jadis extraict il fut de vostre ligne,

Luy qui beuvoit du meilleur et plus chier,

Et ne deust il avoir vaillant ung pigne ;

Certes, sur tous, c’estoit ung bon archier; 1249 On ne luy sceut pot des mains arrachier ;

De bien boire ne fut oncques fetart.

Nobles seigneurs, ne souffrez empeschier

L’ame du bon feu maïistre Jehan Cotart! :253

Comme homme beu qui chancelle et trepigne L’ay veu souvent, quant il s'alloit couchier,

Et une fois il se feist une bigne,

Bien m'en souvient, a l’estal d'ung bouchier ; :257 Brief, on n’eust sceu en ce monde serchier Meilleur pyon, pour boire tost et tart.

Faictes entrer quant vous orrez huchier

L’ame du bon feu maistre Jehan Cotart: 1261

Prince, il n'eust sceu jusqu'a terre crachier ; Tousjours crioit : « Haro! la gorge m'art. »

Et si ne sceust oncq sa seuf estanchier

L’ame du bon feu maistre Jehan Cotart. :265