Var. ; Pour cela exploiter

384 Nouvelle CXXVII.

sucrée. Cela fait, le lendemain matin elle en advertit sa bonne mère, laquelle luy dit que c'estoit bon commencement, mais qu'il falloit encore essayer davantage, comme à luy tuer la petite chienne qu'il aimoit tant , ce qu'elle entreprint de faire, et le feit à l'occasion que cette petite chienne , retournant de la ville d'avec son maistre , toute boueuse se jetta sur le lict, o\i la dame avoit, par exprès, mis une riche couverture; et, comme on l'eut chassée de là , elle s'en vint sauteler sur la robe de madame, laquelle, feignant avoir gasté ses beaux habits, empoigna un Cousteau, et, en la présence de son mary, luy en couppa la gorge. Ce ne fut pas encore assez au jugement de la mère, si, après l'arbre inanimé et la chienne morte, elle n'ofîençoit d'abondant son mary en quelques personnes des plus chéries de luy, et ce qu'elle feit pareillement : car elle renversa (en un banquet qu'il faisoit à la fleur de ses amis) la table , qui estoit chargée de viandes , et, se voulant excuser, dit qu'elle avoit ce fait par mesgarde et voulant prévoir au service. Sur ces indignations, la nuict donna conseil au gentilhomme de l'empescher lever du lict; l'empescha bon gré mal gré ', et luy remonstra qu'il falloit qu'elle s'y tint encores pour quelques remèdes qu'il luy avoit apprestez pour la guarir. Elle, en se deffendant, disoit qu'elle se trouvoit en bonne disposition et gaillarde en son esprit. «Je le crois ainsi, dit-il,

I. Le texte de cette Nouvelle jusqu'à cet endroit a été reproduit d'après une édition sans date de Galiot du Pré. Nous n'avons point relevé toutes les variantes des éditions subséquentes : elles sont trop nombreuses, trop fautives.

Nouvelle CXXVII. 385

et trop de quelques grains , à quoy convient remédier d'heure. » Lors, luy ramentevant les trois honnestes tours qu'elle luy avoit jouez consécutivement, nonobstant les remonstrances et menaces qu'il luy avoit faites à chacune fois , par lesquelles il avoit juste crainte de quelque quatriesme pire que tous les autres precedans , envoie quérir un barbier, auquel il feit entendre ce qu'il vculoit qu'il executast : c'est assavoir que , pour certaines considérations qu'il luy taisoit, son plaisir et intention estoit qu'aussi tost qu'il luy auroit présenté sa femme, il ne feit faute d'exécuter sa charge , s'il vouloit luy complaire. Le barbier, après avoir entendu tels propos, s'enhardit de demander au gentilhomme quelle estoit sa volonté , de laquelle il fut incontinent asseuré. Le gentilhomme , après avoir fait allumer un grand feu en une chambre de son logis où l'attendoit le barbier, s'en va en la chambre de sa femme , qu'il trouva toute habillée (faignant d'aller veoir sa mère , à laquelle, peu de jours auparavant , elle avoit décelé l'impuissance de son mari , luy requérant au surplus la vouloir addresser au combat amoureux qu'elle avoit entreprins contre un champion de son aage). De ce adverty, le gentilhomme , redoublant le fiel et courroux (qu'il desguisa au mieux qu'il peut) , luy va dire : (( M'amye, certainement vous avez le sang trop chaud , qui vous cause par son ebullition tous ces caprices et inconsiderez tours que faites tous les jours. Les médecins, à qui j'en ay parlé et consulté , sont d'avis qu'il convient vous saigner un peu, et disent cela pour voslre santé.» La damoiselle, entendant ainsi parler son mary et ne

