CHANSON

Au retour de dure prison,

Ou jai laissié presque la vie,

Se Fortune a sur moy envie,

Jugiez selle fait mesprison !

Il me semble que, par raison,

Elle deust bien estre assouvie Au retour.

Se si plaine est de desraison

Que vueille que du tout devie,

Plaise a Dieu que l'ame ravie

En soit lassus en sa maison, Au retour !

Item, donne a maistre Lomer, Comme extraict que je suis de fee, Qu'il soit bien amé (mais d’amer Fille en chief ou femme coefee, Ja n’en ayt la teste eschauffee)

Et qu’il ne luy couste une noix Faire ung soir cent fois la faffee, En despit d’'Ogier le Danois.

Item, donne aux amans enfermes, Sans le laiz maistre Alain Chartier, À leurs chevez, de pleurs et lermes Trestout fin plain ung benoistier,

: Et ung petit brain d’esglantier,

Qui soit tout vert, pour guipillon, Pourveu qu'ilz diront ung psaultier Pour l'ame du povre Villon.

IRTE