Var. : Qui l'esmeut
Nouvelle CXXVII. 385
vouloit aucunement user des finesses requises en tels cas , que d'attraire ' à sa cordelle un personnage de disposition gaillarde et de bonne réputation , soubz le manteau duquel soit couverte la réputation telle qu'estoit celle de son capellan. La mère luy chargea de tenter ainsi la douceur du chevalier, et selon icelle donner bon ordre au demourant. La fille luy promet de n'y tarder guèresde ce faire^. Cependant que le gentilhomme son mary estoit à la chasse , elle print en main une coignée et entre en son jardin , et là se print à abattre un beau laurier, lequel avoit esté planté là de la main de son mary, et pour cette considération il en estoit jaloux et passoit volontiers le temps souz cet ombrage, en attendant que les viandes ordonnées pour traicter ses amis fussent assaisonnées. Pour vous le faire court , voilà l'arbre parterre; voicy venir le mary: elle luy en fait coucher des branchages au feu , qui furent incontinent apperceuz par luy. Toutesfois, avant que d'en mener bruict, remit son manteau sur ses epaulles et va sur le lieu pour mieux s'en asseurer. Il ne faut point demander, après qu'il eut veu la fosse fresche , s'il fut bien troublé : car il s'en retourna plein de menaces et demanda à sa femme qui estoit celuy qui luy avoit joué ce bon tour, et elle luy feit responce qu'elle l'avoit fait pour le rechauffer à son retour de la chasse, et pour avoir entendu cet arbre conforter la viellesse. Pour cette fois elle l'appaisa, et pensoit luy avoir fait avaller sa colère aussi douce que