I. Ce sonnet manque dans quelques éditions
LES NOUVELLES
RECREATIONS
ET
JOYEUX DEVIS
Première Nouvelle en forme de préambule.
e vous gardoys ces joyeux propos à quand la paix seroit faicte , affin que vous eussiez dequoy vous resjouir publiquement et privément et en toutes manières; mais, quand j'ay veu qu'il s'en falloit le manche , et qu'on ne sçavoit par où la prendre ' , j'ay mieux aymé m'avancer pour vous donner moyen de tromper le temps, mesiant des
I. C'est-à-dire qu'au lieu d'une paix durable, sur laquelle on avoit compté , une trêve seulement fut conclue. Voy. plus bas, p. 9, note i.
8 Nouvelle I.
resjouissances parmy vos fascheries, en attendant qu'elle se face de par Dieu. Et puys je me suys avisé que c'estoit icy le vray temps de les vous donner, car c'est aux malades qu'il fault médecine ; et vous asseurez que je ne fais pas peu de chose pour vous en vous donnant dequoy vous resjouir , qui est la meilleure chose que puysse faire l'homme. Le plus gentil enseignement pour la vie , c'est Bene vivere et Utari. L'un vous baillera pour ung grand notable qu'il fault reprimer son courroux; l'autre peu parler, l'autre croire conseil , l'autre estre sobre , l'autre faire des amis. Et bien ! tout cela est bon ; mais vous avez beau estudier, vous n'en trouverez point de tel qu'est : Bien vivre et se resjouir. Une trop grand patience vous consume ; ung taire vous tient géhenne ; ung conseil vous trompe ; une diète vous desseiche ; ungamy ' vous abandonne. Et pour cela vous fautil désespérer ? Ne vault-il pas mieux se resjouir en attendant mieux que se fascher d'une chose qui n'est pas en nostre puissance 2? Voire mais, comment me resjouiray-je , si les occasions n'y sont ? direz-vous. Mon amy , accoustumez-vous y ; prenez le temps comme il vient ; laissez passer les plus chargez; ne vous chagrinez point d'une chose irrémédiable : cela ne fait que donner mal sur mal. Croyez-moy, et vous vous en trouverez bien : car j'ay bien esprouvé que pour cent francs de mélancolie n'acquitent pas pour cent solz de debtes. Mais laissons-là ces beaux enseignemens. Ventre d'ung petit poysson ! rions. Et