386 Nouvelle CXXVII.

s'estant encor apperceue de son entreprinse, se laissa conduire où il voulut. Il la mena en la chambre où le barbier l'attendoit, et luy commanda s'asseoir le visage devant le feu , et feit signe au barbier qu'il print son bras dextre et luy ouvrist la veine; ce qu'il fit. Tandis que le sang decouloit du bras de ceste damoyselle , son mary, qui sentoit oculairement les grillons s'affoiblir, commanda fermer ceste veine et ouvrir celle du bras senestre, ce qui fut pareillement fait. Tellement que la pauvre damoyselle resta demy morte. Le gentilhomme, bien joyeux d'estre parvenu à fin de son entreprise , la fait porter sur un lict, où elle eut tout loisir d'apprendre à ne plus fascher son mary'. Si tost qu'elle fut revenue de pasmoison , elle envoyé un de ses gens vers sa mère, laquelle, ayant apprins du messager toutes les traverses et algarades qu'elle avoit joué à son mary, et se doutant (la bonne dame!) qu'au moyen de ce sa fille la voulust semondre de la promesse que (outre son gré) elle luy avoit faite, s'en va la trouver au lict , et commença à dire : « Et bien ! ma fille, comment vous va? Ne vous faschez point , vostre désir sera bien tost accomply, touchant ce que m'avez recommandé. — Ha! ma mère, respondit-elle , je suis morte; telles passions ne trouvent plus fondement en moy; si bien y a opéré mon mary, auquel je me sens

I. C'est à la suite d'un pareil traitement que la tradition fait mourir la comtesse de Châteaubriant. Un jour j/x hommes masqués saignèrent la comtesse aux bras et aux jambes et la laissèrent mourir en cet état. [P. Lacroix, Dissertations sur quelques points curieux de l'histoire de France. Paris, Techener, 1838; la pièce intitulée : La comtesse de Châteaubriant.)

Nouvelle CXXVIII. 387

aujourd'hui plus tenue du bon chemin où il m'a remise par sa prudence que de l'honneur qu'il m'avoit premièrement fait de m'espouser ; et , si Dieu me rend ma santé, j'espère que vivrons en bon et heureux mesnage. L'histoire racompte qu'ilz furent depuis en mutuel amour et loyaulté, au grand contentement l'un de l'autre.

Nouvelle CXXVIII.

De deux jouvenceaux Sienois amoureux de deux

damoyselles espagnolles , l'un desquelz se

présenta au danger pour faire planchette

à la jouissance de son amy , et

qui luy tourna à grand

contentement et

plaisir.

Siene y avoit deux jeunes hommes de fort bonne maison , voysins et nourriz ensemble , et de mesme marchandise , ce qui engendra une très grande et intrinsèque amitié entr'eux. Hz se délibérèrent un jour de faire un voyage en Espagne pour le trafiq de leurs marchandises. Après qu'ilz eurent quelque temps séjourné à Valence en Espagne, ilz devindrent extrêmement amoureux de deux gentifemmes espagnolles , mariées à de nobles chevaliers du pais. Les deux Sienois se nom-

388 Nouvelle CXXVIII.

moyent l'un Lucio et l'autre Alessio. Lucio estoit plus advisé en l'amour de sa dame Isabeau que son compagnon n'estoit en la poursuite de sa choisie , et lesquelles ne cedoient en mutuelle amitié à la fraternité des deux Italiens. Or dura ce pourchas d'amour entr'eux l'espace de deux ans qu'ilz furent à negotier en Valence , sans qu'ilz peussent parvenir plus avant que aux simples caresses de la veue et œillades, plus pour le respect qu'ilz avoient aux chevaliers qu'au danger où ilz se fussent mis en pais estrange s'ilz eussent attenté de plus près par embassades, missives, resveilz et aubades. Il advint un jour que la damoyselle Isabeau entra en une église où le passionné Lucio s'estoit mis à couvert de la pluye. De bonheur, en sepourmenant parl'entour de l'egHse, il apperceut sa dame assise en un coing et accompagnée d'une seule servante, qui fut aussi à propos comme s'il y eut esté mandé. Geste rencontre luy donna hardiesse de s'approcher d'elle, et la salua gracieusement. Elle luy rendit salut avec une modestie assaisonnée d'une sourde gayeté. La servante , qui paraventure estoit du conseil secret et bien apprise , se leva d'auprès sa maistresse comme pour aller regarder quelque image. Lucio, bien joyeux de ceste commodité de pouvoir manifester ses passions à sa dame, commença sa harangue ainsi que s'ensuit : « Madame , je croy que ne soyez ignorante de l'amour desmesuré qui depuis deux ans entiers me tient prisonnier de vostre beauté , à laquelle il ne s'est peu descouvrir, pour la révérence de vostre honneur. Aussi suis-je asseuré qu'avez assez ouy dire combien ce feu d'amour si longuement clos et

