L'on s'est trompé en l'attribuant à Ovide

2. Parceque, sans doute, il lui souvient des derniers mots de la glose faite sur ce dicton ; « Hanc nemo si roget , ipsa rogat. »

78 Nouvelle XVI.

cy. Ny moy donc aussi ? dira ceste-là. Et bien j'en suis content, je ne veux point de noise. Tant y ha que une femme bien apprise se garde bien de dire qu'elle ayt esté priée , principalement à son mary : car, s'il est fm , il pensera de sa femme que, si elle n'eust donné occasion et audience, elle n'eust pas esté requise. Pourvenir à mon compte, il advint qu'entre ceulx qui hantoyent en la maison de monsieur le marié ^n'attendez pas que je le vous nomme) y avoit un jeune advocat appelé le sieur de Beaufort , lequel estoit du pays de Berry, hantant la barre pour usiter et praticquer ce qu'il avoit veu aux estudes, auquel monsieur faisoit grande familiarité et bonne chère, parce qu'ilz s'entre estoient veuz aux universitez, et mesmes avoyent esté compaignons d'armes en plusieurs factions.

Ce Beaufort n'estoit pas surnommé, car il estoit beau, adroit, et de bonne grâce. Et pour ce, la dame lui faisoit bon œil, etluy à elle, tant qu'en moins de rien , par frequens messages des yeuîx , ilz s'entre-donnèrent signe de leurs mutuelles volontez. Or le mary, sçachant que c'estoit de vivre, ne se monstroit point avoir de froid aux piedz , mesmement à la nouveauté , ne se deffiant pas grandement d'une si grande jeunesse qui estoit en sa femme, ni de l'honnesteté de son amy, et se contentant de la garde que faisoit dame Remette. Beaufort, qui de son costé entendoit le tour du baston ' , voyant la grande privaulté que luy faisoit le mary, et le gracieulx accueil que lui faisoit

I . Rusé compère , par allusion au petit bâton des joueurs de gobelets.

Nouvelle XVI. 79

la jeune femme, avec une affection (ce luy sembloit) bien plus ouverte qu'à nul aultre, comme il estoit vray, trouve aisément l'occasion, en devisant avec elle , de la conduire au propos d'aimer, d'autant qu'elle avoit esté nourrie en maison d'apport, et qu'elle sçavoit suivre et entretenir toutes sortes de bons propos. A laquelle Beaufort, de fil en aiguille, se printà dire telles parolles : Madame, il est assez aisé aux dames d'esprit et de vertu à congnoistre le bon vouloir d'un serviteur, car elles ont tousjours le cueur des hommes, encore qu'elles ne vueillent. Pour ce n'est besoin de vous faire entendre plus expressément l'affection et l'honneur que je porte à l'infinité de vos grâces, lesquelles sont accompagnées d'une telle gentillesse d'esprit qu'homme n'y sçauroit aspirer qui ne soit bien né , et qui n'ayt le cueur en bon lieu : car les choses précieuses ne se désirent que des gentilz courages , qui m'est grande occasion de louer la fortune, laquelle m'ha esté si favorable de me présenter un si cligne et si vertueux subject, pour avoir le moyen de mettre en évidence l'inclination que j'ay aux choses de prix et de valleur. Et combien que je soys l'un des moindres de ceulx desquelz vous méritez le service, je me tiens pourtant asseuré que voz grandes perfections, lesquelles j'admire, seront cause d'augmenter en moy les choses qui sont requises à bien servir: car, quant au cueur, je l'ay si bon et si affectionné envers vous , qu'il est impossible de plus ; lequel j'espère vous faire congnoistre si évidemment , que vous ne serez jamais mal contente de m'avoir donné l'occasion de vous demeurer perpétuellement serviteur. La jeune dame, qui estoit honneste et bien

8o Nouvelle XVI.

apprise , oyant ces propos d'affection , eusl bien voulu son intention aussi facile à exécuter comme à penser. Laquelle, d'une paroUe féminine, assez asseurée pourtant, selon l'âge d'elle (auquel communément les femmes ont une crainte accompagnée d'une honte honneste), luy va respondre ainsi : Monsieur, quand bien j'auroisvolenté d'aymer, si n'aurois-je pas encore eu le loisir de songer à faire un aultre amy que celuy que j'ay espousé , lequel m'aime tant , et me traicte si bien , qu'il me garde de penser en aultre qu'en luy. Davantage, quand la fortune devroit venir sus moy pour mettre mon cueur en deux partz, j'estime tant de vostre vertu et de vostre bon cueur que vous ne voudriez estre la première cause de me faire faire chose qui fust à mon desavantage. Quant aux grâces que vous m'attribuez, je laisse cela à part, ne les recongnoissant point en moy, et les rendz au lieu dont elles viennent, qui esta vous. Mais, pour mes aultres défenses , voudriez-vous bien faire ce tort à celuy qui se fie tant en vous , qui vous faict si bonne chère ?' Il me semble qu'un cueur si noble que le votre ne sçauroit donner lieu à une telle intention que celle-là. Et puis, vous voyez les incommoditez assez grandes pour vous divertir d'une telle entreprise, quand vous l'auriez. Je suis tousjours accompagnée d'une garde , laquelle, quand je voudrois faire mal , tient l'œil sus moy si continuel, que je ne luy sçaurois rien desrober. Beaufort se tint bien ayse quand il ouit ceste response, et principalement quand il sentit que la dame se fondoit en raisons dont les premières estoient un peu fortes, mais par les dernières la jeune dame les rabatoit elle-mesmes. Ausquelles Beaufort res-

