Var. : auquel ils donnèrent à entendre

Nouvelle CXXVI. 379

verty. Il manda incontinent à messieurs de la court ce qu'ilz allassent par devers Sa Majesté '. La court de parlement délègue deux conseillers d'icelle, lesquels elle chargea de faire telles remonstrances que de raison. Après qu'ils se furent présentez devant le roy, afm d'entendre sa volonté , il leur demanda pourquoy ils faisoient reffuz de recevoir ce jeune homme en leur compagnie, veu qu'il luy avoit fait don de cest office de conseiller. Les déléguez luy feirent entendre leur charge , et dirent que la court estoit assez informée de son insuffisance , et pourtant ne le pouvoit honnestement admettre. Le roy, ayant receu ceste remonstrance pour saincte et raisonnable, en sçeut bon gré à messieurs de la court, et ne s'en soucioit plus. Quelque jours après le jeune homme reprend ses erres de supplication , et importune tellement ses amys qu'ils furent persuadés supplier derechef le roy de mander à la court de le recevoir, se submettant à l'examen requis en tels cas ; luy remonstrant au surplus qu'il estoit homme pour luy faire service à l'advenir; joinct aussi que le père du jeune homme avoit esté son officier par un long temps et avoit acquis bon bruit pendant sa vie. Le roy, entendant ces remonstrances aussi , et se souvenant de celles que luy avoient fait messieurs de la court sur ce fait, il commanda derechef qu'il fust receu. La court de parlement s'y opposa et feitsecondesremonstrances.ee nonobstant, le roy voulut qu'il fust receu. Et, comme messieurs de la court remonstroient que le jeune homme