Nouvelle CXXVIII. 389

couvert en ma poitrine l'a embrasée , ne trouvant en moy issue pour s'évaporer. Je ne fay doubte que le dieu Cupido ne soit appaisé et contenté à la fm par le sacrifice continuel de mes longs soupirs, larmes et travaux, et que, pour en recouvrer allégeance , il ne m'ait préparé ceste oportunité en laquelle je vous requiers (Madame), en briefves paroles que le lieu et le temps peuvent souffrir, pitié, mercy et miséricorde. » La dame Isabeau, non moins passionnée d'ardeur amoureuse que Lucio, luy respondit : <( Mon amy (puis que vostre courtoisie , honnesteté et constance ont mérité ce nom) , je vous prie de vous asseurer d'amour réciproque en mon endroit, et que la commodité seule en a jusques aujourd'huy retardé le mutuel contentement. Toutesfois je suis délibérée d'employer tous mes sens à nous moyenner bien tost une heureuse rencontre qui puisse assouvir noz longs désirs, de laquelle je ne failliray à vous donner bon et seur advertissement. » Lucio, l'en remerciant un genoil en terre, n'oublia de luy ramentevoir son compaignon Alessio, pour lequel elle luy promit pareillement qu'elle feroit ofnce de bonne amye envers sa compagne, pour le mérite de son amour constante. La survenue du peuple à l'heure du service les fit départir fortenviz. Bref, Lucio vole pour porter ces nouvelles à son amy Alessio, et ne passèrent deux jours qu'ilz receurent un message de eux trouver environ les deux heures de nuict au logis de madame Isabeau , à quoy ilz ne faillirent d'une seule minute d'horloge. Là les attendoit madame Isabeau , laquelle , après la porte ouverte aux poursuyvans, s'arrestaà deviser avec Lucio et luy dit

J90 Nouvelle CXXVIII.

que son mary, ayant depuis quelque temps renoncé à la suyte de la court et au plaisir de la chasse , Tavoit par si long temps frustrée de l'occasion de leur entreveue , non moins désirée de son costé que du sien; mais qu'à la fm, vaincue d'extrême affection , elle avoit voulu bazarder ce larrecin de Venus, si luyet son compaignon avoient en eux la hardiesse d'en accomplir le dessein : c'est à sçavoir, que Alessio se despoilleroit à nud et iroit en son lict près de son mary tenir sa place, tandis que Lucio demeureroit pour deviser avec elle. Alessio (quelque grande amitié quasi fraternelle qu'il portast à Lucio) trouva cela de dure et difficile entreprise, si la damoyselle Isabeau ne l'eust renforcé par promesse de guerdon qu'elle luy avoit moyenne envers sa compaigne , outre le profond sommeil de son mary, qui ne se fust resveillé jusques au jour. Or tout ce qu'elle persuadoit à Alessio estoit afin que, se remuant dedans le lict, son mary sentit sa jambe, ou quelque autre partie humaine, qu'il penseroit estre elle, u Quoy ! le vous feray-je long ? » Alessio, persuadé par l'un et par l'autre, se despouille, non sans grande frayeur, et s'en va tenant Isabeau par la robbe, et se couche doucement en sa place , se gardant de tousser et cracher si près de son hoste. Cependant, Lucio et Isabeau jouent leurs jeux paisiblement en une autre chambre du logis. Le pauvre Alessio, se voyant près la personne du chevalier, sans qu'il osas't se remuer, trembloit, tombant en diverses pensées ; maintenant il disoit que la damoyselle les trahissoit tous deux, le livrant le premier à la gueulle du loup -, maintenant estimoit , si elle les traitoit de bonne volonté , qu'elle s'oublioit entre

Nouvelle CXXVIII. 391

les bras de son amy, le laissant en ce grand et eminent danger jusqu'à la pointe du jour; à laquelle heure il est tout esbahy qu'il les veid entrer en la chambre après qu'ilz eurent fait un grand tintamarre d'huys; et, approchans de la courtine, luy demandèrent comme il avoit reposé celle nuict. A l'instant , la damoyselle Isabeau leva la couverture du lict, qui fit apparoir à Alessio s'amye couchée auprès de luy en lieu de l'ennemy, et n'avoit (la tendrette! ) non plus remué ni cligné l'œil que luy. De cela furent fort louez les deux amans : c'est à sçavoir, Alessio pour le danger où il se mit afin d'avancer l'entreprinse de son amy, et son amye, à raison de ce qu'elle s'estoit si honnestement contenue estant couchée après de luy. Qui fut occasion de les laisser prendre quelque demy once de plaisir au combat amoureux. On dit que cette couple d'amans entretint son crédit pendant le temps que les mariz servoient leur roy pour un mesme quartier.

