I . Var. : prétendant se faire rccepvoir

378 Nouvelle CXXVI.

luy mandèrent la mort de son père et l'advertirent qu'il estoit temps qu'il esleut l'estat et vacation qu'il vouloit ensuivre , et que à ce faire ' ils semonstreroient ses amys. Le jeune homme, se rangeant sur leur conseil et advis (encore qu'il n'eust estudié en la loy), print son chemin vers la maison de feu son père. Après qu'il eut visité ses amis, et qu'il fut asseuré des biens que son père luy avoit délaissez, il luy vint en l'entendement d'achepter un estât de conseiller en la cour de parlement. A cela s'accordèrent ses amys; et, pour amitié qu'ils avoient eu avec son père, ils luy promirent d'en faire demande au roy François premier, duquel, comme très fidèles ser\'iteurs, estoienî réciproquement cheriz. Un jour qu'ils estoient avec le roy, ils luy firent demande de cest estât de conseiller; ce qu'il leur octroya , et leur en furent délivrées lettres. De cela bien joyeux , en advertirent le jeune homme , et luy feirent sçavoir^ comme il se devroit gouverner quand if se presenteroit à la court. Le jeune homme, suyvant en tout et par tout leur conseil, feit ses dilligences et apprestz. Bref, il présente ses lettres d'estat ; elles furent leues en plaine chambre. Peu de temps après, la court, ayant esté certiorée de l'insuffisance du suppliant , le renvoya aux estudes. De ce bien estonné, il s'en retourne vers ses parens et amys, et les supplie de faire entendre au roy le reffuz qu'on luy avoit fait en la court de parlement. Le roy en fut ad-

1 . Var. : choisist moyen de se pourveoir d'estat ou office, à quoy faire, etc.