Nouvelle XVI. 8i

pondit sommairement : Les trois pointz que vous m'alléguez, Madame, je les avois bien preveuz et pourpensez ; mais vous sçavez que les deux despendent de vostre bonne voulenté, et le tiers gist en diligence et bon avis. Car, quant au premier, puisque Tamourestune vertu, laquelle cherche les espritz de gentile nature, il vous fault penser que quelque jour vous aymerez tost ou tard ; laquelle chose devant estre , mieulx vault que de bonne heure vous receviez le service de celuy qui vous ayme comme sa propre vie que d'attendre plus longuement à obéir au Seigneur, qui ha puissance de vous faire paj er l'usure du passé , et vous rendre entre les mains de quelque homme dissimulé qui ne prenne pas vostre honneur en si bonne garde comme il mérite. Quant au second , c'est un point qui ha esté vuydé , long-temps ha , en l'endroit de ceulx qui scavent que c'est que d'aimer : car, pour l'affection que je vous porte , tant s'en fault que je face tort à celuy que vous avez espousé , que plustost je luy fay honneur quand j'aime de si bon cueur ce qu'il aime. Il n'y ha point plus grand signe que deux cueurs soient bien d'accord sinon quand ilz ayment une mesme chose. Vous entendez bien que, si nous estions ennemis luy et moy, ou si nous n'avions point de familiarité l'un à l'autre, je n'aurois pas l'opportunité de vous veoir, ny de vous parler si souvent. Ainsi, le bon vouloir que j'ay vers luy, estant cause de la grand amour que je vous porte , ne doibt pas estre cause que vous me laissiez mourir en vous aymant. Quant au tiers, vous sçavez. Madame, que à cueur vaillant rien n'est impossible. Advisez donq que c'est qui pourroil eschapper à deux

82 Nouvelle XVI.

cueurs soubmis à l'amour, lequel est un seigneur qui faict si bien valloir ses sugetz ! Pour abréger, Beaufort luy compta si honnestement son cas qu'honnestement elle ne l'eustsceu refuser. Et demeurèrent les affaires en tel point que la jeune dame fut vaincue d'une force volontaire, si qu'il ne restoit plus qu'à trouver quelque bonne opportunité de mettre leur entreprise à exécution. Hz advisèrent des moyens uns et aultres ; mais quand ce venoit à les faire bons, dame Pernette gastoit tout, car elle avoit deux yeulx qui valloient bien tous ceulx du gardien de la fille d'Inache ' . Et puis d'user des finesses que Beaufort avoit aultres fois faictes , il n'y avoit ordre , car le mary les sçavoit toutes par cueur. Toutesfoys il s'ingénia tant qu'il en advisa une qui luy sembla assez bonne : ce fut que , sçachant bien qu'en toutes bonnes entreprises d'amours il y fault un tiers , il sedescouvre à un sien amy, jeune homme marchand de draps de soye , et encores non marié , demeurant en une maison que son père luy avoit n'ha guères laissée au bout du pont Nostre-Dame ; et mesme estoit bien congneu du mary. Un jour de Toussaintz, comme il avoit esté advisé entre les parties, la jeune femme, que le dieu d'amour conduisoit, partit de sa maison sus l'heure du sermon , pour aller ouir un docteur qui preschoit à S. Jehan en Grève, et qui avoit grand presse; et le mary demeura en sa maison pour quelque sien affaire. Ainsi que la dame passoit par devant la maison du sire Henry (ainsi s'appelloit le marchand), voicy qu'il luy fut getté (selon que le mystère avoit esté

j . Argus.

Nouvelle XVI. 83

dressé) un plein seau d'eau , qui luy couvrit toute la personne , et fut getté si à point que tous ceulx qui le virent Guidèrent bien que ce fut par inconvénient. 0 ! lasse, dit-elle, dame Pernette, je suis diffamée ! Et que feray-je ? Le plus viste fut qu'elle se getta dedans la maison du sire Henry, et dit à dame Pernette : Mamie, courez vistement me quérir ma robe fourrée d'aigneaulx crespés; je vous attendray icy chez le sire Henry. La vieille y va, et la jeune dame monte en hault, où elle trouva un fort beau feu que son amy luy avoit fait aprester, lequel ne luy donna pas le loisir de se devestir, qu'il la gette sus un lict qui estoit là auprès du feu , là où pensez qu'ils ne perdirent point temps , et si eurent assez bon loisir de bien faire avant que la vieille fust allée et venue, et prins robe et tous autres accoustremens ' . Le mary, qui estoit à la maison , entendit que dame Pernette estoit en la chambre de devant , laquelle faisoit son affaire sans luy en dire rien , de peur qu'il se faschast. D'aventure il vient et trouve la bonne Pernette, et commence à luy dire : Que faites-vous icy ? Où est ma femme ? Dame Pernette luy compte ce qui luy estoit advenu, et qu'elle estoit venue quérir des habillemens pour elle. O ! de par le diable! dit-il en sefongnant, voilà un tour de fmesse qui n'estoit point encor en mon papier; je les sçavois tous, fors celuy-là. Je. suis bien accoustré! Il ne fault qu'une meschante heure pour faire un homme cocu ! Allez-vous-en à elle , de par Dieu ! je luy envoyeray le reste par le garçon. Dame Pernette y va, mais il n'estoit plus temps, car