392 ' Nouvelle CXXIX.

Nouvelle CXXIX.

D'une jeune fille surnommée Peau d'Asne,

et comment elle fut mariée par le moyen

que luy donnèrent les petits

formiz ' .

n une ville d'Italie il y avoit un marchand , lequel , après qu'il se veid passablement riche, délibéra de se reposer et achever joyeusement le demourant de sa vie avec sa femme et ses enfans , et pour ceste considération se retira en une métairie qu'il avoit aux champs. Or, pource qu'il estoit homme d'assez bonne chère et qu'il aimoit la gentillesse d'esprit , plusieurs bons personnages le visitoyent, et entr'autres un gentilhomme d'ancienne maison et son voysin, lequel, pour le désir qu'il avoit de joindre quelques pièces de terre du marchand avec les siennes, luy feit à croire qu'il desiroit grandement que le mariage se feit de son fils avec la puisnée de ses filles , nommée Pernette, pourveu qu'il l'advançast en quelque chose. Le marchand , entendant assez bien où tendoit le gentilhomme , qui le mocquoit, l'en remercia gracieusement comme celuy qui n'eust jamais pensé tel bien luy devoir advenir. Toutefois, ces propos parvenuz aux oreilles du filz du gentilhomme

I. Cette nouvelle n'a aucun rapport avec le conte de Perrault.

Nouvelle CXXIX. 393

et de la fille du marchand, ils osèrent bien, chascun endroit soy, sonder les cœurs et les affections l'un de l'autre ; ce qui fut conduit si dextrement que, de propos familiers, ils se promirent mariage et se résolurent d'en avertir leurs parens. Quelque temps après le fils du gentilhomme s'addressa au père de Pernette, lequel il combatit avec telles raisons emmiellées de promesses de l'advantager en son propre qu'il le rengea à sa volonté et qu'elle luy demoureroit à femme, pourveu que sa mère y consentist. Or il faut entendre que les sœurs de Pernette estoient jalouses de son ayse et de ce qu'elle marchoit la première ; tellement que, pour divertir leur père de sa promesse, elles luy mirent à sus choses et autres. D'autre part, la mère, qui se repentoit de l'avoir jamais portée en son ventre , ne voulut consentir à ce mariage si avant toutes choses Pernette ne levoit de terre, et avec sa langue , grain à grain , un boisseau plein d'orge, que à ceste fin elle luy feroit espandre. Outre-plus, le marchand, voyant que ce mariage ne plaisoit à sa femme, et prenant pied à ce que ses autres filles luy avoyent dit , voulut que dèslors en avant Pernette ne vestist autre habit qu'une peau d'asne qu'il luy achepta, pensant, par ce moyen, la mettre en desespoir et en desgouster son amy. Pernette, au contraire, redoubloit son amour par la rigueur qu'on luy tenoit, et se promenoit souvent vestue de ceste peau. Ce qu'entendant son amy, il s'en va vers le marchand, lequel , faisant bonne mine et plus mauvais jeu, luy dit qu'il lui vouloit tenir promesse, mais que sa femme vouloit telle chose (qu'il luy compta) estre faicte. Pernette, oyant ces propos, se présente à

394 Nouvelle CXXIX.

son père et luy demande quand il vouloit qu'elle se mist en besogne. Son père, ne pouvant honnestement rompre sa promesse, luy assigna jour. Elle n'y faillit pas. Comme elle estoit environ ces grains d'orge , ses père et mère faisoient soigneuse garde si elle en prendroit deux en une fois, afin de demourer quittes de leurs promesses; mais, comme la constance rend les personnes asseurées, voicy un nombre de formiz, qui se traînèrent où estoit cest orge, et feirent telle diligence avec Pernette (et sans qu'on les apperceust) que la place fut veue vuyde. Par ce moyen Pernette fut mariée à son amy, duquel elle fut caressée et aymée comme elle avoit bien mérité. Vray est que, tant qu'elle vesquit, le sobriquet Peau d'Asne lui demoura.

Fin des Nouvelles Récréations attribuées à Bonaventure

Des Periers , et du tome II et dernier

des Œuvres françaises.